|
|
قووه خواتي
ابي استفسر بالنسه حق معاش بنتي الداون
اهو معطينا بتاريخ 30/3 /2011 اخر شي
هل لازم انجدد الاوراق مره ثانيه ولا بس خلاص يستمر المعاش عادي لانه اهيا داون هل لازم كل 3 سنوات تجديد بعرف
ومتى اقدر اقدم اوراقها قبل المعاش ولا بعده
وستفسار ثاني ماعليكم امر
بنتي اتكمل 3سنوات انشاءالله بتاريخ 4/11 /2010 المجلس الاعلى قالوا ماتدخل هالسنه الحضانه يعني مايتكفلون فيها
فقالوا انقدم اوراقها بشهر واحد بس ليش شهر واااحد احس واايد اخروها وبعدين انا بدخلها الحضانه على احسابي يعني اول ادوامات على الاسبوع الياي بوديها الحضانه من شهر 9 الى العطله بس ليش موراضين يتكفلون فيها يقولون لازم شهر واحد انقدم اوراقها
بس اهيا تكمل بشهر 11 تكمل 3سنوات ليش يضيعون عليها حيل منبطه جبدي منهم
يعني اللي انولد بشهر 9 واقل يدش ويتكفلون فيه واللي فوق شهر 9 مايدش يعني بنتي اشهرين ويبوون يطفون عليها لى شهر واحد ونقدم اوراقها وعقب مايندرى متى يردوون علينا واتسجل يعني على السنه اليديده شهر 9 /2011 تدخل بعمر 3سنوات و9 اشهر يعني ماخرينها 5 اشهر والله حررام
عشان جذي بدخلها على احسابنا
ابي رد يريح قلبي
وهل اتهقون في مجال احد يكلمهم انها تدخل على الكورس الثاني ولا لا ؟؟ يعني اتلحق اذا وافقوا عليها بشهر واحد ولا لا تنطرر؟؟
واسفه طوولت بالحجي بس لانه منبطه جبدي
والله كرررررررررررررررريم
وبسم الله عليج من الحرة
– المعاشات ما تجدد وجم تاريخ شهادة اثبات الإعاقة؟؟
-الحضانة من 3ونص على حساب المجلس.
والله يطمن قلبج ويريحج ياارب
يعني ماتجدد يعني المعااش يمشي عاادي مايحتااج اوراق نفس اول مره
وتاريخ الشهاده حق شنو مافهمت
بالنسبه حق بدل الخدامه حق بنتي يصير يعني تستحق ولا لاماادري
الحين ابوها بس بيسوي له كتاب حق الاعفاء الساعتين
بس بعرف شنو بعد شي لها
ومشكوووره ياقلبي وعساااج على القووه
وبخصوص كتاب الإعفاء راجعوهم الحين.
بخصوص راتب الخدامة والإمتيازات الثانية لما يطبق القانون.
بس انا اقصد المعااش هل عشان يمشونه لها لازم اعيد االوراق مره ثاانيه موقالوا كل 3سنوات تجدد الاوراق عشان المعااش
وبالنسبه حق شهادته الاعاقه مافهمت ليش تجدد اول مره ادري لانه بنتي داون يعني طول عمرها داون ليش انجدد شهاده الاعاقه مالتها ماافهمت
وقالوا وافقوا عليه لكن ما تفعل .. وسالت متى تفعلونه قالوا ما ندري ؟!
المجلس وموظفينه ما يعطون اجابات واضحه بهذا القانون ودي افهم ليش ؟!
