|
|
مرحبا يا بنات
انا ولدي عمره 8 اشهر وعنده مشكله امساك كل 3-4 ايام و بلغصب يسوي خروج و طبعا وقتها يبجي و صراخ على ما يسويها
ابي اعرف شو الحل ؟؟؟؟؟
اهو يشرب ماي و عصاير و نوع الحليب الي استخدمه ابتاميل ( من 6-12 ) ( ماركه ميلوبا )
امس بالجمعيه مسئوله قسم حليب قالت لي اخذي سميلاك و شوفي راح يتغير الي احسن وووايد لانه كل انواع الحليب في زيت نخل الا حليب سميلاك
نوع الحليب سميلاك الي خاص للهضم المريح و غازات و امساك
ارجوكم الي كانت صاير وياه نفس مشكلتي و عنده حل لا تبخلون علي
؟؟؟؟
وانا اعطيته ولدي فتره بس جاب له اسهال والدكتور قال غريبه سميلاك يجيب امساك مو اسهال
ابتاميل كويس
اعصريله عصير برتقال وخففيه بالمويه وجربي لو مانفع يمكن لازم يشوفه دكتور
لدرجه يطلع مع خروجها عزكم الله دم
اليوم بوديها الطبيب وبشوف شيقول لها
شكلي راح اخذه طبيب
بلغوني شنو يصير وياكم
الي تعرف حلول لا تبخل علينا
اولا سوي الماي الدافي والسكر نبات وراح يحسن واذا رحع له الامساك غيري الحليب
وثانيا مايشوف شر ولدج ان شاءالله*
انا جربت برتقال كلش ما فاد وياي
و النبات ما جربته راح اجرب اليوم و شكلي بغير الحليب اشوف سيملاك
راح اسوي سيرج حق خرنوب اشوف موضوعه
والله امس تعب ولدي حطيت له تحميل كانت بطنه يابس و سوي خروج بس انجرح من المقعد مسكين كان كله دم والله حياتي ما ادري اشلون اساعده
الدكاتره يعطونج حل مؤقت وكلهم قالو لي نفس الكلمه الحل بنوعية الاكل يعني كل شي يمسك الطن يعدي عنه كلششششش
عطيه برتقال مع ماي دافي وشكر
عطيه تمر
نقعيله توست اسمر بشوربه وعطي وعلا طول عطي خضار والياف وشوفان
اروح عند الدكتور يقولي غيري الحليب ونغير ونفس الشي
اعطيها كل يوم منقوع تمر وبرتقال وعنب وكل اللي يمشي بطنها
وماكو فايده حتى التحاميل ودوى جربت علشان ترتاح وهذي انا وبنتي ما ادري شسوي >_<
اللي ودها تكسب اجر …. تفيدنا والله يعطيها العافيه
الصراحة انا عيالي جريب السنة اقطع عنهم حليب الاطفال واعطيهم الحليب السائل العادي بس بشرط لازم تنويع بالاكل لان السائل مو مدعم بالفيتامينات نفس حليب الاطفال ووواييد ارتحت من هالطريقة ماكو غازات يعني في بس مو وايد نفس قبل والبطن ماشي تمااام وعلى فكرة سألت فيها دكتور تغذية وقال عادي اعطيهم حليب سائل
وضروري توخرين عنه كل شي يسبب امساك وعلى طول عطيه ماي تمر وعصير برتقال ومو الا تخففينه لانه ولدج كبير ما يحتاج تخفيف وعطيه الفاكهة اللي تمشي البطن مثل العنب >>>>ترى عجيييب حق الامساك ومشمش ورقي وخوخ بس التفاح لا تعطينه اياه لان ولدج راح ياكله من غير قشور فراح يسبب امساك >>>هالمعلومة سامعتها بس مادري اذا صج او لأ بس احتياط لا تعطينه
ولما تعطينه عيش ضروري مع المرق او الدقوس لان له دور
وانا اقول الاحسن بدال العيش تعطينه خبز اسمر او ايراني مع المرق لان فيه نخالة وراح يمشيله بطنه
وهذا اللي ييه على بالي ان شالله اكون فدتج*