احساسي بالفشل ملازمني شلون اتغلب عليه

الي صار
اني لما تزوجت وشفت زوجي قبل الملجه ماعجبني ولا ارتحتله بس غصبت نفسي لان كان همي اني اطلع من البيت وبس تزوجته وانا 19 وهو 35
طبعا قبل مانملج صار سوء تفاهم بينه وبين امي واختلفوا على شي من بعدها امي حقدت عليه واهو حس بهالشي
هالشخص ماكان قد المسؤولية وكان يشتغل بالاسم بس يعني ينزله معاش من دوامه من غير مايداوم
بس ياكل ويسهر وينام ويروح الدوانيه ماعنده هدف بحياته بس نفس الوقت ماانكر ان فبداية زواجنا كان مدلعني ويحبني
مر اول شهر من زواجنا ورحنا شهر العسل بجيت مابي اروح معاه اول يوم من ملجنا حسيت اني اكره هالشخص مو بس ماحبه لا اكرهه كان يعاملني احسن معامله اول ماتزوجنا مدلعني ومدللني بس انا من غير سبب ازفه وماقوله كلام حلو وكنت امنعه من حقه مر الشهر الثاني نفس الشي
بس هني بدت المشاكل
انا بديت افكر بالطلاق بتسالوني ليش مادري بس ماحبيت هالانسان شلون اعيش مع انسان ماحبه ولا احب شكله و تفكيره غير تفكيري الطلاق كنت افكر فيه عقب اسبوعين من زواجنا وقلت حق اهلي وابوي اول مره بحياتي يمد ايده علي طقني قالي توج متزوجه تبين الطلاق لا تييبين طاري الطلاق على لسانج
بعد ماردينا من شهر العسل مصممه عالطلاق الي بدون سبب الا سبب تافه بالنسبه لكم بس سبب كبير بالنسبه لي بنات انا ماحبيت شكله بتقولولي مو عالشكل
ادري بس انا قلبي ماحب شكل هالانسان
الشكل كان مأثر على حياتي وايد اهو مو جيكر لا مقبول بس انا مو متقبلته
نرجع لموضوعنا
بعد ماردينا من شهر العسل باسبوعين حملت وضاق خلقي حتى فكرت اكثر من مره اني انزله
وللحين ابي اوصل للطلاق بس شلون؟ قمت باليوم الواحد ادق فوق العشر مرات غير المسجات الي ادزها حق امي اشتكيلها واقولها انا مابيه بتطلق
مرات بسبب تافه اشتكيلها ومرات بدون سبب بس جذي
ومرت الايام وانا كل يوم اشتكي لاهلي عنه وعلاقتي معاه كانت مو زينه ماكنت اعامله زين ولا اعطيه حقه الا بالغصب
لحد ماوصلت السالفه ان امي وابوي كانوا ينادونه بيتنا او يجون عندنا الشقه وكانوا يكلمونه ويقولوله ليش تسوي جذي وعقبها تقلب هوشه كل واحد فينا يصرخ على الثاني اهو يصرخ على امي وابوي يصرخ عليه وانا اصرخ عليه
واطلع ارجع مع اهلي البيت واخليه ايام
اذكر مره ناديت امي وابوي عندنا عشلان يتفاهمون وياه وتهاوشوا ورديت معاهم البيت دق على 1 او 2 مارديت دزلي مسج قالي ماقدر انام اليوم وانتي مو يمي
بعدها يا ياخذني من بيت اهلي ورديت معاه
بنات انا ادري ومتأكده ان كان يحبني بس مادري ليش صار جذي
بعد تقريبا 3 شهور من زواجنا كنا قاعدين جان يقولي بدون مقدمه انا راح اغير معاملتي قتله ليش قالي بس خلاص احسن
عقبها تغير بشكل كبير قام ما يجيني نفس اول واذا رحت بيت اهلي اغيب بالايام مايدري عني ولا يسال الا نادرا وقام يحب يسوي نفسه الريال بكل شي
مره رحنا المستشفى وكانت رقبتي شوي طالعه ولا يزفني جدام الناس زفني حسيت ان الارض انشقت وبلعتني
تغير وايد قام مايقولي كلام نفس اول وكله يفكر بالفلوس كله عباله اني طمعانه فيه وابيه فلوس دايما عباله ان اهلي يبون فلوسه وايد متعقد من هالسالفه
ونسيت اقولكم ان مايشرب مني شي يعني اذا بييبله عصير لازم يكون يديد ومسكر ما احطه بقلاص والماي نفس الشي اذا شرب بطل ماي وراح شوي الحمام لما يرجع مايشرب من نفس البطل يقطه بالزباله ونفس الشي بيت اهلي لما نقدمله شي مايشرب
مرت الشهور وكنت اعاني من الحمل واللوعه وللحين على نفس المشاكل وعلاقتنا صارت شبه منقطعه انا بوادي وهو بوادي طبعا انا كنت للحين طالبه في المعهد
فتحت معاه مضووع الطلاق فتله ابي ننفصل بعد ما اولد قالي والطفل شراح تقوليله وين بابا ؟ وقالي شرايج ننفصل جم شهر بس يعني مانطلق عشان تفكرين عدل قتله لا انا فكرت عدل وقررت
بعد الولادة وانا بالنفاس اتخذت قراري وابوي قاله يطلق مارضى يقول يصير خير
اخر شي اتصل على ابوي وقاله انا موافق على الطلاق بس اهي الي تروح تسوي خلع وتتنازل عن نفقة المتعه والزوجيه لان هي الي طالبه الطلاق مو انا (مو قتلكم يفكر بس بالفلوس)
ورحت المحكمه وخلعته ولما اتفقنا على نفقة ولدي قال حق الريال انا مستقيل من وظيفتي وكانت درجه عاشره
ماتصدقون يا بنات ان من اول ماطلعت من باب المحكمه شعور الندم بدا رجعت البيت ابجي بجي لدرجه اني شكيت حق الخدامه قالتلي ميخالف انتي بيبي موجود كلو ماكو مشكل

