اذا ماعندج نصيحة بس ادعيلي في ظهر الغيب

انا متابعه دائمة لهذا المنتدى الاكثر من رائع

واليوم قررت اني ادخل معاكم النقاش

واخترت اول مشاركة لي اني اعرض لكم مشكلتي الكبيرة مع زوجي …

واتمنى اني اكون خفيفة عليكم و ما اثقل عليكم

واتمنى من ذوات العقل الرجيح و الخبرة ان يعطوني نصيحة اخوية لوجه الله تعالى

واتمنى اكثر من جذي ان اللي تشوف مشاكلي تدعيلي بهالايام الفضيلة ان ربي يفرج همي

باختصار مشكلتي …..

انا متزوجة من 4 سنوات وعندي طفلين … الله يخليهم لي يارب

بدأت مشاكلي مع زوجي بعد 4 شهور من زواجنا (( طبعا الاربعة شهور قبل ما اكتشفه كانت احلى من العسل ))

بدأت المشاكل باكتشافي خيانة زوجي !!

وطبعا ماله داعي اخوض بالتفاصيل لانها كلها تفاصيل تعيسة جدا جدا

طبعا زوجي خاني بعدها مليووووووون مرة و اكتشفت خيانته بالمسنجر و التلفون و البلاك بيري و التلفون السري و الصور على التلفون !!!

وقبل فترة يمكن شهرين بدأ طبع زوجي يتغير للأسوء

بدأ يطقني طق عمركم ما شفتوه ( اسم الله عليكم ) ومو بس يطق قام يهددني بالقتل !!! اكثر من مرة ويحلف وحتى مرة لو لا ان الله كتبلي عمر لكان كنت في عداد الاموات لانه لحقني بيطقني بمطرقة !!!!

وغير جذي قام يسبني ومسبتي صارت شي طبيعي وعادي كل ما نتهاوش !!

قام يقط علي كلام جاااااااااااارح انا اعتبره اسوء من السب وهو مثل : ذلفي عن ويهي ، مالي خلقج ، متى افتك منج ، روحي بلا رجعه ، طبج مرض ، ان شاء الله تموتين !!!!!!!!!!!!!!!!!!!!!!!!!!!!!!!!

طبعا زوجي مفجووووووووووع على الطلعه كأنه عمره مو شايف الشارع ولا عمره شايف ربع

وعادي ينام برا بدون انا لا ادري وين ارضه من سماه !! ومن يطلع من البيت يحط جهازه ساااايلنت واحنا بالطقااااق

مافي بينا كلام حلووو انقرض ولا يهتم فيني ولا يعبرني ولا شي !!! ودايم يغثني يوم يسوي روحه يبي يتزوج علي ولا يسوي روحه رد يكلم بنات وطبعا على قولته يتغشمر !!!!!

جربت معاه وايد طرق منها الدلع والدلال والسكوووووت على اغلاطه وجربت الهواش والصراخ والتكسير والسب وحدخ بوحده ! وجربت الحقران ماكووووو شي ينفع

انا الحين حااااااسة اني بلا كرامة معاه !!!

زوجي تغير حيل اول ما اخذته ما كان جذي كان حبوووووووب ومييييييييييت علي يحبني حيييييييييييل بس بنات ابليس قلبوه علي حسبي الله ونعم الوكيل

لا تقولون لي روحي طلبي الطلاق !!!

ليش

لان انا مالي احد اروح له انا ابوي متوفي وامي متزوجه وعايشة حياتها وعمامي وخوالي كلهم عايشين حياتهم وماااايحبوووون يتدخلون ابدا
اما اذا رحت لهم مطلقة بيطلعوووون عيني على بو تطلقتي من ولد عمج انا اعرفهم عدل !!!

اما زوجي امه وابوه منفصلين ولا يدرووووووون عن عيالهم من يوم ما انفصلوا !! الاخوان الكبار ربوا الصغار وجذي قزروا حياتهم

واخوانه الكبار ملوووو من كثر ماشكيت لهم ولا قاموا يعبروني لان زوجي احرجهم برده السخيف عليهم !!!!

طق واهانة واهمااااال هذي حياتي معاه !!!

حتى البيت مايدري عنه انا صايرة ريال البيت انا اقوله روح دق على الكهربجي واحن احن لما يروح يصلح الخربان مثلا

تعبت وزهقت من هالوضع التعبان

تكفووووووووووون احنا داخلين على العشر الاواخر

اذا ما عندكم حل بس

ادعوووووووولي في ظهر الغيب انا الله يفرج همي ويسخرلي هالانسان اللي احبه مع كل اللي سواه فيني

انصحوني انا ماعندي الا رب العالمين ثم انتوا

ولا تظلموني بردودكم الله الشاهد على اللي انا متحملته !

واللي عندها استفسار عشان تفهم اكثر انا مستعده ارد عليكم

والله كريم