استفسار .!؟ لأبلات مدرسة العدان إ بنات

حسب عدد الصفوف والمعلمات بيعطونج يا صف ولا صفين

والدرجات انتي تحطينها وتتعاملين كانج معلمة متعينة واللي على المعلمة المتعينة عليج يعني حسبي حسابج انتي مسؤولة عن صفج من اول ما تستلمينه ليما نهاية الميداني

وانتبهي في الدرجات ترى البنات مو هينين يعني تعرفي عليهم عدل عدل

وبما انج معلمة مادة اساسية لا تعطين البنات ويه اول شي لا شدي عليهم بس مو تزهقينهم بعيشتهم عاد ولا تزفينهم كل شوي ههههههههههههههه

لا ثبتي نفسج بالصف وبيني لهم شدتج وقولي لهم شنو يسوون وعطيهم تعليمات خصوصا الطلعة بين الخمس دقايق نبهي عليهم بششششششششدة

يويلها اللي تطلع ……وبعد مدة اذا حبيتي ترخين بكيفج يعني خل يهابونج ويتنطرون منج الضحكة

وديري بالج على تحضيرج لا تحضرين بالمدرسة واهتمي بخطج ترى في موجهين يموتون عالخط الحلو

وخلي اهدافج متسلسلة وواضحة

استخدمي وسائل على طول ولا تقولين ماكو وسائل بهالحصة لا حتى لو بطاقات حق الجملة العلاجية وخلي البنات اهما بعد اييبون معاهم بطاقات تنمسح ولا سبورة لاصقة وقلم سبورة عشان يصير في حركة بالصف

تابعي الدفاتر اول باول لا يمر اسبوع مو مصححتهم كلهم

والله يوفقج حبيبتي وانتي بعد لي داومتي بتعرفين من المعلمات شنو ناقصج

للاسف مااعرف هالمدرسة والله

ان شاءالله خير تفائلي وسوي شغلج كامل ولا تخلين عليه قاصر ولا تحاتين