|
|
السلام عليكم ورحمة الله وبركاته
شلوونكم يا امهات وشخباركم
بالذاااااات الامهات
تدرون ليش؟؟
لان هالكلام موجه لكم 
موضووع من القلب لي القلب
الصراحة موضوووع قعدت افكر فيه لما انام واقول اكتبه بالمنتدى ولا لا
بس عشانكم والله يا امهات المعاقين بكتبه
لان يمكن هالشي ماتشوفونه ولا تحسونه
فعشان جذي بقولكم
شوفو معاي هالمواقف
(سوري على الالفاظ بس عشان اوصلكم معلومه وتفموني)
وحده تقول حق ولدها تعاااااال يالحمـا*** انت ماتسمعني ود الاكل حق اخوك (المعاق) ؟؟
و وحده تقول : انتو مو نافعيني لا دنيا ولا اخره حسبي الله عليكم (تخاطب عيالنا الباجين)،، وتروح وتوكل ولدها المعاق
أو وحده شتسوي ،، انا تعباااااااانه يا شقول الله ياخذكم ويفكني منكم محد منكم حااس بلي انا فيه
ترى كلام يعور القلب اذا موجه حق العيال الباجين
لا تقولون ( لا محد يقول جذي )
ترى الانسان لما يعصب ومايتحمل مايمسك روحه
بس يا امهات راعوو اسلوبكم وانتو تكلمون عيالكم الباجي
تدرون لييش؟؟
لانهم ماراح يحطون الحقد الحره فيج
راح يحطونها باخوهم الى ماله ذنب !!
راح يحقدون عليه
شلون امي تسبني عشانه؟؟ شلون تفضله علي 24 ساااعه؟؟
ويمكن يحاولون ياذونه ،، لا تلوم ترى الياهل تفكيره قد عمره
ترى الكلمة الحلوه ماراح تاثر صدقوني
لما تاخذين الصحن وتقولين حق ولدج حبيبي روح وكل اخوك يوعان مايقدر ياكل بروحه
(اهني تحسسينه ان اخوه محتاجه)
لما تقولين حبيبتي فطومه (مثال) تعالي شيلي اغراض اخوج ماقدر اشيلهم بروحي يالله عفيه حبيبتي
بين فتره وفترة تقولين له،، حبيبي روح لم اخوك ترى اهوا يبي يلمك بس مايقدر يقولك أو يتحرك
انتي زرعي الحب بين عيالج
لا تحسسينهم أن كل واحد وحالته العقلية أو الحركية
واتمنى اتممممممنى يا امهات تفهمون الموضوووع بهالمواقف،،
لاني ادري انكم عسل على عسل بالاوقات العادية،،
بس ترى الياهل سواء بالمواقف الى قلت عنها أو العادية
يشيل بقلبه وماينسى 
واتمنى مره ثانية انكم تفهموني
لان يمكن هالنقطه ما تنتبهون لها
بس مثل مايقولون اسئل مجرب ولا تسال طبيب
ولمصلحتكم ومصحلة عيالكم
وحياكم الله
وصلتي الكلام من القلب للقلب عسى ربي يجازيج ويعافيج والتذكير ينفع المؤمن وياعسانا نوفي بحقهم وما نقصر.
