|
|
ياكويتيات عندي شوية اسئله ياريت اعرف جوابها من المتزوجات لاني على وجه زواج ومعندي خوات متزوجات اسئلهم يعني تراي عليميه 
1)بالنسبه للي يشيلون شعر المنطقه الحساسه بالموس كل كم يوم يشيلونه؟ واللي يشيلون بالشيره كل كم يوم؟
2) انا ماجربت الشيره إلا مره وحده في حياتي ..شلت المنطقه اللي من قدام وعلى جنب يعني خط البكيني ,بس على الشفرين مارضت تلصق ليش؟؟وفي بعد أماكن ماقدرت اوصل لها وش الحل؟وهل انتو اللي تشيلون بأنفسكم او تروحون صالون او تخلون احد يسوي لكم مثلا؟(رفيجتي طلبت مني اشيل لها قبل زواجها بس انا ماعطيتها رد مادري هل هالشي يصير او لا)
3)اسمع من بنات المنتدى في بنات يشيلون شعر اجسامهم يعني الصدر والبطن والظهر..هل هالشي ضروري يعني كل متزوجه اتسويه او بس اللي مشعره وشعرها كثيف..يعني اللي شعرها خفيف وفاتح لازم تشيله ؟وباي وسيله تشيله؟ صعب الوحده تسوي نفسها انتو تروحو صالون ولاكيف؟وهل كنتو تشيلون هالمناطق قبل الزواج؟
اسفه والله على الاسئله اللي يمكن بديهيه بس مثل ماقلتلكم ماعندي احد ومادري وين الله حاشرني
بس انا تعلمت الكثير من منتداكم وادري حبيابي ماراح تخيبوني..عاد مو تاكلوني ولا تهزأوني
مشكورن حبايبي ناطره تفاعلكم
واذا ماتقدرين تشيلينه ر وحي حق صالون اهم يشلونه لج
وبالنسبه لشعر الجسم الظهر والبطن اذا كان كثيف شيله واذا خفيف خليه بس سوي تشقير
نصيحه لا تستخدمين الموس يسبب سواد بالمنطقه
1) موس او شيره ؟؟ طبعا شيره افضل والمده حسب جسم البنت . يعني سبوعين شهر حسب انتي شوفيه وقرري بس لا تهملين يعني لا تنطرينه يطلع وايد لانج مقبله على زواج وريلج ان شاء الله راح يصدمج بوقات غبيه يبيج فيها يعني خلج مستعده وستاند باي
2) في بنات يخلون خواتهم صديقاتهم يشلون لهم بس انا ما انصح وهالششي ما يجوز بتاتا انتي شيلي حق روحج افضل وراح تعودين والاماكن اللي ما تقدرين لها حطي مرايه تحت وراح تقدرين توصلين
3) الظهر والبطن والاماكن الاخرى هم على حسب اذا حفيف وايد ما يحتاج لانج اذا شلتيه راح يزيد وبعدين يتعبج .. اما اذا وايد انصحج تشيلين ليزر وتريحين روحج
شلووووون تبين الله يهنيج وانتي قاعده تغضبين ربج..
هذي عووووووووووووووووووووووورة ما يجوز احد يتكشف عليها
شيلي لنفسج واذا تصعبت استخدمي المووس الوردي مال البنات مايطلع الشعر خشن..
1)بالنسبه للي يشيلون شعر المنطقه الحساسه بالموس كل كم يوم يشيلونه؟ واللي يشيلون بالشيره كل كم يوم؟
يعتمد . على حسب البنت .. بس الموس معروف يخلي الشعره سوده وايد ويابسه ويطلع بسرعه الشعر ..
شيره كل 3 اسابيع .. كلما نخلص من العاده نشيل .. وهالشي يعتمد على ظهور الشعر من بنت لي بنت ..
2) انا ماجربت الشيره إلا مره وحده في حياتي ..شلت المنطقه اللي من قدام وعلى جنب يعني خط البكيني ,بس على الشفرين مارضت تلصق ليش؟؟وفي بعد أماكن ماقدرت اوصل لها وش الحل؟وهل انتو اللي تشيلون بأنفسكم او تروحون صالون او تخلون احد يسوي لكم مثلا؟(رفيجتي طلبت مني اشيل لها قبل زواجها بس انا ماعطيتها رد مادري هل هالشي يصير او لا)…
اولا ..الشيرة الجاهزة اخذي منها شوي وحطيها بكوب .. وحطيها في الميكرويف تذوب شوي ..
وبعدين ابتدي شيلي جزء جزء .. وقطعه قطعه .. واللي داخل ينشال .. واذا ماقدرتي علىالشيرة من عقب هالامواس ..
استعملي شمع .. نفس الشيرة بس اهو شمع .. واستعملي ترى قطعه صغيرة مو عوده ..
