|
|
مرحبا بنات عندي صاحبتي الروح بالروح عمرها 26 سنه والبنت حلوه وخلوقه وتبي تستشيركم في موضوع
الموضوع البنت متشفقه تبي تتزوج وتعيل وللاسف رغم جمالها واخلاقها ما جاها احد
وهي عندها ولد خالها مهندس ورجال على قولتهم كريم واكبر منها بسنتين تقدم لها الحين بس عيبه انه مطلق وعنده ولد من طليقته واسباب الطلاق انه طليقته مو معجبته كاشكل ولا شخصيه وكانت تحاول تبعده عن اهله وزواجهم ما تم اكثر من سنه ونص وتم الطلاق الان المهم الرجال يقول انه من يوم ملكته يوم شاف صاحبتي وهو يفكر فيها انه كيف مافكرت بنت عمتي وبالاخير قال يالله كل شي نصيب المهم الحين هو كلم امه يبي صاحبتي وامه قالت له استخير اول وتالي تعالي قول قرارك المهم ان علاقه صاحبتي بامه وخواته حلووه جدا وهم حابين صاحبتي حيل وهو الولد الى نطق وقال ابيها ماعلينا ام الرجال دقت على صاحبتي وقالت لها نبيك لولدنا واحنى نبي رايك اول قبل لا نتقدم لاهلك قالت لها صاحبتي انتم والنعم بكم لكن البنت ماتخطب من نفسها تخطب من اهلها قالت لها ام الرجال نعم كلامك صحيح لكن انتي الاساس وراعيه الشأن وانتى حسبه بنتي ونبي رايك اول قبل ما نخطب رسمي قالت لها ام الولد فكري واستخيري وخذي وقتك وتالي انا بدق عليك واسمع قرارك هل نخطبك رسمي ولا لا
صاحبتي استشارتني وقلت لها استخيري والعمر يمضي مو كل يوم يجيك عريس الحين هي استخارت وتحس عادي مو حاسه بشي قوي وتبي تسمع ارائكم ومشورتكم
مميزات الولد ولد خالها مركزه مرموق علاقتها باهله ممتازه الولد شخصيته مثل الطفل يبغاله مداره -عيوبه انه عصبي ومطلق وعنده ولد والولد مع امه رضيع وامه تبيه
وش رائكم ؟
الريال مو ناقصه شي غير انه طلق مرته لسبب تافه يعني ﻻزم تاخذ حذرها ﻻ سمح الله على اقل شي يطلق
والله يوفقها
صلاته؟
ربعه شلون صايرين؟
خل تحاول تعرف سبب طلاقة من طرف اهل المرا
يمكن اهو الريال كان ظالمها؟
لازم تدير بالها
وخل تتاكد انه طلق زوجته اصلاً
واهي مو كبيرة والصفات الي قلتيها بالرجال حلوة بس مشكلته انه مطلق وعنده بيبي
وترى مافي مطلق يقول انا موزين كله يقولون الزوجة شينة ومو سنعة وووو
فتاكدوا واستخيري والله يةفقج
أولآ لآزم تعرف السالفـة كلهآ وليه طلقهـأ صحيحَ ..
والريال مايحب الحرمه اللي تبعده ع اهلــه ..
وكلن وشخصيتــه عآد ..يمكن هي بعد تغير من شخصيته ويحبها لانها مو مثل زوجته الاولى..
انا عندي اخو ريلي .. اول وحده خذاها يحبها ويمشيها وهدايا وخرابيط وايد
بس هي بعد تبعده ع اهله و ما تسمع شوره وتروح وترد بدون اذن كلمها مره مرتين ثلاث
لين طق منها وطلقهاا .. وخذا بنت عمه وهذا هو مرتاح معها وعنده ولد منها ..
بس احسه ندم ومايتعامل مع زوجته نفس الاولى .. يعني مايعطي وايد ويه عشان لا تصير نفس ذيك..
المهم الله يوفقها يارب .. وخلها تستخير وموب شرطط انها ترتاحح او لا او تنتظر شي..
اللي يستخير يتووككل ع الله والله بييسرلهاا امورهاا ان شاء الله
ان صار كل شيء بسرعه ومافي شي خرب عليهم اعرفو انها خيرره ..
والله يوفقها ان شاء الله كانها من نصيبه
نبي شوركم يا بنات لاتبخلون بالرد
تقول لامها وامها تعرف مصلحة بنتها والرجال اكيد بيعرفونه
وتشوف رايي اهلها وتستخير وان الله كتب ماترد ع الام تخلي امها تكلمها
والله يكتب لها اللي فيه الخير والصالح
وأبوهاا أكيد أدرى يعني نفس رايهااا يجون رسمي وابوهاا يشوف الرجال
ترى مو زين بعد تعطيهم الأوكي من نفسهاا قبل يجون لازم لأبوهاا حسااب !!!
( فاهمه إن قصدك يجسون النبض بس بعد مااأحط أبوي عقب رايي قدام الناس )