اخوي الصغير فيه فتحه ابظهره شنو يعني؟؟؟؟؟؟؟؟؟

السلام عليكم و رحمة الله و بركاته

بدش بلموضوع على طول يا جماعه انا عندي اخوي عمره 11 سنة الله يحفظه و يخليه لنا عنده مشكلة التبول الاارادي ليلحين تكرمون يبول على روحه بليل و ينحرج لي قعد وانا اتقطع اتمنى هلشي فيني و لافيه المهم وديناه للفحص قالو فيه فتحه في الظهر فبعرف شنو يعني فتحه بالظهر و شكو هاذا بهاذا؟ ما قدر انطر لي موعده جد و بعرف شعراضه و شنو خطوره و اعراضه؟ بليز الي تعرف لا تبخل و الله ادعي لها ليل و نهار

الله يشافيه ويخليه لكم ..,

ماعندي فكره..,

سمو الغلا يزاج الله خير و امين انشالله
الباجي حده شدعوه شدعوه عليكم؟ و لا رد و لا حتى مايشوف شر

ما يشوف شر ان شاائ الله والله يشفيه يا رب .. كنت اتمنى افيدج بس ما عندي فكرةو ان شااء الله يكون شي بسيط مو تتنسين تطمنينا عليه

الله يششفيه ويخليه لكم يارب

ماادري اول مره اسمع عن الشي هذا

ان شاءالله البنات يفيدوونج

طمنينا عليه يالغاليه

ما عندي فكرة
بس وين فحصتوه
علشان و لد اختي نفس المشكلة

الله يشافيه

اول مره اسمع بفتحه الظهر
الله يشافيه لكم

الله يشفيه ويشفي كل مريض اخف عنده التبول الليلي ؟
سوي له فحص وتحليل عند دكتور تخصص

الله اشافيه و عافيه ان شاءالله مايشوف شر

واللهي انا من اول ما انولدت وانا عندي فتحه بالظهر و فعلا كان عندي البول الا ارادي و هالشي راح مني من كان عمري 3 سنين البول لكن ظهري يحتاج عمليه لين الحين وديرو بالكم ترا يسبب استسقاء بالماي

و الحمدالله الموضوع بسيط حتى لو واحد ما عنده فكره بس يسمع الي بولدكم بيقول لج البول الا ارادي و ظهره مفتوح بيقول لج روحي دكتور اعصاب واهوا مغمض مو مسالك بوليه

بفحصونه و يتاكدون ان المشكله من اعصابه

بعدين يعطونه ذبذبات كهربائيه تعطي اشاره للمثانه

تقريبا بيحتاج 12 جلسه

و انا بعد راح افحص هالشي لانه رجع لي بعد 12 سنه ما كان فيني شي الحين رجع لي مره ثانيه البول الا ارادي و بروح ابن سينا عقب باجر ادعو لي

و ترا انا حاطه استفسار موضوع لانه ناسيه يوم كنت صغيره وين كانو يحطون الاشاره الكهربائيه عشان يصحصحوني

و الله يشافي كل مريض قولو امين

الله يشــأفيـه بشرينا شصار وياهـ