ادعي لأختك المسلمه ليقول لك الله و لكي مثلها

طبعا في وايد بنات يترددون على هذا القسم و محتاجين الدعاء للحامل
انا حبيت اكتب هل موضوع نشجع بعض على الدعاء يعني كل وحده تدخل تكتب طلب دعاء
و الخوات ما بيقصرون
ما تدرين اذا دعيتي من قلب لاخت ما تعرفينها شلون الله بيجزاج الخير
و بيكتب لج انشالله نفس الدعوه الي دعيتيها

ساعات الواحد منه تكون عنده اعمال سيئه تحجب دعائه
فياريت نتساعد خواتي
لابد الله بيستجيب لنا
الله كريم سبحانه و تعالى و عطانا المفتاح ( ادعوني استجب لكم )

ادعوني مو بس يعني يا رب عطني ذريه و انا لا اصلي بوقت و استغيب نص خلق الله
و اسوي الف منكر

لا
حطوا بالكم ان هل اشياء بتصير حاجر بينك و بين وصول الدعوه

صفوا نواياكم مع رب العالمين
و ادعوا لبعض
و تمنوا لبعض الخير و صدقوني الله مابيقصر معاكم

المسألة مسألة ايمان و ثقه برب العالمين

لم تقولين توكلت على الله

هذي مو كلمه تقولينها بلسانج

لا التوكل فعل يستلزم النيه بالقلب
لازم تكونين مسلمه بهل شي
ان امورج على الله
و مافي أحسن من الله نتوكل عليه

توكلي على رب العالمين و انشالله دعائج و طلبج ما بيضيع
و عرفي ان كل الي الله كاتبه خير بخير