|
|
شلوونكم بنات مع الامتحانات ان شاء الله مبيضينها 
الكتاب مبين من عنوانه مثل مايقولون انا بالانقلش مييييييييييييييييح
وعندي امتحان شلون تدرسون حق هالماده للي يكرهون الماده مثلي ؟؟؟
شنو تبدون فيه وشنو تحفظون الاساسيات يعني والاهم شلون تحفظوووون 
بليززززز عطوني الاشياء المهمه ماابي اتفووق فيها ابي انجح واعديهاا مسويه لي عقققققده 
اذا ثانوي اذكر الطريقه..
اهم شي الاسئله والقواعد والوظائف الغويه..
الاسئله اترجمها اول عقب احفظها باني اكتبها اكثر من مره..
وع حسب عدد الاسئله مثل 20 سوال ..
كل 5 اسئله احفظهم اسمعهم ..
تاكدت اني حافظتهم ..
ابدي بخمسه غيرهم وجذي..
اخر شي احفظهم كللهم..
القواعد اقرى القاعده افهمه عقب ايب تمارين محلوله وانقلها بدون حلها او اغطي الحل واحلهم وعقب اصلح لنفسي عشان استفيد من غلطاتي..
الوظائف اللغويه احفظهم شفوي باني اكررهم عقب اخلي اح يسمعلي..
الكلمات بعد مثل الطريقت الاسئله..
وفي طريقه عشان تحفظين الكلمات انج تقسمينها لاكثر من جزء حسب طول الكلمه..
وبس ..
الله يوفقج يارب..
وان شالله تستفيدين من طريقتي..
الانجليزي دراسته تختلف لأنه لغة مو مادة عادية .. بقولج طريقتي بالدراسة خاصة أنا أستمتع بدراسة الإنجليزي لأنه مراجعة بالنسبة لي أكثر منه دراسة
أول شي أبدى بالــ vocabulary تمرين على الدروس أي كلمة جديدة تحفظينها ويكون الحفظ بالكتابة عشان تعودين يدج .. يعني تخلين عندج دفتر فاضي تتمرنين فيه على الكلمات نطقــًا وكتابة
لما تشطبين على الفوكابلري .. تدخلين بالــ grammar اللي خذيتوه من قبل يعني الأزمنة ماضي تام وماضي بسيط وماضي مستمر والمضارع بأنواعه والفيوتشر … والقواعد الأساسية قاعدات if وغيرهم .. أفضل تدرسين من كتاب قواعد مو من كتاب المنهج نفسه أنا جذي حتى بالعربي أستعين بكتب مختصة بالقواعد عشان أمر على الأساسيات اللي درسناها بمراحل الأولية بالمتوسطة والثانوي
بعدها تدخلين على الــ Functions أو الوظائف اللغوية لأنه لازم يجي سؤال فيها بكل امتحان وهم أستعين بمراجع مختصة مادرس من كتب المنهج
وآخر شي تدرسين الدروس والمعلومات اللي فيها لانه تجي أسئلة set book
وعودي نفسج تقرين أي شي تمر عينج عليه بالانجليزي ويفضل بصوت عالي عشان النطق ويتعود لسانج على مخارج الأحرف .. وهم تعودي تكتبين بالانجليزي ملخصات دروس أو أي شغلة ببالج
أنا مرات أكتب ملخصات المحاضرات بالإنجليزي أول شي تلقين صعوبة بالصياغة بس مع الوقت تتعودين
الإنجليزي ترا مو صعب كلش .. إذا الأساسيات عندج أوكي خلاص الباقي سهل
وموفقه 
رونه طريقتج حلووه وسهله بسويها بس عساه يثبت اهيء اهيء
عالي مستواها ماشاء الله عليج ياليت احبه او اتقنه مثلج يالله الله كريم
مشكورين بنات
شوفي انا القواعد ايبلي مدررسه انجليزي حدها زيينه باديه معاي من اول الكورس .. ايبها قبلها بجم يوم وقبل الامتحان ابدي احفظ كلمات لدرووس واربط كل كلمه بشي عشان اقدر احفظ مثلا book اقول بوك بالعربي هذا الي اتحط فيه لفلوس اهم شي ههههههههه يعني اترجم كل كلمه بكيفي او اجزئها عشان احفظ … وبعديين ايي حق الست بووك اول شي اترجمه كله لان اذا فهمتي الاجابه مع السؤال اسهلللج اتحفظيينه عرفتي بعديين ابدي خفظي مثلا 2 او 3 ومع كل وحده تحفظينها خلى كشكول يمج كتبي بس السؤال فييه وبعد ماتحفظييين مثلا عشره سكري الكتاب وفجي الكشكول وابدي حلي برووحج وماتغشيين وشوفي تقدريين ولا لأ وكملي الباجي جذي وعندج الفنكشن راجي كلماته الي مثلا اوبينيا او اي شي مري علييهم عشا تذكرينهم وعادبعديين ارد ارجع القواعد على دراسه المدرسه … وبسس ويارب اتفييدج دراستي وادعيلي انجح خوو خرييجه مابي اسقط
اشوى في احد مثلي لوووووووووول
المدرسات اللي ايون بالبيت مااركز معاهم مادري ليش بالشرح الجماعي اركز اكثر << عكس الناس خخخخخخخخخخخخ
وحلوه سالفة تترجمين الكلام على كيفج بسوي مثلج هههههههههههههههههه
واكيد استفدت من كلامج مشكوره حياااتي
والله يوفقج ويوفقني ويوفق كل الطلاااب ياااااااااااااااااارب
وننجح ونفتق اففف لاعت جبدي من الدراسه
) بعدين اترجم الاسئله عشان يسهل حفظهم واحفظهم وبجذي اضمن درجات النجاح
بس انا ترى من عشاق الانجليزي
والتاريخ حق رابعه ثانوي عجييييييب
و بعدين اترجم الست بوك و احفظ سؤال سؤال
و اسمّع على ورقة خارجيه مع اجاباتهم طبعا
و بعدين القواعد اراجع ع القواعد الرئيسيه و بعدين
ادرس اللي اخذناها و آخر شي الوظائف اللغويه
و الانقلش ما يحتاج مدرسه صدقيني
وباجر عندي انقلش والله يستر
ادعولي