اختي بيزورهم المراقب ويبون أفكار تساعدينها ؟

حبيبتي

الانجليزي عندهم مجال وايد واقل شي يسوون كلمة من سطرين ثلاث ترحيب بالمراقب

ولا يترجمون قصيدة عن العلم مثلا ولا الوطن ويحفظونها لبنت شاطرة تلقيها جدامه

وممكن يسوون مطويات منوعة حكم كلمات اي شي

ممكن يسوون بطاقات يعني نفس كروت يوزعونها على الزوار كاهداء من القسم

ممكن يدربون بنتين على حوار هادف يخص المادة او قراءة صحيحة على الاقل

ولا يسوون مواقف يتكلمون عنها البنات انها رايت اور رونج ويصلحون الغلط

والله ودي افيدكم لكن انا متوسط ومااعرف الابتدائي شلون نظامهم؟؟؟؟

اذا بيحضر الطابور

يحييون العلم بالانجليزي…وممكن الطابور يكون كله بالانجليزي اذا فقرته كانت اول شي

ومثل ماقالت زيتونه يوزعون بروشورات يسوون مسابقات امثال بالانجليزي

هذا اللي في بالي الحين

اول شي مشكوريين على الردود قريتها عليها ..

فدييتج يازيتونه انتي وهداوي .. بعد عمري والله

اتقول ناظرتهم تبونهم يدفعون مبلغ .. تبيهم يسوون شي يعني مكلف

مثل اللي فرشوا المقصف ورسموا عالطوف وجذي

ورسموا الحيه والسلم والحجله على الارض وجذي

تقول ناظرتهم اليوم فهمتهم انه تبي شي حق المدرسه اول شي بعدين باسم القسم
على قولتها ..

ياحب ادارات المدارس حق الفلوس

الله يعينا ….لا ومحسودين على المعاش …..!!!!

اي شايفه هداوي :/

آنا مستغربة من ناظرتهم لول غصب تبيهم يدفعون

واللي ما تدفع تطنقر عليها

اختي نجمه انا اسوي عروض بور بوينت اذا تحبين اسوي حق اختج و سعري مناسب و اسويه بوقت مناسب بعد
فكري و راسليني

مو شي عاد تعالو دفعو غصب .. !!

المدرسه اساسا يديده .. يعني المراقب اكيد مو متوقع انها تكون حالها حال
المدارس اللي صار لها سنين ..

ممكن يحطون كراسي طويله ملونه عند المقصف .. او بمكان تجمع التلاميذ في الفرصة
نفس ملوت المقاهي الشعبيه الخشب … و تكون مصبوغه بالوان زاهيه و مكتوب عليها مثلا احرف انجليزيه او ارقام ..

مجسم ترحيبي عند الاداره … ولد ماسك لافته مكتوب عليها اهلاا بكم في مدرسة ….

بس ما فهمت يعني اهم داومو فيها الحين ولا بعد ؟؟