اخيرا اللجنة الفنية لتقاعد المكلف بالرعاية

اليوم كان موعد لجنتي

باللجنة لازم حضور المكلف بالرعاية والمعاق

اي سوال انا حاضرة

هاذي اللجنه حق شنو بالضبط ؟؟ ممكن تشرحين لي

انا اعلمج هذي لجنه حق التقاعد من يرعا المعاق عرفتي

المتقاعد وعنده طفل معاق مثلي او يبي يتقاعد

قصدي سواء متقاعد يسون له تسوية علي معاشة او يبي يتقاعد

مرمر الله يشفي بنتج ممكن تعلمينا شنو الطلبات علشان كل يستفيد منها

اهلين مرمر

سؤالي هل اذا تقاعدت معاشي مايقصون منة شئ ؟

شوفي حبيبتي اول شي تاخذين كتاب المكلف برعاية المعاق من الدور الثاني تودينه الدور الثالث
هناك يطلبون
شهادة الاسرة من البطاقة المدنية
كتاب من المنافذ يثبت انج مو خارج الكويت اكثر من 6شهور
شهادة عدم ايواء من دور الرعاية
صور بطاقة المدنية للمكلف بالرعاية والمعاق
صورة شهادة الميلاد
كتاب من التامينات عن مدد الخدمة اذا متقاعدة او من جهه العمل

وتدخلين اللجنة الفنية

التقاعد 100% من الراتب الرئيسي فقط
يعني ماتدخل البدلات

يابعد عمري يامرمر وربي ياجرج ويصبرج ويفرح قليبج

والله حايسه من زمان ودي اعرف بالضبط كلمن يقولي كلام غير
مثلا لو بتقاعد جم سنه هل 10 سنوات ولا 15 سنه والراتب قلتي الاساسي بس ؟

بيصير شوية حييل لو الاساسي مثلا 400 وشي

ووين مكان اللجنة ؟؟؟

جزاج الله خير حياتي

اولا التقاعد بعد 15 سنة للمراة و20 للرجل
اول شي تروحين الهيئة العامة للمعاقين الدور الثاني تاخذين الطلبات
التقاعد صح 100%من الرئيسي والعلاوة الاجتماعية والزيادات اللي مايدخل البدلات والشفتات

لايردج الا الكي بورد

جزاج الله خير اختي الغاليه انا الطلبات كلها طلعتها بس المنافذ للحين ماخلصتها يقولون حطي رقمج واحنا ندق عليج ماعطوني الكتاب وعسي رب العالمين يشافي ويعافي كل مريض

لا حبيبتي روحي مركز الخدمة اللي يم بيتكم
طلبي دخول وخروج يطبعونه وانتي واقفة

جزاج الله الف خير وعساه بميزان حسناتج

اجمعين حياتي