اختكم الجديده ام عبدالله تبي نصايحكم

السلام عليكم ورحمة الله وبركاته

مساكم الله بالخير ياخواتي الطيبات وانا اتشرف اني اشاركم في هالمنتدى الحلو والمفيد انا توني جديده

في هالمنتدى وهذا اول موضوع اكتبه ومابيكم تبخلون علي بالرد والموضوع من عنوانه انا حامل حاليا بالشهر

الاول بعد مده طويله ادعولي ان ربي يثبته وابي نصايحكم من خبرتكم في الحمال اول شي شتحسين بعد

ماتدرين انج حامل شنو يعورج في جسمج شنو الاشياء الغريبه اللي تحسين فيها هل حتى بعد التحليل

تحسين بالام الدوره او ظهرج يعورج يعني من هالكلام تكفووووووون لاتبخلون علي بالرد ابي اسشتاراتكم

ونصايحكم من هالوجيه الطيبه

سلااااااااااام

اول شي مبروك الحمال والله يجعلة من الذرية الصالحة انشاء الله

ثانيا راح تحسين باعراض الدورة كل شهر على وقت نزولها كأنها بتنزل

ومغص ببطنج

تحسين بلوعة خصوصا الصبح

وراح تتغير نفسيتج حيل شوفي عاد شنو تمسك علية

وديري بالج لاتقعدين تناقزين او تركضين او تشيلين شي ثقيل

وابعدي عن اي دوا الا اللي يوصفة الطبيب لج خصوصا المضادات الحيوية

والله يثبتلج حملج انشاء الله

الله يتمم عليج و يثبت حملج يارب

عوار الدوره كنت احس فيه تقريباً كل شهر و خاصةً وقت الدوره اللي المفروض اتييلي ،، والنسات تطول معاج لي الرابع وفي حريم لي التاسع وانتي ان شاءالله ماتطول معاج ،، بس اي شي تحسينه غريب عليج سألي اي دكتور لانه راح يفيدج اكثر..

وان شاءالله اكون فدتج في شي

الله يتمم عليج انشالله ويرزقج بالذريه الصالحه انشالله

شي طبيعي انج تحسين في الم بظهرج وبطنج وسدرج

والنفسيه الله يعينج عليها انشالله ماتكونين نفسي انا حاشني اكتئاب مو طبيعي الله لايبليج

الامواج الله يبارك فيج يالطيبه وتسلمين عالمعلومات لانج صج افدتيني عسى الله يهون علينا كلنا ويثبت حملنا ياااااارب

دلوشه تسلمين علافاده الله يوفقج يااارب والله يتتمه علينا قولي امين ويبلغنا بشوفة عيالنا صاحين وطيبين ومكتملييين

يارب الله لايحرمنا من هذاك اليوم

انا بسميج مدام يوسف مراح اقول مسزز مدام احلىىى خخخخخخ واسم الله عليح وماتشوفين شر عسى ربي ياجرج

ان شالله حنا وياج ياكريم وتسلمون لي كلكم ويعطيكم العافية لانكم افدتوني وريحتوني عسى الله يطمن قلوووبكم

يااااااااااارب

اللهم اني استودعتك جنيني سبحانك لا اله الا انت انك لاتضيع وداااااعئك

الف مبروووك حبيبتي وانشالله الله يثبته

انا لمن كنت ببداية حملي احس بعووار اسفل الظهر والبطن مثل عوار الدوره يعني لاتحاتين

واهم شي لاتشيلين شي ثقيل ولاتعبين رووحج وخففي من الجماع

ولاتاكلين اي دوا الا باستشارة دكتور الحواامل والاناناس والدارسين والخروع ممنوووع

والله يثبته انشالله

أول شي ألف ألف ألف مبروك والله يثبته انشالله ويسهل عليج يارب وثانيا حياج الله دائما اما بالنسبة حق موضوعج فهو يختلف من شخص إلى اخر يعني من وحدة لي وحدة يعني في حريم ماشاء الله تبارك الرحمن مايحسون بشي كلللش سهاله لا نساة ولا ثقل ولاعوار حتى الولادة سهالات وفي حريم لا نساة دوخة ولوعة نفسية زفت وتكرمين ترجيع(زي حالاتي) وتتفخ وتنفخ وعوار ظهر وعسارة النوم والنفسية يعني لا تحكمين على عمرج من الكلام اللي تسمعينه ولحد يخرعج ويقولج ويع وويع بالعكس في حريم ماشاء الله يقولون نستمتع بالحمل وهذا رزق من الرحمن وحتى التعب بأجره وكل شي يهون لا شفتي ضناج بحضنج باجر ولميتيه وحبيتيه وشميتيه فنصيحة والله انا مرات وايد أكره نفسي واييني ابليس واقول ياربي شسويت بعمري ومالي خلق وشلون بربي وشلون بولد و…هذي مداخل الشيطان بس اتعوذ من ابليس هذي نعمة ورزق من الله وايد يتمنونها استمتعي بكل لحظه فيها ترى الامومة شي عظيم وهبه من الخالق الرحمن عسا الله يسهل علينا كلنا ويرزقنا بالذرية الصالحة يارب واكرر الف مبروك

الله يثبت حملج يارب ويفرح قلبج فيييييييييييييييييييييييه

ام نورا الله يبارك فيج ياعمري ولا توصين حريص الله وكيلج من ساعه ماحللت وانا بس امشي على اطراف اصابعي

من الحرص الزايد بعد ماصدقت على الله ليش اغااامر هههههههههههه

سماسم هلا ولله فيج الله يبارك في عمرج يالحبيبه فعلا وانتي صاجه وحده عن وحده تختلف وان شالله الله يسهل علينا

يارب تسلميييين عالتصايح

لولو الله يبارك فيج بالغاليه واللهم امين الله يسمع ويتقبل منج ياااارب

تسلمووووون لي كلكم الله يخليكم لي يااااااارب

اللهم اني استودعتك جنيني سبحانك لا اله الا انت انك لاتضيع وداعئك

الف مبروك ام عبدالله واللله يثبت لج حملج

الله يبارك فيج ياكتكوته الله يجزاج خييير ياااااااارب مااااقصرتي ولله

الف مبروووك حبيبتي والله يتمم عليج ويرزقج الذرية الصالة يارب .. والبنات وفوا وكفوا يعطيهم العافية بنات منتداي

الف مبروووك حبيبتي والله يتمم عليج ويرزقج الذرية الصالة يارب .. والبنات وفوا وكفوا يعطيهم العافية بنات منتداي

الله يحفظة لج

الله يرزج الولد الصالح يارب ويثبت لج حملج ويجعله هين عليج لا تعب ولا عوار اللهم ىمين انا مثلج بالشهر الاول واحس بثقل فى بطنى جنى بالثامن والله مفتشله احس اللى يشوفنى يقول شهالعياره بس والله احس بطنى مشدوود وثقيل بس عسى الله يهون الامور