ارتفاع الحرارة المفاجئ

السلام عليكم
شلونكم امهات ياليت امهات الخبرة يساعدونا
لوتشوفون الرضيع بو 4 5 6 شهور خامل وتعبان اكيد ع طول تشوفين حرارته وفجأة طلعت مرتفعه شتسوين
1) بملابسه شلون تفصخينه والا تدفينه والا شنو
2) بالكمامات
3) تودينه الطبيب ع طول وهي مرتفعه والا تنزلينها عقب تودينه
4) تعطينه ادول
وجم الحرارة المرتفعه بالضبط يعني متى ابلش اعرف انها حرارة
ياليت تساعدونا بالهسالفه
ودمتم يا اغلى خوات

صارت معاي من قبل اسبوعين اب بنتي
فجأه صار فيها حراره
عطيتها بندول و كمادات ماي بارده بس قامت تبجي لانهم باردين عليها
فقمت حطيت عليها كلونيا مالت بيبي جونسون و فصختها بنطرون البجاما و من باجر وديتها الطبيب

اعطيه ادول وعلى طول اوديه الطبيب اما اذا كان اكبر لا انطر الى باجر واذا تروح وترجع اروح لطبيب

وترى بهالعمر فتره تسنين يعني احتمال الحراره تجي باي وقت

لاتسكتين عن الحرارة ترى مو زين حق البيبي لان سمله عليكم وعلى كل الحضور وحدة من اهلي حاش ولودها سخونه وخلته وفجأة من غير انذار صار في ولدها سمله عليكم سكر الحرارة مو زينه ادول والطبيب والكمادات

يعطيكم العافية‏↳‏

بس مويقولون أول تحاولين تنزلينها عشان مايتشنج بالطريج

عليج بالخل حطي شوي بيدج وادهني رجولها واباطها وبطنها وسوي كمادات ماي حطي فيه خل وحذاري يكون الماي باااااارد ثلج خلي البارد العادي ومسكي الفوطه ومسحي على ايدينها وحطيعلى راسها الكمادات وعطيها ادول وشوي بعد نص ساعه شوفي شلون راح تنزل

عطيه كل 4 ساعات ادول ووديه الطبيب لازم كمادات علشان تنزل الحراره

جزاكم الله خير ومنكم نستفيد

الحراره الطبيعيه اعتقد 37 اذا مرتفعه 38 اذا شفتيه جذي اول شيء عطيه ادوول
وكمادات اذا مانفع وتشوفين مانزلت حرارته روحي طبيب احسسسن

اخاف افصخه واحط عليه كمادات اخاف يدشه هواا

بما انه بهالعمر انا اقول روخي للطبيب ع طوول
وبلاش من التجاارب

روخي يعني روحي ههههههههههههههههههههه

صارت فيني قبل اسبوع
انا بصراحه اعطي ادول او تحميله وسيييده اودي الطبيب وحتى لما وديته قالي في صديد وبلاعيمه مسكين مايقدر يصك حلجه مستحيل اخليهم لي ثاني يوم حرام ياهال مايعرفون يعبرون واذا في اختقان او صديد ياذيه ماتنزل حرارته

عطيه ادول وروحي الطبيب وحطي له كمادات

اب اب

الله يعافي عيالنا جميعا ومشكوره على الموضوع راح نستفيد منه