بس عني انا وعلاقتي ببنتي وعلاقة اخوانها فيهااا بعمرنا مانظرنا لها انهاا شخص معاق وثقيل علينا بالعكس هي اغلى وحده بالبيت واحلى وحده وكلنا نتفانى في خدمتهاا تدرين وش اسمهااا عندنا (((الاميره)) ونفقدهااا فديتهااا اذا نامت مبجر لان لهاا مكان مخصص بالصاله وتطلع صوت تناغي وتلعب ومرات لاصارت مبسوطه تشوفيتهااا تكركربشكل لذيذ بسم الله عليهااا وكل اخوانهااا يموتووون عليهاويخافووون عليها وصج يتكدرون ويضيق خلقهم لاتعبت ولاتنومت بسم اللله عليهااا
يعني اقدر اقول لج اسوم بالنسبه لنا هي الحياة والبسمه والنور والبركه باختصار هي (نبضي)
.gif "Eh S(21)")
|
المشاركة الأصلية كتبت بواسطة الصابرة المحتسبة
 تبارك الرحمن
وصلتي الكلام من القلب للقلب عسى ربي يجازيج ويعافيج والتذكير ينفع المؤمن وياعسانا نوفي بحقهم وما نقصر. |
تسلمين ياقلبي اسعدني مرورج وكلامج الحلوو
وحياج الله
|
المشاركة الأصلية كتبت بواسطة أسووم
مشكوووره ياقلبي ع الموضوع الرائع والتفكير الناضج
بس عني انا وعلاقتي ببنتي وعلاقة اخوانها فيهااا بعمرنا مانظرنا لها انهاا شخص معاق وثقيل علينا بالعكس هي اغلى وحده بالبيت واحلى وحده وكلنا نتفانى في خدمتهاا تدرين وش اسمهااا عندنا (((الاميره)) ونفقدهااا فديتهااا اذا نامت مبجر لان لهاا مكان مخصص بالصاله وتطلع صوت تناغي وتلعب ومرات لاصارت مبسوطه تشوفيتهااا تكركربشكل لذيذ بسم الله عليهااا وكل اخوانهااا يموتووون عليهاويخافووون عليها وصج يتكدرون ويضيق خلقهم لاتعبت ولاتنومت بسم اللله عليهااا يعني اقدر اقول لج اسوم بالنسبه لنا هي الحياة والبسمه والنور والبركه باختصار هي (نبضي) |
العفو ولو حبيبتي
الله يخليها لج الاميره ويطول بعمرها انشالله
ادري حبيبتي هم احنا بالبيت ندور راحت اخوي ومانسوي اشياء تزعجه كللش
ونستانس لما يضحك
بس مرات من ضغووط الدنيا شغل وبيت وعيال ومني مناك ينسى عمره
انا قصدي بمواقف معينه مو الايام العادية
وهذي نصيحه مني لكم لا اكثر ولا اقل
وتسلميلي عالمرور
وكلنا نعامله على انه ولد ما ينقصه شي |
المشاركة الأصلية كتبت بواسطة مشاعل الشمري
السلام عليكم يعطيج العافيه على طرح هالموضوع ومعاج حق ساعات الأنسان تتكبد عليه ظروف الحياة عيال وبيت ومسؤليه بس بالنسبه لي حتى لو وين توصل فيني من عصبيه على عيالي لا يمكن اييب كلمة(معاق)على الساني جدام يويو حبيبي لكن اذا كان اخوه الي اكبر منه بشوي متهاوش معاه اقول له حرام اخوك محتاج لرعايه واهتمام وحب والحمدلله يتفهمون
وكلنا نعامله على انه ولد ما ينقصه شي |
وعليكم السلام
لا حبيبتي الكلام الى بين الاسهم للتوضيح فقط مو قصدي امج تقولين جذي
وصح كلامج ساعات الانسان له ظروف بس هم لازم نراعي اليهال
|
المشاركة الأصلية كتبت بواسطة سديم11
الله يجزاج خير ويجعله في ميزان حسناتج وموضوع جدا مهم لتذكير الأم ومشكورة حبيبتي
|
حياج الله ياقلبي والموضووع للتذكير والتنبيه
كلامج يبث بالروح التفاؤل بأجيالنا القادمه .. وبالنسبه لي اللهم لك الحمد عيالي يموتووون على أخوهم
وعزوز لا دخل المستشفى البيت ينطفي نوره .. فديته عسى ربي يكمله بعافيته
وأخوانه يضيق خلقهم بس يسألون وينشدون على طلعته
واللهم لك الحمد عمري ما مر علي هاللحظه ليش أنهم يحبونه
بس هالصغير الله أكبر من الغيره … والله يقدرني ما أفرق بينه وبين أخوه
ما يبي حد يمسك عزوز .. وعزوز فديته يموووت فيه
مشكورة على هالموضوع الحلو وعسى ربي يخليلج بطن جابج
يعطيج الف عافيه على هالموضوع الحلو
بميوان حسناتج خاصه انج اتذكرين الامهات بهالأخطاء
يعطيج الف عافيه على هالموضوع الحلو
لانهم كلهم يحتاجون الحب والرعاية
المريض الى ان يشفى
والصغير الى ان يكبر
والمسافر الى ان يرجع
واحنا محاسبين عنهم كلهم وهم اللي بينفعونا بالدنيا والاخره ان احسنا تربيتهم
وانا بنتي صغيره بس خايفه من الغيره بين الاخوان وهو شي طبيعي
بس ادعوا ربي انه مايزيد ويخف ويهتمون باختهم
لانه عقب عيني مالها الا اخوانها ولازم نزرع هالشي فيهم