|
|
انا حبيت اقولكم شغله وانشالله تفيدكم و هالشي راح يعود عليكم بالفايدة انا مجرد حابه انور لكم الدرب
يعني طبعا الحين الكل يبي وظيفه وعنده مشكله بهالموضوع
ولاحظتوا ان هم الواحد كل ما كانت شهادته اعلى يمكن تكون الفرص الي جدامه اكبر
من حيث الاماكن الي تقبل بشهادته
وانا شفت من البعض انه مثلا شهاداتهم زينه بس يقدرون يطورون من نفسهم علشان يحصلون الشي الزين
يعني الحين قاعدين بالشهور بالبيت ولا سنه واكثر
على ما اييلكم القبول والدور
حاولوا تاخذون دورة تفيد والي شهادتها متوسطه مثلا خل تحاول تكمل مسائي انشالله سهاله
والي ثنوي تحاول تاخذ دورات من التطبيقي او شغله تضيف لها وهم الي عندها دبلوم تاخذ دورات مسانده
والي عندها شعادة جامعيه هم تاخذ تزيد من حصيلتها ويزيد الحجي بالسي في 
والله يا بنات مابي من هالموضوع الا مصلحتكم لان الوضع صار صعب حيل مو نفس قبل سهاله
وبالتوفييييييق للجميييييع
اي والله ابرك من النطرة بالبيت..
على قولت القايل .. حج وقضيان حاجة
تشكرات
وكلامج صح 100%
وان شاء الله يستفييدون البنات
تصدقين انا متوظفه وهم ودي اخذ واكمل
والله كريم
عموما انا دايما انصح الي معاي حتى لو كنتي تشتغلين انج تاخدين دورات او تكملة دراسة وناا مدرسة بس ما احب اقعد اتشوفيني منت دورة ليه دورة شي حلو الواحد ايطور من روحة والله ايوفق الجميع
اهما يفضلون خريجين امريكا واوربا علينا … عموما كلامج هم صح ما يمنع انه الواحد ياخذ دورات
علاما يتوظف ويطلع له الدور بدل لا ناكل بعمرنا ونقول متى ايي دورنا .. الله كريم
ويعطيج العافيه حبوبه
مو هذا الحجي ان صعب فعلشان جذي لما تكون عندج دورات وعوامل مسانده تساعد في النظر بالاوراق
يعني وبالنسبه حق خريجي بره بالعكسسس مو كل مكان وايد اماكن قاعدين ياخذون من جامعة الكويت
بس المشكله من ناحية الشركات يبون خبره ماياخذون فرش غرادويت
بس لي صار في دورة في المجال الي تبين تشتغلين فيه راح يساعدكم
واهم شي الانجليزي وبالاخص بالقطاع الخاصصصصص مهم جداا جداا
وشدوا حيييلكم والله يوفق الجميع انشالله
ويعطيج الف عافيه على الافاده 
مشكوريين عالمرور