|
|
من دخلت عليهم عروس واهى شاده حيلها بنقل الحجي من ثاني يوم عرسي وانا بالغرفه تدخل وتقول قالوا فيج وقالوا فيج ليما كرهت البيت واهله صرت كلا منطويه بروحي مع انى ادور يمعة الناس وبدت المشاكل بينى وبين زوجى واهى السبب مع انها كبيره مو صغيره العمر 30 سنه مو متزوجه قاعده بالبيت اللى حاز بخاطرى انى صدقتها وعاملتها احسن من اخت والله المستعان لما دخلت المستشفى يتنى كم وحده من اهلها اللى انا خذيت قرار ما اكلمهم اكثر شهور وسالتنى شنو فيج معانا من دخلتى ما تكلمين احد قلت لها انتو اللى شنو تعرفون عنى دخلت عليكم ما تعرفون شي واحد عنى وقطعتو لحمي بالكلام ردو قالوا انتى اللى من دخلتى وانتى حش فينا ما خليتى احد ما طبيتى فيه المهم كلنا اكتشفنا انا اهى اللى سوت هالمشاكل احس راسي لف من الكلام اللى قالوا انا قايلته والله انه ما طلع منى واهم بعد حلفو ما قالوا عنى حرف واحد وصار لها كم يوم شرفت البيت انصدمت لما شافتنا نتكلم مع بعض حسيت ان اهى اللى موزينه لانها صارت عصبيه وتزف باليهال وموعاجبينه احنا بالمره بس تخز وشغاله بالنغزات على الاوادم والله يعينها على نفسها احنا موجبينها واهى عبالها خوف منها احس انها تحوس بتعرف شلون تكلمنا وشنو اللى قلناه عنها لانى انا ما حسستها بشي اسولف معاها عادى 0
والله صدمه بالنسبه لى كم شهر عدى وراح وانا كارهه البيت وحريم خوانها واهلها من الكلام اللى غثتني فيه واخر شي طلعت اهى تروح لهم وتقول نفس الكلام بس بلساني غفرااااااااااانك يارب
والله يعينها على نفسها
والحمد لله اللي عرفتوا الصج قبل لايجي بينكم اكبر من جذية واهيا السبب الله يهديها
خلج طيبه لابعد الحدود وخليهم يحبونج عشان لايصدقونها واذا تمادت اخت زوجج
قولي حق زوجج يتصرف معاها
هذي مريضه نفسين تجنبيها
وقالوها من حجا لك يحجي فيك
دام اكتشفتيها على حقيقتها هذى اول خطوة لحل مشااكلج
نصيحتى خليج رسمية معاها ولاتدخلين بأى شى اهى لها علااقة فية ولاتتكلمين عنها عند منو ماكان
وخليج مع الباجى راعية مواجيب وبس لاتدخلين بحيااتهم ولاتدخلين احد بحيااتج ولاتخلينها اكبر همج
والله يسعدج
مالها حل ولاتقدرين تسوين شي كفي نفسج
اختي انا حاسه فيج ومارة بالضيم اللي شفتية فخذي نصيحة مجرب هالنوعيه من الناس لا ادشين معاها بتعمق ولاتقولين لها اسرارج مع ريلج وبنفس الوقت لا تتجاهلينها لانها بتتعمد تغيضج خلج رسمييييييييييييييه حيل معاها وققللي الكلام واذا بغت تسحبج بالكلام عن اي احد قولي لها انا ما احب اجيب طاري احد مو زين عشان تندقر
وهم مع اهل البيت خلج زينة بس رسمي الحموله ماينفع معاهم انج ادشين بقوة
والله يوفقج وصدقيني خيرة اللي انكشفتلج باشهر مو سنين
اشكالها شكثر الله يهديهم