ارجو المساعدة العاجلة مستشفى الصباح للولادة

السلام عليكم
احتاج مساعدة سريعة أثابكم الله
أنا أجنبية عن البلد و بشهري التاسع في أول حمل لى .
برجاء افادتي عن مستشفي الصباح للولادة . أنا أقطن بالسالمية و لم أتابع هناك من قبل
هل لي أن أذهب هناك مباشرة وقت الولادة أو هناك أجراءات أخرى يجب اتباعها اولا.. و هل صحيح أنني قد ألد مع نساء أخريات بنفس الغرفة؟ و كم يوم أقامة بالمستشفى تطلبه كل من الولادة الطبيعية أو القيصرية؟ و هل مدة بقائي بالمستشفي بعد الولادة تكون بمشاركة نساء أخريات نفس الغرفة؟ و هل لي طلب غرفة منفصلة و دفع رسوم؟
آسفة للأطالة.لكني لم أكن ابدا قلقة لهذا الحد و ليس لي أحد هنا لسؤاله.. شكرا جميعا لأهتمامكم و لا تنسوني من دعائكم

ما عندي فكره ياقلبي وانشالله تولدين بسلامه

شكرا ديحانية ذووق الله يطمننا عنك كمان

بالنسبه لغرفه الولاده اعتقد انه كلكم بغرفه وحده بس بينكم ستاير

والغرفه بتكون عموميه وكل سرير بينه وبين اللي يمه ستاره

وعالغرفه الخصوصي فهذي سالفتها سالفه لازم واسطات .. الخ

وبالنسبه للرسوم مو عارفه

روحي سالي احسن

حبيبتي روحي راجعي عندهم ولو مره عشان تعرفين اذا يبون فحوصات معينه اتسوينها عشان اذا رحتي ولاده اتكون معاج
بعدين تقدرين تطلبين غرفه خصوصيه اذا كانت متوفره
والله يسهل عليج

مشكورة الأميرة المغرورة علي أهتمامك

بالنسبه للولاده مثل ماقالوا البنات
بس الغرف الخصوصيه فقط للكويتين حتى الكويتين مايحصلون مرات لانه دور عليهم
فراح يحطونج بغرفه عمومي فيها 4 وبينكم ستاير

الولاده الطبيعيه ليلتين وتطلعين
والقيصريه 4 ليالي وت
وتطلعين

ويصير تروحين مباشره هناك حتى لو ولا مره راجعتي انا صاحبتي تراجع بالسلام وهم اهي مو كويتيه لبنانيه وقت الولاده
راحت ولدت هناك وكل عيالها تسوي نفس الشي

أم زين العابدين مشكورة لكنهم لا يستقبلون المراجعات الا بتحويل من المستوصف التابعة له و المستوصف لا يحول الا الحالات الحرجة جدا.. لكن انا معي ملفي للمتابعة و التحاليل

الله يسهل امرج .. بس افضل تروحين تفتحين لج ملف هناك عشان يعرفون فصيلة دمج وكل الامور المهمه ..

وبالنسبه للغرف الخاصه مستحيل تحصلينها الا بواسطات والغرف يكون اظن 6 سراير بينهم ستاير

شكرا بنات.. وضحتولي الصورة.. ربنا يكرمكم و يسهل أموركم دايما يا رب

خلاص تاخذين الملف الابيض الي فيه كل شي
التحاليل والمواعيد والفحوصات وقت الولاده هذا اهم شي
تودينه معاج واهما يقومون بالواجب
لانه ماتقدرين تراجعين الا بتحويل والمستوصف مايحلو الا الحالات الصعبه

الله يسهل علييج

شكرا زاجل كللك ذوق

انا ولدت بالعدان وكان وسخ والحمامات معفنه ومقرفه والله سترني ما صارعندي التهابات حتى كنت ناسيه آخد جوتي وما لقيت عندهم شي البسه بريولي وعطوني اكياس نايلون…بس كل شي ولا الخياطه والله عانيت مها وايد كأنهم مخيطين جلد على جلد غلط الله لا يسلم ايدينه الي خيطني وبعد ما سكر عدل يعني صار مفتوح من تحت زياده يمكن سانتي ونص زياده…قاعده افكر هذه المره اروح مستشفى الاحمدي اقط روحي عليهم غصب واروح بآخر الطلق عشان يستقبلوني لانهم عندهم اهتمام ونظافه وايد

روحي راجعي عندهم احسن

وفتحي ملف وشوفي احسن دكتور

والله يهون علي و عليج