اذا ولدج شعره ناشف و مو حلو شنو الحل؟؟؟

قوة بنات شلونكم ابي من خبرتكم شنو تحطون حق عيالكم اذا كان ناشف و ملفلف وايد شلون تهتمون فيه و شنو تستخدمون دهن للاطفال؟؟؟ شكرا

الله يعينج .

لول .. عندي عيال إخوي عكاريش من خوالهم .. بس ما اشوف أمهم تسويلهم شيء .. و حتى لو تسوي .. مو مبين ..

هذي عكاريشهم ما تغيرت .. لا بنات ولا صبيان . .

بس حسب من شعر لين شعر .. شنو نسبة التعكرش اللي بعيالج ..؟؟

حطيلهم مال سانسلك جنه عصار أحطه لبناتي ترطيب ..

يرطبه شوي . بس ينعمه ؟؟؟ ما ضنتي ..

اذا كان ناشف استخدم مع كل حمام بلسم لشعر

انا ولدي شعره جاف…من كان شهور عمره …و اختي صارت اتحطله زيت زيتون ….وايد وايد وايد تحس شعره …بعدين قطعته ….رد شعره نشف …يبت رشاش من بو 100…و حطيت فيه زيت زيتون …و عقب الحمام و شعره مبلل امسح عليه اشويه ….شعره تبارك الرحمن نعم …كان شعره كيرلي راحت الكيرلز…و صار شعره يلمع و حلو

مادري والله شعر ولدي ناعم
بس اكييد في حمام زيت وسيرم حق الشعر الجاف

انا احط لهم البنات والشباب كريم سن سيلك قبل الشاور يطلع رطب ويلمع وماينشف بعد الحمام!

تسلم ايادي الي كتيت و ردت علي يعطيكم الف عافية

حبيبتي انا ولدي شعره ناشف ومفلفل..لاحظناه فجأه نعم
كان مينني على الجيل قمت وقصيت عليه شريتله من بوتس
كريم الشعر من ماركة تريسم
ابلل شعره بماي بعدين احط الكريم وهو يستانس عباله جيل

وبعد ماخلص الكريم شريت كريم
التصفيف مقاوم التجعد من لوريال
موجود بالجمعيه لونه برتقالي وهو كلساع مغرق شعره ماي ويترس من الكريم مستانس
على بو انه جيل..وصج كل من لاحظ شعره نعم..اتمنى اني فدتج

رشي عليه رش جونسون مال الشعر بخاخ شحلاته ينعم ويرطب وريحته حلوه

روحي الحواي واخذي منه زيوت للشعر
ومره كل اسبوع حطي بشعره مو اقل من 4 ساعات

اول شي كم عمره !!

لان في زيوت قويه وتخرب الشعر وتضر الطفل

بالنسبه للبلسم مانصحج تستخدمينه
اذا احنا الكبار يسبب لنا تساقط
عيل هالياهل بيقرع

استخدمي زيوت بارده مثل الزيتون او جوز الهند او بيبي اويل