استشاره من ذوي الخبره

هااي مرحبا .,
اممم توني شفت هل قطوه بالمزاد وبما اني مااعرف بسألكم

شرايكم هذي صورتها ؟ تحسون صحتها تمام وزينه ونوعها شنو ؟

مون فيس ، دول فيس مااعرف اول مره باخذ لي قطوه

بس مو جنه عيونها حواليها شي ؟ ولا عادي ؟ ماادري انتو اخبر شرايكم

مستغربه ان ولا وحده ردت علي

بناااات وينكم أمانه ابي مشوركتم pls

توني داشه
هاذي شيرازيه مون فيس
فحصيها عدل قبل لا تشترينها
تأكدي ان ما فيها فطريات ولا حشرات
الحشرات بتلاقينهم لونهم أسود مثل اللي تلاقينهم مع العيش اللي توه طالع من الخيشه

اما الفطريات فأمرهم شوي أصعب
فتشي شعرها واذا لقيتي مثل القرحه الصغيرة أو مكان مصلع ما فيه شعر ديري بالج تشترينها
مع ان الفطريات تتعالج ومب خطيرة الا انها بتعاديج وبتعدي كل اللي بالبيت خصوصاً الاطفال

موفقه حبيبتي

مشكووره ع النصايح حبيبتي بس ليش احس شكلها من الصوره صحتها مو وايد !!

ومستغربه شنو الوردي الي حوالين عيونها ولا طبيعي ؟ .,

قلت قبل لااقول للريال ابيها واتعنى وان اول مره باخذلي قطوه فمتخوفه شوي ولا انتي شرايج حياتي ؟؟؟

اي عرفتها.. شوفي انا مابي اظلم الرجال بس عود ومسك شرت منه قطوه وطلع فيها فطريات وللحين تعالجها وحالتها حاله.. بس قطوتها وضعها غير احنا نقول ان عين لأن الكل الكل اللي شافوها بالمزاد انجنوا عليها..

بس مادري انتي اذا عاجبج اشرطي عليه انج تفحصينها بالاول عند البيطري .. واذا مافيها شي اشتريها..
اما عن الوردي شكله زياده شوي بس ترى في قطاوه جذي عادي.. لكن شكله وقتها ما كان منظف عينها ومصورها.. >> مابي اقطع رزق الرجال او اظلمه

فديتج مشكووره سويت .,
ماادري بشوف لان وايد متخوفه مابي من اي احد بحكم يمكن ان اول مره بربي قطوه ..
فحتى لو عندي انطر بس ان آخذ شي مضمون .,
يارب ان شاء الله الاقي الي ببالي .,
تسلمين حياتي ع المرور والرد .,

؛
الـــســلآمـ عـلـيـكـمـ و رحـمـة الله و بـركـآتـه

حــبــوبــه ليش مــآ تآخذين من برهـ حلوين و يهبلوون و كتآكيت ..’,~

شوفي هالموقع و أي استفسآر أنآ حآضرهـ ..’,~

https://ourpetclub.com/vb/forumdispla…CATS-FOR-SALE&

و ترآ الإجرآءآت جداً بسيطه بس اتطلعين تصريــح ..’,~

و تتفقين مــع شركة شحن مضمونــه ..’,~

و شوفي هذيلي يدننون و من مدآآمـ منآل بعد ..’,~

https://ourpetclub.com/vb/pages.php?pageid=8

و مـــــع السلامــــه ,,,

..[ ]..

بعدقلبي انتي ., كاني بدش الموقعين وبشوف .,

مشكووووووره ياحياتي .,

يا جماعة أنا عضوة بهذا المنتدى اللي تتكلمون عنه من سنتين
واعطيكم نصيحة أخت تشتري قطاوة وايد
لا تشترون من منال تره الكل يشتكي منها ومن نصبها
أولاً الصور مسويه لهم فوتوشوب
والقطاوة تييبهم من بره بعضهم مشيول رحمهم وتقول منتجين
وبعضهم عمرهم فوق 7 سنين وتقول عمرها 2
أكو عضو محترم بالمنتدى اسمه ابو صالح قعد يبجي لأنه شرا جم قطوة منها بمبلغ كبير عشان ينتج منهم وضحكت عليه وطرشت له قطاوة غير اللي ورته اياهم

اذا بغيتوا تشترون سالوني وأنا اعطيكم اسماء ثقه انا تعاملت معاهم من قبل
وبالنسبة للشحن موجود دكتور محمود بالمنتدى يشحن للخليج كله وتستلمين القطوة بالمطار
بس عيبه يحط القطوة بصندوق خشبي حالته حاله

https://ourpetclub.com/vb/showthread….ظ†ظ‚ظˆظ„-ط¨ط³ظ…-ط§ظ„ظ„ظ‡-.

هاج حبيبتي هاذي وحده حبوبه حدها اسمها آيات
حلوين قطاوتها وتربيه بيت
ووحده من القطاوة تي كاب يعني قزمه
أنا خاطري فيها بس عندي قطوتين على وشك الولاده غير قطاوتي الكبار والبيت بيصير Zoo

هاج فديتج
هاذي بعد أنا شاريه منه
يجوز أسعاره شوي أغلى من آيات
لأن انتاجه من أب هملايا
بس كل واحد يقول الزود عندي
https://ourpetclub.com/vb/showthread….ط·ط·-ط¬ظ…ظٹظ„ط©-ظ„ظ„ط¨ظٹط¹

؛
الـــســلآمـ عـلـيـكـمـ و رحـمـة الله و بـركـآتـه

مــن صجج رفآعيه صدمتيني آنآ صــآر لي ابهآ المنتدى 3 سنوآت..’,~

بس عمري مــآ تعآملت مع أحد ..’,~

و آنآ قآعد أشوف كل ردو الأعضآء مد فيهآ مآ شفت رد سبهآ و صح مستخدمه الفوتوشوب ..’,~

مبين بالصور و أبو صآلح أعرفه من الأعضآء بالمنتدى و الله كنت بشتري منهآ قطوهـ و كلمتهــآ ..’,~

و صآآر شيء و مــآ حصل ..’,~

الحمدلله إعني مآ خذيت ..’,~

زين اتعرفين العضو المستورد ..؟

لأني مكلمته من فترهـ على قطآوهـ بس ليلحين مآ حصل دفع .’,~

ثقه و إلا لأ ..؟

و مـــــع السلامــــه ,,,

..[ ]..

بالتوفيق وصح بالنسبه للمنتدي محبي الحيوانات انا ادخله بس مو مشتركه فيه صج قطاوتهم حلوه بس انا مااظمن الشحن يمكن يجيبون لي غير اللي طلبته وتوهق والصوربعد يمكن غير عن الطبيعه انا ماايد اني اشتري الا على الطبيعه اشوفها واعاينها بنفسي صح اني موخبره بالقطاوه بس على الاقل اظمن حقي ومشكوره بحرينيه رفاعيه على النصيحه وتسلمين كحوله

ماقصرو وياج حبيبيتي ومووفقه يارب

اشكر كل وحده ردت ع الموضوع تســــلمون حبايبي .,

ويعطيكم الف الف عافيه .,