|
|
من عقب الولادة مسوين لي خياطة .. وقلت بتودن بماي دافي ومطهر على كلام الدكتورة يساعد على التئام الجروح … ويلتئم الجرح بسرعة !! تدرون شو صار ؟
ولا قولكم . احكي لكم القصة كاااملة .
المهم من عقب اسبوع احس بحكة وحرقة مكان الخيوط رحت للدكتورةوصفت لي المطهر شريته من الصيدلية .. وياريتني ما استخدمته .. بعدها باسبوع صارت لي مثل الحرقة وقت الي اتبول . حرقة مو طبيعية .. حرقة تموووت يعني كنت اكره دخول الحمام اضافة الى مشكلة الامساك من عقب الولادة 
المهم اراجع الدكاترة يقولن طبيعي مافيج شي وبتردين لحالتج .. المهم رحت قبل كمن يوم الا تقولي الدكتورة فيج افرازات يعني التهاب !! انا طبعاً مستغربة من وين الالتهابات . وتوصف لي على كريم مهبلي مضاد للالتهابات .. ولفيت الصيدليات ودقيت على المستشفيات ما لقيته .. اخر كلام انه مب موجود هالكريم بالدولة
المهم
رحت البارحة للعيادة مرة ثانية ، واقابل دكتورة ثانية [ انا قابلت من عقب الولادة ست دكاترة ولا نفعوني ] النافع والشافي الله .. عزوجل
كنت ابكي وادعي اقول ياربي محد صار له من عقب الولادة مثلي بس الحمدلله على كل حال .. الانسان مهمن كان ضعيف وهالشي اختبار وابتلاء من رب العباد لصبر المؤمن .. والانسان يقول الحمدلله .. ويارب شافنا
المهم ،، نكمل القصة ،،
البارحة قلت بشل بنتي وبسير للعيادة ، قابلت دكتورة ثانية .. قلت لها القصة من عقب الولادة وانه صار لي امساك شديد واخذ الملينات كملت تقريباً شهر !!
اول شي بخصوص الامساك قالت لي نصحية وقفي الملينات بتسوي لج كسسسسسسسل بالجهاز الهضمي .. المهم نصحتني اشرب عالريق ,, شوفوا بنات عالريييييييييييييييق (ستة قلاصات ماي ) منها تكثر الحليب ومنها تصفي البول ..
المهم سويت تحليل بول طلع عندي التهاب بالبول [ عشان جيه كنت احس بالحرقة الشديدة وصعوبة بالتبول لدرجة اني بكيت لما كنت اعطيهم العينات ما قدرت افرغ ] . الحمدلله على كل حال
وسويت تحليل عشان انشوف اذا فيه التهاب او لا .. بس الدكتورة الي رحت لها البارحة سالتني ؟ انتي تنامين مع ريلج ؟؟ قلت لها لا طبعاً ..بعدني نفاس
قالت لي مافيج التهابات هاي افرازات من الرحم لانه ينظف عمره .. انتي لا تصدقين كلام اي حد ..وقعدت اسالها الحرقان الي احس به وقت التبول من شو ؟؟
المهم ما قصرت عاينت المنطقة زين ما زين . وقالت لي شو كنتي تستخدمين ؟ قلت لها مطهر مع ماي دافي ..واقعد نص ساعة !!
تدرون شو قالت ؟ المطهر هذا يستخدمونه للعمليات الجراحية .. وهو مطهر قوي ومعقم .. للجروح ..ومن مشاكله الجانبيه انه يسبب تحسس .. المهم انا فعلاً صدقت كلامها لاني من عقب ما استخدمت هالمطهر لاحظت انه ياني حرقان بالبول وياني حساسية بالمنطقة الي تحت .. ااااااااااااااااه شو بقول
المهم صار لي يومين اتودن يماي دافي وملح .. امشي على كلامها ..وبنفس الوقت عطتني مضاد التهابات الفيسودين وهي قالت ما دام الدم بعده ينزل مارح ينفع حالياً .. بس تحملي ..
والله كيف اوصف لكم ياخواتي شي مو طبيعي بالمرة .. مجرد ما افكر اتبول يحررررررق وين مكان الخياطة حرق مو طبيعي .. هي قالت الخياطة اوكي بس من فوق الخياطة يعني مكان التئام الجرح صاير مثل التحسس .. او بمعنى اخر حساسية .. وهالشي لاحظته حتى مجرد ما افكر انظف المنطقة احس بالم وحرقااااااااان
هاي نصيحتي لكم .. لا تستخدمون اشياء الا بعد ما تـتأكدون انها مناسبة لكم مجرد ما تلاحظون انه في شي .. على طوول وقفو استخدامه ..
وادعو لي ..
المشكله اذا الدكتورة عطتج هالدوا ماراح تشكين انه ممكن يكون مضر!!!!!!
ماندري هالدكاترة مايعرفون الاثار الجانبية والا …!! ماني غالطة على احد..
و اذا الدكتور بدال مايعالجج قاعد يزيد علتج نروح عند منو يعالجنا؟ الحلاق؟؟؟؟
و بالنسبة لإمسااك دبحني و الله انا كنت باخد ملين بس بعد ما سمعت انا كمان انو يسبب كسل قلت ما اخده و تعالي شوفينيي 3 اياااام بموووت من العواار و كرهت شي اسمه حماام وما رتحت الا لما رديت باخده
المهم يالا كل شي باجره ان شاء الله ربنا يشفيك و شفي مرضى المسلميين آآآميين
انا التهب الجرح عندي
/
.,
حبيبتـي..
الله يعينـجِ..ويشافيـجْ..
بس الملينـات لاتكثرين منهـاأِ..يعني كل يومين ثلاثـه اخـذي قفشـه كبيـرهـْ..
وبعدين تردين طبيعـي..
وتقومين بالسـلامـهِ..
.,
/
انزين اختي رينا لما التهب الجرح شو سويتي؟؟؟
على فكره انا استخدمت البيتادين بنفاسي والحمدلله ممتاز
بس حبيبتي ماينقعد فيه
انا استخدمه غسول فقط
يعني غطا واحد مع 2او3 اكواب ماي اخففه
وبالمستشفى يمسحون لي الجرح بفطنه فيه
بس ترا انتي غلطانه انج تنقعين فيه انا الي اعرفه انه مطهر تستخدمينه بقطنه وتمسحين على مكان الخياط
اختي تستخدمه وحيل مرتاحتله اهو في السائل وفي الرش ثنيناتهم تستخدمهم وتمدحهم بعد
انا اتوقع ان الطريقه الي غلط مو المطهر
والله يعافيج يارب ويخليلج بنتج
طريقة استخدامج اهي الغلط
ما يتنقعون فيه
المفروض يا تحطين بالغطى شوي وتصبينه بالابريج وتغسلين فيه
أو تحطين بشاش وتمسحين مكان الجرح
وبعدين فيه اشياء ثانية مهمة
أولاً المنطقة تنشفينها عدل وتحطين كريم ميبو عليها أو أي كريم مناسب
وماتشوفين شر يا حبيبتي
الهل كريم بس دعواتكم لي .. ما بقى الا اسبوع واكمل الاربعين