وبعد الطلاق بسنه اتصلت عليه ودزيتله مسج اني ام فلان مارد عليه قتله كل شي ابيه بالمسجات وترجيته قتله سامحني ابيك
مارد علي
طبعا اهلي مايدرون
بس بعد مااتصلت بشهرين امي من وراي كانت داقه على امه وقالتله علشان هالطفل نبي نجمعهم مع بعض امي قالت انا اكلمه وبعدها ماردت علينا ولا ردت لنا خبر
ومره ابوي دق عليه قاله نبي خدامه حق الولد رفض وقال انتوا مسؤولين عنه
بنات انا تعبت طول فتره طلاقي نفسيتي تعبت حيل حتى ولدي ولا مره عطيته حنان لاني تعبانه يوم واحد عندي فرح الباجي كله زعل وهواش مع امي
مشكلتي تزوجت وانا مو فاهمه شنو يعني الزواج واهم مشكله فيني لازم اقولها لكم اني ماعندي شخصيه يعني كنت اروح عند اهلي يسالوني وين زوجج اقولهم رايح الدوانيه امي تقولي ياغبيه ليش تخلينه دقي عليه زفيه خليه يرجع اسمع كلامها واسوي الي تقوله
بعدين لما اروح حق زوجي يقولي لا تخلين احد ياثر عليج واسمع كلامه وارجع حق امي تقولي كلام ماعرف شنو انا ابي
كله عايشه حق الي حوالي ماعندي كلمه غير ان اخوي الشكاك مد ايده علي ووانا حامل بالثامن وكل مايي ازورهم يمر يمي ويعلق على زوجي ويتطنز نفسيتي تعبت
نرجع حق الموضوع
صليت حق ربي ودعيت ان ربي يعوضني ويرزقني
انا من بعد طلاقي محد تقدملي رسمي يعني كله بالتفون بس يا احنا مايعجبونا او اهمه مايردون يدقون علينا
قبل شهر تقدملي واحد وشافني وشفته ورضى اخذ ولدي معاي بس فيه مشكله اهي احساسي بالفشل
من بعد طلاقي وانا احس اني فاشله بكل شي اكون ابجي واصلي وابي اتزوج بس من اسمع وحده دقت على امي تقولها عني اتراجع واحس اني فاشله ماقدر اتزوج انا فاشله احس جني مريضه وبرجع
الريال الي تقدملي نفس الشي حسيت مع ان كان لا باس فيه بس هالاحساس ماقدرت اتغلب عليه
فكرت عدل بس تفكيري غلط فكرت مثل زواجي الاول غصبت نفسي عالموافقه علشان اطلع من البيت ووافقت
بعدين فيه شي كان مضايقني
طليقي كنت افكر فيه
ابي اعرف اهو يبيني ؟
ادري واضح ان مايبيني وبايعني بعد بس بتاكد بسمعه
قلت حق ابوي يدق عليه
دق عليه ابوي وقاله ترا فلانه تقدملها شخص … قاله طليقي انا مافكر بالزواج الحين والله يهني الجميع ابوي قاله مع السلامه
دق طليقي بعد دقيقه سال ابوي منو الشخص الي متقدملها ابوي قاله مالك شغل قاله طليقي علشان بعرف ولدي بيعيش عند شخص غريب ابوي قاله مالك شغل وسكر
بعدها شوي ارتحت وقلت خلاص هذا الي كان مبين بس كنت بتاكد وابري ذمتي
بهليوم مانمت كلش افكر بالريال الي متقدملي والي عطينا خبر اني موافقه وانا اصلا للحين متردده صليت استخاره على الساعه 3 وصليت الفير
بس للحين مانمت
الصبح امي نادتني قالتلي بنكلمج انا وابوج
قالولي القرار لج بس احنا بنعلمج شنو بيصير
انتي للحين تدرسين(انا للحين ادرس لاني وقفت دراستي سنه ونص ورديت الحين اكمل)
قالولي انتي للحين تدرسين وولدج صغير عمره سنتين وشهرين وبتتزوجين زواج يديد تقدرين ؟
والله يعلم الريال شيسوي بولدج واكيد يظل على كلمته ان يبيه معاج ولا بعدين يغيرها
فكرت اكثر واكثر تعبت من الضغط الي علي قلت حق ابوي اني مو موافقه عالزواج قال للريال
مر اليوم ونمت شبه مرتاحه قعدت الصبح لقيت طليقي دازلي مسج من الفير
ماصدقت لدرجه اني قريته عشرين مره واتاكد من الرقم
كاتب: الصبح بكلم ابوج واذا تبين تكلميني دقي
حسيت للحين فيه غرور
الصبح دق على ابوي وقاله ان يبيني وبيفتح صفحه يديده وقال حق ابوي ان يبي يكلمني
ابوي رجع من دوامه وقالي كلميه تفاهمي وياه
كلمته وصارلي سنتين وشهرين مو سامعه صوته
اول احساس حسيته (للحين مااحبك واحساسي مو راضي يتغير)
تكلمنا وتفاهمنا وقتله ليش قبل دقيت عليك شكثر مارضيت ترد ماعطاني جواب قالي الحين بفتح صفحه يديده
وقالي بجي اشوف ولدي وجا شاف ولده ويابله هديه شاف ولده بعد سنتين وشهرين وولدي مارضى يروحله وخاف منه لانه مايعرفه
تمينا 3 ايام نتكلم ونتفق على الشقه وكل شي
اهو من انفصلنا مستقيل من دوامه وعايش على فلوس ابوه اكل وشرب ونايم فبيت اهله فمصاريفه مو وايد
قالي اول ماابوج دق علي وانا افكر وقلت بتوظف انشالله عشان افتح بيت
واختلفنا على الشقه اهو يقول مايقدر الا على شقه غرفتين انا ابي 3 اوسع واحسن قالي اذا تبين 3 غرف اسكنج عند بيت اهلي ولا تنطرين لين تتخرجين وتتوظفين تحطين معاشج على معاشي
انا انصدمت
خلاصه الكلام يا بنات هالريال ماحبيته ولا عمري راح احبه وحسيت ان نيته مو زينه مادري ليش
امي تقولي راح يقزرها على معاشج وراح يطلع فلوس المهر من معاشج ويمكن يتزوج عليج عشان يتليعن
حسيت ان بعض طبايعه ماتغيرت اهو نفسه الانسان الي ماعنده احساس وبليد وبارد
لما جاه البيت مره ثانيه يتفاهم مع ابوي طليقي قاله وصل هالكلمه حق فلانه: انا الريال والكلمه الاولى والاخيره لي مو لها وهالزواج مو مثل الزواج الاول
قلت حق ابوي يقوله اني مابيه وعطاه خبر وانتهى الموضوع من بعدها مادق علي
انا امشي على احساسي وانا احساسي يقولي ان طليقي مايبيني من قلب يبيني لان عرف ان انا حاطه فبالي مساله الزواج وممكن اتزوج غيره.. فيبي يرجعني ويحطني على ذمته بس علشان لا اتزوج
مشكلته الي حاولت اغيرها بس ماقدرت اهي الراس اليابس

