|
|
اشلونكم حبيبتي انشالله بخير
بنات احذركم من عين الناس القريب قبل البعيد فوالله العين حق وسمعو سالفتي.
انا الحمدلله يبت عيالي 3 ورى بعض حمال بطن اول ما تزوجت قعدت 8 اشهر ما حملت وكل الناس يسألون اشفيها وحملت ولما ولدت بنتي بعد4اشهر حملت ببنتي الثانية لان ريلي ما رضى بمانع
اول بشر ريلي ابوة وانا لما بشرت حماتي قالت اي ابوي قالي الصبح وبصراحة جني بحلم شلون بسرعة جذي جني اول وحدة تحمل ورى بعض وبعدها ما شفت الخير بحمالتي نزلت المشيمة والياهل طلع صغير لما ولدتة وبالمستشفى تقولي حماتي تطنزت عليج وابتليت قلت ليش قالت انا حامل الحين وولدها كان 4 اشهر .
وبالثالث كل مايشوفوني يسألوني ها حامل ها حامل مادري شفيهم وحملت بولدي بعد 4 اشهر وحمواتي يقطون علي نغزات جن انا اللي ابي مو اخوهم مادري اشفيهم وتعبت بولادتة وايد وقررت اوقف شوي لحد عالاقل ما يكمل ولدي سنة وسويت مناعة طبيعية وانا قلتلهم اكل مانع هذا مع اني مو عايشة معاهم بالبيت.وحتى القراب يقولولي انتي ما تعدين شهر3لازم ولادتج شهر 3ووحدة يايبة 4 عيال ورى بعض كلهم شهر 4 ولما درت اني حامل بالثالث تقول صج مايمديج.
ومن شهر 1 واحنا نحاول وقطعنا المناعة والله ما كتب وفوق هذا دورتي صارت متخربطة.
صج تعبت وايد الناس اشعليهم من الوحدة دام العيال عيالها ليش يطالعونها ما يطالعون نفسهم ليش يحسدون حرام عليهم كل الناس تحمل وتولد فليش يطالعون غيرهم .دام انا وريلي نبي اشعليهم الناس.
والله نفسيتي تعبانة مادري اشصاير فيني انصدمت من الناس وافعالهم الله يسامحهم.
شاركوني بكلامكم الله يجزاكم خير الحموات مثل الخوات إو لا؟ لو طيبة معاج طيب تستاهل تعاملينها مثل اختج؟
والمفروض انه الحموات مثل الخوات و المصيبه انه العيال من اخوهم من الغريب ….
الله يوخر عين الحساء عليج حياتي و الله يعينج ….
والله من الضيقة اللي فيني كتبت الموضوع عساني ارتاح معاكم
فانتم فيكم الراحة
الله يعينج ويبعد عنج كل شر يارب
وبعدين الاخت اخت!
والحمى حمى!
اكيد لاتعاملينهم بالمثل لاتساوين اختج بحماتج
فاللهيجزاج خيير غيري الشعر ..وشكرا
وبعدين الحمل ورا بعض هذا اكبر سبب للتعب والنفسيه المدهوره يعنى لا تفكريين بالعين يمكن اللى متعبج انج مو قاعده تريحيين فهذا كله يلعب بهرموناتج
والله يرزقج انشاءالله ومثل ما يقولون الرازق بالسما والحاسد بالارض
سبق وشفت لج استفسار بقسم الولادة عن هالموضوع
توج تاركة المانع
لا تحاتين
خلج صبورة
وكثري الاستغفار
وانا معاج ان بعض التعليقات تجرح وتجبر الانسان يخاف منها
بس لا تبالغين بخوفج من العين
وعليج بالمعوذات اقريها على بطنج
وان شاء الله تبشرينا بحمالج عن قريب
وواسيد اهني عضوات بالمنتدى حموات وانا منهم انا حماه ومتزوجه وعندي حموات
فيه حموات ينحطون على الجرح يبرى وفيه منهم البعد عنهم غنيمه والله يكفيج شر العين