|
|
شلونكم يابنات ؟ حبيباتي بدش بالموضوع على طول وابي منكم طلب الله لايهينكم الي ماتبي ترد على الموضوع اتمنى انها ترفعه بدعوه ان الله يجمع بينهم
بقولكم السالفه من البدايه
الله يسلمكم اخت رفيجتي اعدها اختي الصغيره ودايما تشكيلي وانا اسمعلها واليوم قالتلي طلبتج انج تحطين سالفتي بالمنتدى ابي حلول من بنات منتدى كويتيات الي مايقصرون
المهم سالفتها انها تحب لها واحد من 4 اسنين ويشهد ربي انهم يحبون بعض حب تبارك الرحمن موطبيعي نيتهم الزواج واهيا الحين برابعه ثنويه ادري انكم بتقولون انه حب مراهقه انا قلت نفسكم من زمان بس ماشالله البنت لاحظت عليها ان عقلها اكبر من عمرها بواااااااااايد ماشالله وكلش ماتقولين عقل مراهقه تعرف تفكر وتحل المشاكل جنها اكبر مني ماشالله واخلاق وتربيه ودين بس بهلمشكله اتقول تبي رايكم فيها
اهيا بدويه واهوا حضري "نجاده" وابوها يغلب عليه الطابع البدوي القديم يعني مايرضى تاخذ الا من القبائل والصبي ماشالله عليه متعلم واخلاق ووظيفه ممتازه وعمره 23 ومن العوايل الي محد يذكرهم الا بالزين واهوا ناوي يخطبها اول ماتتخرج من الثنويه طبعا امه تدري عن سالفتهم ودايما اتقوله انا الي بخطبلك اياها اول ماتتخرج ماراح انطرك اتقولي شي يعني الحمدلله مو راعي خرابيط ويقص على البنت
امها ماشالله عليها متفهمه ومتعلمه ومتفتحه اكثر من ابوها بوااااااااااايد والبنت قالتلي انها بتفاتح امها قبل لايخطب بجم يوم انها تحب لها واحد حب شريف ومايشوفها الا من بعيد لي بعيد موسوالف هلايام المواعد والمصخره وانه بيخطب بعد جم يوم انا قتلها ان امها تقنع ابوها لما يخطبون انه ريال والنعم فيه اخلاق وتربيه ودين وان شاء الله الابو يوافق بس اهيا تبي نصايحكم تكفين يابنات لحد يبخل عليها انا قتلها البنات ماراح يقصرون معاج
والسالفه الثانيه شلون راح تواجه عمامها وخوالها لانها بتكون اول وحده تتزوج بعمر صغير 18 سنه الكل يتزوج بعد مايتخرجون من الجامعه ويشتغلون وهم شنو بيقولون عنها ان اول واحد خطبها على طول وافقت واتعرفون لازم يكون فيه ناس متخلفين بالعايله اعوذ بالله
يلا يابنات عطوني نصايحكم ونبي منكم الدعوه الحلوه ان ربي يجمعهم ويسهل امورهم ويلين راس ابوها وجزاكم الله خير
و انشالله الله يسهل عليهم و يوفقهم
انا بالنسبه لي هالشي يختلف من عايله ليه عايله اهيا تعرف اهلها وطريقتهم .. امها اكيد من النوع اللي يتفهم ؟؟؟؟ لان وايد امهات متعلمات ومثقفات بس بهالموضوع يقفلون @@
ما انصحها تقول حق امها ان يشوفها مهما كان هذي ام ما ترضه على بنتها … امممم والله محتاره مادري شقولج
بس مشكلتها الثانيه هينه عادي العمر ماله شغل السالفه سالفه نصييب واذا امها وابوها مقتنعين 100% محد له شغل
والله يوفقها ..
تتوكل على ربها وتصفي النية والولد أصله زين وماظن الأب يرفض ما الولد بالنهاية أصيل…وتتصدق بنية تمام هالموضوع دايم لو بمبلغ صغير وربج هو الي يسهلها
بس شدعوه على الباجي
(( تكفون يابنات البنت طالبتكم بردو قلبها اختي قبل لاتفاتح امها بالسالفه حتى لو كانت متفتحه تستخير ماادري انا عندي تتركها لرب العالمين
اختي انا اعرف وحده فاتح امها وكانت متخرجه من الجامعه وامها متفتحه وبدل ماامها توقف معاها عارضت وبقوه لأنها بس سمعت احبه
اختي انا بقولك نصيحه وقولي لها
خليها تقيم الليل وتدعي لرب العالمين انه يسخرها لها ويسخر لها من اهلها اللي يوقف معاها
خليهم يتقدمون بدون لاتكلم امها
واذا خطبوها خليها تستخير وبعدها تقول لأمها انا استخرت وارتحت له وانتوا اسألوا عنه
وخليها تجيها من منطق الدين احسن
وحتى لو ماصار نصيب خليه يخطبها مره ثانيهاذا صج يبغيها
انا اعرف وحده زوجها خطبها مرتين ووافقوا اهلها المره الثانيه سبحان الله
الله يوفقها ويسخر لها اللي فيه خير وصلاح
بس اختي لاتتسرع وتفاتح امها صدقيني مهما كان الاهل مايحبون يسمعون بنتهم انا احب واحد
اذا للولد أخت تحاول يتقربون لبعض ويتواصلون في البيوت كل وحده تزور الثانيه
وبجذيه يكون فيه رابط غير انها تقول لامها أو غيرها
بمعنى كلامي (لازم تكون فيه بنيه تربط بينهم بعيد عن الحب وغيره ويكون طلب الزواج منها )
وبالنسبه لمشكلتها الثانيه هذي اشياء مو مهمه الزواج مو مرتبط بعمر أو غيره هذي قسمه ونصيب
للرفع يابناااااااااات وين الباجي
وخليها تحاول تفاتح امها قبل الخطبه علشان تمهد لابوها
والله يوفقها
والله لترووح رقبتها وهي ما خلصت السالفه
لا تقولين لي متفتحين ولا متعلمين هالسوالف خط أحمر
خل يخطب دايركت واهي بعيده عن الموضوع والي الله كاتبه بيصير
بعدين بتكلم معاج بدون مجامله وياليت تتقبليني
أهي المفرووض تتوب لربها قبل كل شي لأنا كلنا مسلمين ونعرف أنه ما يجوز المره تكلم رجال اجنبي
وهالشي اتوقع انه بعيد كل البعد عن العادات والتقاليد لأنه تعاليم ديـــــــــــــن ..
وتنوي نيه صافيه انها تبطل هالسوالف وتقول للمحروس انها معاد انها مكلمته واذا يبيها ويحبها يخطبها من أهلها
طبعا بعد التوبه والاستغار ربج ما رحييييم وغفوور وكريم مراح يرد عبده أذا دعاه
وصدقيني بهالحاله هذي بس راح تتسهل امورها .
انها تفاتح امها وامها بجهتها تقنع ابوها
واهم شي انها تدعي ربها انه يكون نصيبها والله يكتب لها اللي فيه الخير يارب
بس ناحية تفكيرها بالعايله وشنو راح يفكرون خل تشيله من بالها اهم شي امها وابوها والباجي عجبهم اوكي ماعجبهم
احلى سيفوووووووووون