محتاره شسوي
عندي ثلاث حلول
-اصبر على ظلم اهلي وامي وانطر اخلص دراستي وولدي شوي يكبر يمكن الله يعوضني
-اتصل عليه واقوله ابيك هروبا من ظلم امي

اهلي يحبون ولدي بس فيه مشكله اهمه مو قادرين يستوعبونها
امي من كثر ماهي عصبيه ماتتعامل مع الخدم الا بالطق القوي
خدمنا عايشين بتعذيب نفسي وجسدي من وانا بالثانوية وانا اشوف امي دايما تطق الخدم وتاذيهم تعودت بس ولدي قاعد يشوف اشياء ويسمع اصوات مايصير يشوفها
انا من المعهد لي البيت نادر ماطلع سوق او مطعم
ودي اسافر بسبب الخدم وظلم امي انا اعاني
ممنوع اسافر لان اذا سافرت الخدم بيكونون بروحهم بالبيت محد يراقبهم
احنا الخدامات مايقعدون عندنا الا شهرين ثلاث ويمشون او ينحاشون
كل مانييب وحده انا وظيفتي اعلمها كل شي
واذا الخادمه سوت غلطه يا ويلي انا وياها
لان هذا معناته اني ماعلمتها عدل
انا مادري شنو ابي يا بنات
لما امي تعاملني زين احس اني مابي طليقي ولما تعاملني بقساوه وتدعي علي وتسبني (طبعا هذا باغلب الاوقات) احس اني ابي طليقي مو عشان احبه لا انا ماحبه بس احس اهو المهرب لي
اابوي وامي مودايمين لي مابي اقعد مع اخواني مابي انظلم زيادة
مرات اقول اني موقد الزواج وانا مو قوية وشخصيتي ضعيفه شلون بتزوج

تعبانه
تعبانه