اسال الله العظيم ان يفرج هم اللي بترد علي

خواتي………… انا متزوجه ولله الحمد وعندي عيال بس مشكلتي ان زوجي مايقعد معاي ولا مع عياله والله العظيم ان نشوفه بالحسره روتينه اليومي دوام يجي ينام ويقعد الساعه 9 ويطلع ويروح للشيشة ومايجي الا الفجر وهذا حالي معاه كلمته وفهمته ماكو فايده ومشكلته ماعنده اسلوب للحوار بس يتهرب واذابكلمه يقولي تعبان وبنام واذا قعد يقولي بعمر شيشة والله تعبت منه عطوني حل تكفون مشاكلي كثرت والسبة هالسالفة تنصحوني ادخل اهلي بالموضوع والا لا

ليش اهلج؟؟
ماله داعي
وبعدين الشيشه الحين تصكر الساعه 12
شلون يقعد لي الفجر؟

يطلع من الشيشة وعلي الديوانية المهم مايجيني الا الفجر

حبيبتي والله صبري عليه وحاولي معاه اكثر من مره بس مو بالحنه لانه في بعض الريال الحنه اطفشهم زياده حاولي باسلوب حلو
عزميه على مطعم خلي الجو يكون مناسب عشان تقدرين تتفاهمين معاه وانا انصحج ما ادخلين اهلج مهما كان هذي حياتج الخاصه وخوفج ادخلين اهلج يقلب عليج زياده بدل ما يتحسن والله يهديه ان شاء الله ويسخره لج ولعيالج

الله يعينج ويهديه لج

حبوبة حاولي تخلينه يسمعج غصب حتى لو يسوي روحه ما يسمع … قوليله انا اليوم بنطرك الساعة 10 عازمتك على مطعم واذا ما ييت بروح بيت اهلي ومالي رده من هناك لين احس بقيمتي كزوجتك وام عيالك , وانت و ضميرك … سمعيه هالحجي واهو طالع من البيت , او دزيله مسج اذا نوعه ما يسمع

عادي ياقلبي انا زوجي كان نفس زوجج بس عرفت اشلون اسنعه
لااتعطينه الاا يبي قوليله متى ماجيتني مثل الناس ذيك الساعه بتلقى اللي يسرك
وخليج صارمه وياه شوي شوي ويتغير انشالله

حبيبتي صدقيني بس بدون زعل اهوا لاقي شي بالبيت مضايقة لدرجة مايبي يقعد بالبيت وبدور اي مكان بس عشان يطلع
وبعد اعتقد انه شايفج مكفية وموفيه بالبيت فما يحاتي وحاس بفراغ يبي متع نفسة باي شكل . انا ماقول الا الله يفرجلج وان شالله الله يهدي لكم بس الي عليج لازم تعرفين السبب واذا عرف السبب بطل العجب

حبيبتي شوفي شنو الي ناقصه بالبيت قعدي معاه كلمييييه !

الله يهديه وان شاء الله مع الوقت بيتغير بس لا تحنين الحنه مو زينة الرياييل ما يحبونها

الله يوفقج

انا من رايي خليه لاتناجرينه خليه يطلع ويرجع لين الصبح لم يشوفج حقرتيه وما قمتي اداحرينه وتسالينه عن تاخره بحوشه فضول عن التغير المفاجا وبحاول يغير نفسه خوفا من برود الحيات الزوجيه بينكم ( وادعيله الله يهديه لج )

يظلم مجرد راي لا اكثر ولا اقل
الله يهديلج اياه

ويهدي ازواجنه الي يبيلهم طق ههههههههههههههه

الله يهدي لج يارب ويتغير حالة

:

معاهااااااااااا فديتها ,,

الله يسعدكم

الصبر يا اختي الصبر كلنا جذي انا زوجي على النت 24 ساعه
وصابره شنسوي بعد

حبيبتي ماكو طريقة بالدنيا تجبر الرجل على الجلوس بالبيت تحمليه شوي
طيب حاولي تغيرين من اوضاع البيت خففي التوتر شوي وقللي من ازعاج الاطفال او الاقل خليه يشيش بالبيت مع انه مضر بس الشكوى لله