وفي كتيب نازل تلقينه عندهم كل القوانين اللي تعدلت وتخص المعاق
وبالنسبه لتجديد الاوراق كل 3 سنوات من آخر مرة تقدرين تسالين فيها السكرتاريه يطلعون لج التاريخ
والتجديد لأن ممكن تشترين عقار او تجارة باسم بنتج بالتالي ممنوع يمشي لها راتب 
تحياتي
اتصدقيين اليوووووووم حدي احتريت
اليوم ابوها راح يسووي الاعفاااااء جان يقولوله مايصير لانه مكتوب بشهادته الاعاقه مالتها
متلازمه داون دائمه وبسيطه
شكووووو وليييش مايعطونه اعفاااء
يعني والله في نااس لاعبين لعب بشهاايد الاعاقه اللي كاتبين لها شديده ومعنه في حالات عادي مافيهم شي
معنى انا بنتي عندها فتحاات بالقلب وللحين ماتصكررت المفرووض يراعون ويعطون الاعفاااء حدي احتريت
من مسؤله القسم مالتهم ام ماادري شنو اسمها
شنوو الحل ؟؟؟؟؟؟؟
ويوم بغيينا قبل فتره يمكن سنه وامثر صررف لها حفاظات قالوا 3 سنواات ولمى مابقى شي لها على 3نوات قالوا وقفوا الصررف يعني نو مستفيدين منهم
ولاشي الحمدلله محنا عيزاانين عن بنتنا بس بصرااحه شي يحرررر والله
ابي حل شنو اسوووي عشان يعطوونها الاعفااء
ولا فووق هذا يووم بدخلها الحضاانه مارضوا لانه اهيا مواليد شهر 11 مايصير
لازم على السنه اليايه شهر وااحد انقدم اوراقها يعني بترووح عليها سنه
وقلت ميخالف اندخلها على احسابنا
بس بصراحه محنا مستفيدين منهم بشي كله رفض ومايصير
والله العظييم في نااس صااحيين ومافيهم شي وقاعدين ياخذوون معاشات ومن غيير ذمه ولا ضمير ومايخافوون ربهم
وانا بنتي داوون يعني طوول عمرها داون ليش مايسهلوون ويساعدونا بدال مايشحتوون بالناااس
واااي بس مابي اتكلم حدي تعبت استغفر الله العظييم
انا بنتي داون مثل بنتج بس كاتبين لها
متلازمة داون دائمة وشديده
واللي اعرفه كل الداون دائمة وشديده
لازم تراجعين طب الوراثه اللي بالصباح وهم يعدلون لج الشهادة
وتروحين المجلس علشان تتعدل بعد عندهم
والله اعلم
الصابرة ليش 3 ونص يدخلونها معناته دخول روضه مو حضانه صح
التقرير الطبي مع صورة من نتيجة التحليل الوراثي
وقالوا لج تروحين للمجلس الاعلى تقدمينه لهم ويسوون لج لجنه بعدها تطلع شهادة الاعاقة
طبعا اللجنه تعتمد على كلام قسم الوراثه بتحديد نوع الاعاقة ودرجتها
انت روحي يشوفون ملفها ويراجعونه علشان تعرفين وين الغلط من الوراثه
والا تاخذين منهم كتاب للمجلس يعدل وضع حالة بنتج
والله يكتب اللي فيه خير
ويسهل امورج
|
المشاركة الأصلية كتبت بواسطة ام ناييف
 هلا ام اميرة
انا بنتي داون مثل بنتج بس كاتبين لها متلازمة داون دائمة وشديده واللي اعرفه كل الداون دائمة وشديده لازم تراجعين طب الوراثه اللي بالصباح وهم يعدلون لج الشهادة وتروحين المجلس علشان تتعدل بعد عندهم والله اعلم الصابرة ليش 3 ونص يدخلونها معناته دخول روضه مو حضانه صح |
كل الحضانات تستقبل الأطفال من عمر 3
الحضانة المثالية : كل الإعاقات ما عدا الحركية من 3-5 ونص سنين – الجابرية مقابل حوادث م- مبارك ق 7 ش 109 مبنى 88
ت – 25318771
ف – 25318772
– حضانة بيت الأطفال : كل الإعاقات من 3-5 ونصف فقط -الجابرية