استفسار بخصوص سمك بطانه الرحم وحجم البويضه

السلام عليكم انا حطيت موضوعي امس بقسم الحمل والولاده بس ما لقيت رد لاستفساري والبنات انصحوني اني احطه بقسم تاخر الانجاب يليت اللي عندها اي معلومه لا تبخل علينا شنو سبب ضعف بطانه الرحم انا سويت سونار داخلي وقالت لي بطانه الرحم ضعيفه حجمها 4,5 ما راح يصير حمل عليها وقالت لي حجم البويضه وايد كبير وهذا معناته انها فاضيه وما راح يصير حمل عليها وكان حجم البويضه 26 انا سويت تنضيفات قبل 3 شهور ممكن اهي اللي خلت بطانه الرحم ضعيفه وشنو حجم البطانه الطبيعي.
و الله يوفق كل وحده بترد علي وينولها اللي في بالها

ضى الايمان

اول شى يا عمرى عسى الله يرزقج بالذرية الصالحه اللى تقر عينج وتفرح قلبج اللهم امين يارب عاجلا غير اجلا امين يارب 000

يا عمرى بالنسبة لبطانة الرحم اللى اعرفه انه يزيد سمكها اذا كانت الوحده منشطات قوية حيل وهنيه يسمونه تضخم بالرحم واللى اعرفه اما بالنسبة لضعفها فوالله ماعرف بس اللى اعرفه انه لها علاج يزيدها سمك ويقويها عشان جذى اللى تبى الحمال يوصفون لها حبوب الفوليك عشان تهيئ الرحم وتزيد بطانته فانصحج تاخذينها وهى ترى عادى حتى بالمستوصف تنصرف او تشترينها من الصيدلية على راحتج وهم المنشطات اللى يعطونها للى تبى الحمال هم عشان يزيدون فرص الحمل —

اما بالنسبة للبويضة ياعمرى انا لما سويت عمليات الحقن المجهرى الدكتور كان ينطر لما تصير البويضه 25 او 27 عشان يسحب البويضات ويسوى العملية فما ادرى منو قالج انها لما تكون بهالحجم ما يصير حمل انا مرتين صار معاى حمل بس اجهضت والله كريم يا عمرى 000

يا عمرى تبين نصيحتى روحى حق اكثر من دكتور واخذى رايهم واساليهم بشنو ينصحون اذا فعلا هالكلام صحيح والله يوفقج ويرزقج ان شاء الله ويرزقنى ويرزق كل محروم ومحرومه منهم اللهم امين يارب 000

انا ودي اعرف اكثر عن هالموضوع

مشكوره حبيبتي وما قصرتي وانا الحين لي سنه اخذ فوليك اسد والحين اخذه مرتين والدكتوره عطتني حبوب عشان تزيد سماكه الرحم والله كريم انشاء الله ربي يرزق كل محروم

ضى الايمان

ياعمرى زين الدكتورة ما قالت لج من شنو الضعف 000 وترى الفوليك بروحه ما يسوى شى يعنى لازم تاخذين معاه منشطات ومقويات عشان البطانه 000

راجعى الكتورة وقولى لها تعطيج شى اقوى من الفوليك يعنى سامحينى على هالكلمة بس اللى بطانة رحمهم زينة وما فيها شى قاعدين يعطونهم فوليك يعنى لازم للى بطانة رحمهم ضعيفه يعطونهم شى اقوى 000

عسى الله يرزقج ياعمرى وان شاء الله باذن واحد احد تبشر ينا بحمالج اللهم امين يارب

انا التبويض عندي وايد زييييين ما عندي مشاكل بالتبويض ولله الحمد ودورتي منتظمه كل 30 يوم واول مره تطلع بطانه الرحم ضعيفه يمكن من عقب عمليه التنظيفات وانا اخذ معاه تحاميل وحبوب والله كريم

الدكتور الى سوالج التنظيفات كحت كل البطانه الى فى الرحم علشان جذى صارت ضعيفه و تكون سميكه بعد دورتين او 3دورات على الاقل والظاهر طبيعه جسمج جذى نطرى كم شهر وانشالله ترجع البطانه مثل الاول اخذى فولك وفيتامينات وانشالله خير

بسم الله

انا امس عند الدكتور وشاف البطانة وانت حجمها 8 قال طبيعي معناته انج نص الطبيعي

حبيبتي دام تبويضج زين ودورتج طبيعية لا تحاتين انشاء الله مسألة وقت

وحجم البويضة الطبيعي 20 -22

اهي توصل 27 اذا خذيتي منشطات حق الانابيب او المجهري اي حالة ثانية ما يحتاج تزيد عن ال22

يعني انا اخذ منشطات بس فالدكتور يبي البويضة توصل 20 عشان يفجرها