استفتاء لكل المدرساء يرجى من الجميع المشاركه وخاصة الريااااااض

سلام

الاستتفاء هو

هل الجهد الي تبذله المعلمة وخاصة معلمات الروضه وعطائها وصبرها وشيباتها وصوتها واخلاصها وتفانيها بالتدريس = معاش المدرسة + العطلة ؟

ولو شفتي ان فرق بين معاشج انتي يالابلة ومعاش الادارية يفرق ب 100-200 دينار هل تظلين بالتدريس ولا تشترين بهالميتين راحتج وراحة بالج ؟

انا احب التدريس

اعشق امسك طفل واعلمه واحب ابدع بحصتي واستانس من تفاعل الصغار معاي

والميه والميتين ماتهمني كثر العطاء اللي يسعدني بالله شنو اسوي اذا اداريه احس التدريس اسمى مهنه بالوجود ومو مهم الماده كثر اجر رب العالمين

وكافي يتقدر المعلم

اي والله يفرق

اولا الفرق بطبيعه العمي انا ما اتخيل نفسي ورا مكتب او كمبيوتر واقلب بالاوراق

انا معلمه

بعدين يكفي ان لنا عطله ناخذ راحتنا والاداريه تداوم طول السنه لها بس 40 يوم

يعني كل مجال له وعليه

بس حسب شخصيتج

انا صراحه ما اتخيل نفسي شي غير معلمه

وتسلمين علي هالموضوع

= المعاش لكنها لا تساوي العطله

عيل ليش يقولولي انحاااااشي من التدريس حفره ان طبيتيها بعد ما تطلعين منها والميتين دينار اشتري فيهم راحتج

والله انا احب اليهال والله ورب الكعبه بس الادارات والناظرات والابلات كرهوني بالتدريس

احنا التعيين الجديد عانينا من هالشي

يعني احنا دخلنا كلية التربيه برغبتنا .. وتخصصنا بالمجال اللي نبيه

وبس نتوظف .. نلقى أنواع الإحباط من اللي حواليج بالمدرسه

ليش صرتوا مدرساات وليش وليش؟؟

مع انها مهنه حلووة ولها أجر كبير عند الله .. وتعلمج الصبر وطولة البال
وراح تصادفين نااس اشكال وألوان من الأجتماعات وغيرة

واااااااااااي تعالي الحين شوووفي الملل و طبيعي لان مافي طالبات … الجو كله حش وسوالف

(( ما أتخيّل نفسي إلأأ معلمه ))

انا عندي يسوى المعاش معقول والعطله حلوه شهرين ونص

والفرق بين معاش المعلمه والاداريه بحدود 300 دينار

والله المعاش يعادل فرق الشغل والكرف ..

يعني ان رحتي مكان ثاني اداري بيقل المعاش صح وبيقل شغلج ..
انتي شنو تبين ؟؟

انا المعاش ما يفرق معاي ..
بس اشوف العطلة اللي ما تتعوض

والتدريس نفسه حلو ماعندي اي مشكلة معاه احبه ..
المشكلة بالاشياء الثانية اللي مو من صميم شغلج ومضطرة تتحملينها ..

اشكركم كلكم على المشاركة والمرور

حبيبتي هذا الحاصل هالحين … الناس بس قاعده تتحلطم .. تحلطم X تححـلطم…!!

محد يقول حمدلله والشكر على كل حاااال … الكل مو عاجبه وضعه .. ويبي يخرب على غيره ….!.!!!!!

بس خليني أقولج على ســر يريحج نفسيآآآ ….!!!

آنا قبل و بحكم قلة خبرتي بالحياة كنت أسمع كل النصايح اللي تنقالي …!!

يعني اللي يقولي لاتمشين هالدرب خلاص مااااااااأمشيه …!!

بس غيرت طريقة تفكيري و الحمدلله ارتحت وصرت مااااااااااأرد على أحد وأسوي بس اللي انا مقتنعه فيه ..

هالطريقه حبيبتي تقدرين تطبقينها في مجال عملج بالتدريس.. شلووون؟؟ آنا أقولج ..

لمن تجيج مدرسه وتتحلطم وتقول التدريس تعب و انا انقردت بهالشغله … ولو مكان جان غيرا تخصصي … ومن هالحجي… اهني انتي لاتسمعين كلامها … شوفي وضــعهاااا … ..!! اي شوفي وضعها شلون صاير .. راح تلقين انها كلام من دون فعل … يعني اهي تقول انها كارهه الدوام .. ومع هذا تلقينها تداوم؟؟ وماتتأخر .. وتسوي شغلها .. وتحضر تحضيرها .. و تسوي وسائلها .. وتسوي دروس نموذجيه .. وتراكض ورى المشرفه .. و و و و و … …!!!!

يعني مااافيها إلا العـــــــافيه ..!! عيل ليش اتحلطم و تحطم غيرهاااا … لإنه صار طبع فيهم .. يحبون يتحلطمون بكل شي و بكل مجالات الحياة ..

والمره الجايه .. الي تجيج فيها معلمه تقول ليش صرتي مدرسه .. تعب ..!! قوليلها اذا انتي تعبانه ليش مستمره بهالوظيفه ؟؟ اذا قالت والله مأقدر أغير هالوظيفه .. قوليلها: امبلى تقدرين تصيرين اداريه .. او تقدرين تكملين دراستج و تصيرين شي ثاني …. أو إسكتي و قولي الحمدلله عالعافيه .. راتب حلو والحمدلله .. وعطله ..

والتعب لابد منه .. ماكو وظيفه فيها راحه 100% الكل لازم يشتغل عشان يحلل هالراتب … و أولا و أخيرا اللي تختار التدريس المفروض انها تكون حابه مسألة التعليم .. وماكو احلى من انج تمسكين طفل و تغرسين فيه الاشياء اللي تساعده انه يكون انسان له قيمه .. واللي تسوي هالشي راح تشوف ان حتى الطالبات والطبه حبوهااا …. وماكو أحلى من قولة : ابــلة آنا أحبج واااااااااااايــد ..

اي وظيفه بالعالم لازم فيها تعب و كراف..بس الحلو فالتدريس الراتب + العطله..و انا من النوع اللي احب اشتغل و اتعب ما حب اقعد (نفس حاله بعض الموظفات بالوزارات) بمكتب مع موظفات و موظفين من مستويات و بيئات مختلفه عني و طايحين له حش و بلع و استئذانات و قيل و قال..

وماعليج من اللي يتحلطمون لان هالنوعيه من الحريم تلقينها تتحلطم من زوجها و ميته عليه بنفس الوقت..و تتحلطم من التدريس بس مجلبه بوظيفتها لو صج مو عاجبتها تتقاعد او تستقيل او تحول اداريه..

و ترا في شكثر يتحلطمون عشان العين و الحسد..و الا اهيا مستانسه

برأي مو مهم المعاش لأنه بالنهاية راح ينصرف سواء كان قليل أو كثير

ومو مهمه العطله لأنها كل ما طالت تكون ممله

أحلى شي الأطفال وسوالفهم وإجاباتهم العفوية لما اعلمهم

وأسوأ شي في هذا المجال الأدارة والتوجية طبعا البعض مو الكل

اي والله بهاذي صاجه ..!!!

يغثــووووووون .. أحسهم قاعدين ينكرون كل شي …!!

صدقتي ياقمر نجد … واللي يونس أكثر .. لمن تخلص الحصه و يطق الجرس .. ويقولون: لااااااااااا … أبله قعدي عندنا بعد..!!!

ياااااااااحلوهم فديتهم ..