|
|
السلام عليكم
بنات من فترة كتبت موضوع عن حساسيه اتيينى بيدينى
حكه تذبح ما اتهدنى الا ليمن تزرق ايدينى
ووالله ما كتبت الموضوع هذا الا ابى افيد المصابين فى هالمرض واشلون يطلع
لانه يذبح ………..بكل ما تعنيه هالكلمه
الله لا يراوريكم اياه
اول ما صابتنى الكحه قبل شهرين وكانت قويه وااايد لدرجة ان كل من فى البيت يسكروون دورهم من ازعاج كحتى
كحه مع بلغم وخذيت علاجى من المستوصف مضاد وشراب مضاد الهستامين وحبوب اللى تريح بالليل من الكحه
وطبعا خلصتهم كلللهم
واستمرت الكحه الغريبه مدة 3 اسابيع كامله بنفس قوتها
والاسبوع الرابع بدت اتخف ………….بفضل الله سبحانه
اول واخيرااا
وبفضل شراب الاميدرامين خذيته من الصيدليه طلع كل البلغم من قلب
وخلال هالفتره
ايدينى وريولى من تحت اتحكنى مووووووت اقولكم ليما اتزرق كدمات كدمات شكلها ايخرع
وبدت تنتشر بجسمى اشوى اشوى
حكه تترك اثر جنه ماى مفيوح مكبوب على وثانى يوووم يختفى الاثر بشكل جزئى ويطلع من مكان ثانى
رحت الهادى ورحت عياده خاااصه
وكله يوصفون لى كريمات اتهدى
ليما بالاخير مليييت
والله بنات لمن اتييينى النوبه اقعد طووول الليل فاجه عيونى وابجى
تخيلو قرصة بعوضه اول ما تقرص اشلون اتحر ………………..الله يعينى بس
رحت لمستوصفنا عيادة الجلديه
واول ما وصفت للدكتو ر ……………..عرفهاااااااا
ارتيكاليا مزمنه
انا اول مره اسمع عنها
اتيي من عدة اسباب ولاازم اذا ان شاء الله اتخف اعرف بنفسى سببها واعالجه
قاللى الدكتور الاتى :
قد يكون السبب داخلى وهذى نذير من :
غده / تسوس اسنان / حساسيه من الربو والكحه اللى عانيت منها / افرازات مهبليه / التهاب بول
الاكل الحار / الغبار
يعنى من اى شىء يصاب فيها اى انسان
وقاللى ابتعدى عن كلينكس الديتوووول والجيل هااند / والعطر على الجسم واللوشن المعطر
والكمفورت / والصابون / والغبار / والماى الحار / والليفه الخشنه / والدش القوى / حتى الحف ممنوع يهيجها
يااارب اليك اشكو امرى
ووصفلى غسول من روك وحبوب الحساسيه …………….وكريم الكوم
الحين تقب على ساعات وابجى ابجى لييييما يصفى راااسى
جنه دووود يمشى بجسمى
عموما حبايبى هالموضوع للعبره
ان الانسان خلق ضعيفا
وللافاده لكل وحده اييها ربو وكحه وحكه ……………………تاخذ بالها مو اى دوا تاخذه
خصوصا مضادات الهستامين
وابيكم تدعون لى بالشفاااء منه
وكل مرضى المسلميين
اللهم اامين
و
جزاج الله خير علة ذكر تجربتج
امبي والله وانتي توصفين جنج قاعدة تشرحين حالتي بالظظظظبط
بس وانا حامل صارت فيني ..
بدت فيني من ريلي من تحت بعدين فخوذي وبعدين كل جسمي ليما صار شكله يخرع وكله كدمات وبعض الاماكن لونهم كحلي والله من كثر الحك والعوار
وماكنت أنام بالليل من الالم من والحك وكله مبققة عيوني وعجزو فيني الدكاترة ماخلو ابر وكريمات مانفع شي
لمن ولدت اختفت هالحساسية سبحان الله..
بس الحين احيانا احس بحكة بالفخوذ وبايدي . . بس مو نفس قبل
ونفس ماقلتي عن الاشياء الممنوعة هذي كانت تهيج الحاسسية عندي .. يعني اي صابون كان يهيج جسمي والماي الحار والاكل الحار وحتى اللبس الثقيل او جم طويل يا ويلي شيصير فيني ..
فأتوقع كانت فيني ارتيكاريا نفس ماقلتي والله اعلم ..
وآسفة ع القرقة بس حبيت اشاركج المعاناة لأني حاسة فيج ..
والله يشافيج انشالله
ام مرووم …………حبيبتى اللى صارلج مو ارتيكاليا هذى حساسيه من المشيمه
اتصير لبعض الحوامل لان المشيمه تفرز هرمون معين يسبب الحكه والهرش الدائم وتختفى بالولاده
بس انا
يا رب الاقى لها سبب وعلاج
ادعو معاااى
مشكوره
و نصيحه روحي حق مستشفى الراشد لامراض الحساسيه وخل يسوون لج التحليل الشامل مال الحساسية
سويته قبل اربع سنوات يطرشونه فرنسا…وياخذ وقت تقريبا شهر ….يطلع لج درجة حساسيتج من كل شي
سواء الاكل او الشرب…او الغبار والظروف الجوية
اختصري الوقت وعسى الله يشافيج
واغتسلي بماي مقري وارقي نفسج
على طووووول