الحين وحده من رفيجاتي تعاني من مشاكل و انا الحين انقلها لكم لانه ماعرفت شلون احلها
قلت خليني اكتبها و انتو تساعد
السلام عليكم
اهيا بنت مقبله على الزواج وتعاني من :
مشكلتها الأولي
قبل صارت لها تجربه مادري اذا تعرفون الاصابع الي يستعملونها ببريطانيا مالوت الدورة تامبون جربت وحده يابنات ابي اعرف بهالشي فقدت عذريتيها ولا لأ؟
و مشكلتها الثانيه:
اهيا بنت خجوله وايد وماتعرف شلون تتصرف بيوم الزواج والاحرى ليله الدخلة شتسوي وتستحي شلون تتصرف شنو بيصير فيها؟
مشكلتي الثالثه
واحد بيتقدملها و عمره عل اخر الثلاثينيات و متزوج ومتطلق و عنده بنت ولد و اعمارهم بال 11 و ال12 ياهل ترى تنصحونها تتزوج و ليش؟
وناطرة ردودكم
تحياتي
هلاااا حبيبتي
والله مافهمت… رفيج متزوجة ولا تبي تتزوج؟؟
يعني ملجت ولا تفكر توافق؟؟
اولا بالنسبه للتامبون اشلون تستعمله و هي توها ما تزوجت ؟؟؟ غريبه عاد البنت المفرووض اتكون اتخاف من السوالف هاذي ..و على العموم انا شفت قبل مكتوب عليه لا يؤثر على العذريه بس مع ذلك تفاديت استخذامه
و هي ممكن اتروح لطبيبه و تكشف احسن ..
اما السؤال الثاني البنات ممكن يفيدونج اكثر
و الثالت هو عمره اواخر الثلاتينات و هي جم عمرها ؟؟؟
اولا واضح ان رفيجتج ما عندها وعي كامل واستخدمت شي ربما جعلها تفقد عذريتها وانا اقول بما لان كل وحده لها غشاء بكاره مختلف ربما تكون من النوع المطاطي الذي هو اقوى الاغشيه ويتدخل به الطبيب غالبا وهناك نوع نادر من الاغشيه لا يلزم لفضه خروج دم وربما هناك ظروف اخرى تجعلها لا تزال تحتفظ بعذريتها ولكن لابد ان تكون مؤمنه حق الايمان بالقضاء والقدر لربما يجعل الله في زوج المستقبل الوعي الكامل والثقه التامه بها والله قادر على كل شيء اما بالنسبه لزواجها من مطلق وعنده اولاد فلا انصح بذلك
صراحة ما بي اعلق و اتأثم لأن الموضوع بكبره مو داش مخي
بس الله يستر على الجميع
انا بعد الموضوع مو داش بمخي
اسمحيلي …
بس رفيجتج تبي تعرف شتسوي يوم الزواج واهي لي الحين ما انخطبت ولا صاار مشروع زواج !!!!!
أي شي ؟؟؟
ما فهمت اهي تزوجت ولا لي ألحين وبعدين اكيد هذا بيفض البكاره حسب علمي وبعدين البنت تخاف تحط شي شلون رفيجتج تجرأت !!
الله يستر عليها ويرزقها انشاء الله
امبيه اشدعوه جذي ليش اتحطون سوء النية جذي يعني انا ملاحظه هذي مو اول مرة يمكن السالفة صج و يعني ليش اجذب …. اول شي التامبون مو شرط افض البكارة يعني اذا مستخدمته عدل ماراح افضها اشدعوه بهالسهولة بس اهو مو زين يستخدم مو بس عشان هالسبب بس اهو اسوي التهابات … اما بالنسبة حق زواجها من مطلق هذي مو مشكلة اذا اهي اتحب اليهال و عندها استعداد اتربي اعياله و اتحبهم ليش لا بس اذا ما عندها استعداد ترفض لان العيال مسؤوليه …. عاد ليلة الدخلة هذي شي مادري عنه لان كل وحده عندها شخصيتها و بالفطرة كل شي راح اصير اوكي اهم شي اتكون على طبيعتها و الله اوفجها
thanks all
البنيه عمرها 24
mumchis مشكورة و ماتقصرين على ردج اللي يطمنها ويريح تسلمييينلي
ممكن تعيدين كتابه الموضوع و نشوف تسلسل الافكار ؟؟!؟!
انا ما استوعبت شي ؟!
شحادها تاخذ ريال اكبر منها بوايد ومطلق وعنده عيال ؟؟ وهي توها صغيره ؟؟ فيها عيب معين يخليها تقدم تنازلات ؟؟ شحقه عوار الراس تنطر نصيب احسن وبالنسبه للتامبون خل تراجع طبيبه نساء ولا تتعبث بشي ماتدري شنو نتيجته
خل تستخير وتشوف
وبعدين ليش تستعمل هالنوع هذا ؟؟؟
فيه انواع وايدة من الفوط الصحية
بنات ….شنو هذا التامبون…مع اني متزوجه بس ما أعرفه…
أرجو الافاده..