سالفة انج تشيلين حق رفيجتج او انتي تروحين تتكشفين بالصالون .. مايجوز كل هذا لانه عورتج محد يشوفها الآ زوجج وبس ..
3)اسمع من بنات المنتدى في بنات يشيلون شعر اجسامهم يعني الصدر والبطن والظهر..هل هالشي ضروري يعني كل متزوجه اتسويه او بس اللي مشعره وشعرها كثيف..يعني اللي شعرها خفيف وفاتح لازم تشيله ؟وباي وسيله تشيله؟ صعب الوحده تسوي نفسها انتو تروحو صالون ولاكيف؟وهل كنتو تشيلون هالمناطق قبل الزواج؟
اذا ظهرج مافيه شعر ..ماله داعي تشيلينه وعقب يطلع لج شعرطويل وحرار .. شوفي بالمكان اللي فيه شعر .. شيليه واللي مافيه ماتشيلينه ..
في بنات دار مدار الحلمه بالصدر فيهم .. فيشيلونه .. يابملقط يا بشيرة او شمع ..
وترى مشكلة الشعر مو مشكلة عوده .. انتي دام داخله على زواج .. تعلمي بروحج .. احسن شي الشيرة .. واستعميليها كلما يطلع لج ..
ومع الايام ترى الشعر بيخف ..وحتى يدج بتخف اذا تعلمتي على الشيل .. اهو بالنسبة للعروس جسمها لازم مافيه شعر ..
بس اللي مافي في بطنها ولا بظهرها كلش ولا شعره من الله .. فماتشيل وتحمد ربها ..
المهم الليزر افضل حل حق المكان الحساس لا تجيسين شعر البطن او الظهر بشيره ديري بالج سويلج 4 جلسات ليزر و راح تصيرين حدج ناعمة و لاحد يقولج له اضرار مادري شنو ماله اي اضرار كلش
وياقلبي انا نفسج طلعت روحي على ماشلت بس الحين تعودت راح تتعودين لاتحاتين
وبالنسبة للي ماينشال حطي بودر عشان مايلصق على الجلد ويعور ولان الجلد ارتفعت حرارته لان الدورة الدموية تحركت
فا ماتلصق انا نفسج
حطي بودر وعقب شيلي وتعلمي تشيلين بالنتف يعني لفي الشيره حوالين السبابة والابهام وانتفي الشعر
حيييييييييييييييل يخف الالم وتشيلين اسرع
ولشعر جسمج اذا خفيف لاتشيلين الظهر يطلع حبوب حطي اكسجين
والبطن لاااااازم تشيلين اللي حوالين السره والباقي كله تشقير
وطبعا شيلي من راسج سالفة انج تشيلين لرفيجتج او تشيلين بصالون لانه مايجوز ياقلبي
الله يتمم عليج يارب ومبروك
اترسي المنطقه مع التدليك وشيليه وبس تخلصين حف ادهني المنطقه بزيت النمل الوردي تلقينه بدينار ونص بالمباركيه يخفف حيل
انا كانت الشيره تلزق فيني وبالموت اطلعها وليطلعتها نزيف وجروح جني داشه هوشه
ومن استخدمت المخدر حيل اريح حطي الشيره وعدي للثلاث وشيلي بسرررررررررررررررررعه وبتدعيلي
نوو نوو نو مايجوووز احد يشيلج انتي تشيلين احسن واذا راده على انج ماتوصلين حطي مرايه وراح تتعودين مع الايام
بالنسبه لي انا ما اؤيد اشيل البطن والظهر اولا لان خفيف مايبين وثانيا حرام اذا شلتيه يطلع اكثر من اول فراح تتأذين كل مره بتشيلينه
على فكره انا حتى ويهي مااحفه كامل لان حيل خفيف الشعر فحرام احف واتأذى
قبل لا اتزوج كنت ساعات بالموس وساعات بالشيرة بس لو شلت بالموس وبعدها اجرب الشيره والله شوي وامووت من الالم ..
بس انخطبت على طول شيره وانظف واحسن واذا ماتقدرين الشيرة العادية عندج فيت الي في قطعه قماش والله سهلة وحلوة وزينة
على حسب كل بينت انا بعد كل دورة اشيل .. بس انا دورتي مو منتظمة فاضطر انتظر ساعات بس الحمدلله انا مو مشعره
بالنسبة حق شعر الجشم والظهر والبطن يوم خطوبتي شلت بس يعور واايد الحين ان شاء الله حق زواجي باشقره بس احسن
انا ساعات اذامستعجلة اضطر على المكينة بس الصراحة فرق الشيرة انعم وانظف والشعر يطلع ناعم ويطول مايطلع..
راح تتعذبين في البداية بس مع التعود والشعر يكون قصير يسهل عليج..
بس على شعر الجسم مو لازم تشيلينه اذا خفيف وماعليج من الحريم مو لازم كل شي يسونه انتي تسوينه