|
|
مرحبا بنات شلونكم ؟؟
انا مو اول مره اعرض لكم مشكلتي بس وربي حتى الصبر مل مني بس خلاص لكل شي حدود انا بقولكم قصتي كلها واتمنى منكم تسمعوني انا متزوجه وعندي طفلين والثالث بالطريق تزوجت وانا صغيره انا عمري الحين20 مشكلتي من تزوجت وانا ماعرف اي شي عن الزواج ولاحتى عن الحياة الزوجيه وشلون اتعامل معا الزووج وشنو اسوي ولاشنو اقول طبعا كنت جدا هاديه وطبعي خجوله حيييل معا الناس فمابالكم معى الزووج امي ماعلمتني اي شي ولاقالت لي اي شي بحجه انها مستحيه المهم زوجي كبير وفاهم من بدايه زواجي بدا يمشي اوامره علي وانا كنت ارضى لاني استحي اقول رااي اوحتى ارفض طلبه لبسني عبايه راس وقلت عادي مشى لي بالشهر 50 دينار اصرف منهم على كل شي رصيد وملابس واغراض مدرسه ومصروف لاني مازلت طالبه السنه هادي خلصت ثانويه والحين محدد لي حتى التخصصات الي ادخلها ومانع علي تخصصات بحجه انه عيب ويغار علي يخوني واجد ويحلف واهو نصاب عاادي عنده مو مشكله ثقته فيني معدومه لانه عباله كل الحريم نفس الي يعرفهم اهوا الاب بالمووت بطلعه الرووح رضى يجيبه لي يعني يتحكم فيني لابعد الحدود وهالشي بسبتي لاني من البدايه ماحطيت له حدود وكل شي يقوله مطاع ومااكسر له كلمه لاني كنت استحي منه حيل اهو صقار يعني داايم يقنص ودايم برى البيت مااشوفه الا لابغى ينام وان جيت اسولف معاه يقولي ابي انام يعني اشكره يصرفني اهو تزوجني عن حب طبعا اهو يحبني ولا انا مادري عنه اهو يقرب لي المهم طلعات انسى اني اطلع برى البيت وان طلعني لازم يكون متضايق ومنفس ولازم يكون وراه شغل يعني خلصي بسرعه واصلن طلعاتي معاه تنعد على الاصابع الحين بدا موسم القنص وبدت معاناتي معاه كله طالع ماينشاف وطبعه من زماان ناشف مايصير يحليله الالبغى شغلته الي تعرفونها ؟؟؟ وهالشي يضايقني يحسسني انه متزوجني حق هالشي وبس طبعا الحين كسرت حاجز الحيى وبديت اقوله ان هالشي مايعجبني وعمك اصمخ ولاكانه يسمع شي اقوله المصروف مايكفيني ماقدر ازور العالم ماعندي شي البسه اقوله عيالك محتاجين يبون وعادي بس يقولي انا من وين لي طيب ومعاشك وين يرووح ؟؟ يبقى ساكت انا تعبت صارلي يمكن شهرين ماطلعت من البيت ونفسيتي خلااص تعبت وانا تعبت منه زهقته مرات احس اني اكرهه والله اكرهه على الي يسويه فيني بديت الحين اهمله يعني مااسوي له اي شي وكله اتهرب منه واسوي روحي نايمه مالي خلق اتهاوش معاه وحالتي صايره تكسر الخاطر حتى الطبيب يقولي انا اخبر الحامل يزيد وزنها ماينقص بس شسوي والله من القهر الي فيني يبي عيال واهوموقد المسؤليه انا مفكره ارووح لاهلي وكيفه ياما يتعدل ياما خلاص مو عيشه الي انا عايشتها الحمدالله انا حلوه وصغيره موشينه وللحين الناس تسولف فيني وبزيني يعني ماينقصني شي عن البنات مادري شسوي فيه تعبت تعبت تعبت واسفه على الاطاله بس وربي من حر مافيني ولابعد للحين من امس عقب الفطور للحين ماجاء حظرته معى ربعه
موفقه
بس انا مستغربة من شي!!! اذا زوجج مو زين ومنتي مرتاحة معاه ليش حملتي؟؟؟
الحين برقبتج 3.. الله يخليهم لج .. حاولي عشانهم تصبرين وان شاء الله باجر تتخرجين وتشتغلين وتروح المشاكل المادية
تبقى المشاكل العاطفية.. انا من رايي تعرضون مشكلتكم على استشاري بس بالاول لازم زوجج يكون مقتنع انكم تواجهون مشاكل ولازم تنحل
انتي لاتكونين كله نكديه ومتضايقه بالعكس كله اضحكي وفرفشي لانه اهوا شكيتيله ولا لا نفـس الشي
وانشالله جم سنه وتشتغلين ويصير معاشج بإيدج بس هاا لاتصرفين انتي على البيت اصرفي على نفسج بس ..,
ولما يرجع البيت البسي واكشخي وخليج دايم بشوش تلقينه يلزق بالبيت تقولين له اطلع تكفى 
وترا اغلب الرياييل نفس زوجج
مووفقه
خيانتة لج بروحها مصيييييييييييييييييبة
ربي يهدية ويفتح على قلبة بالخوف منة
الله يعينج ياقلبي ،، مابي غاغثج زياده ،، بس كلمي امج ولا ابوج و يمكن يساعدونج بالمصروف ،،
و ان شاء الله تتخرجين و تشتغلين ،، بس شكلكم بدو لانج متزوجه حيل صغيره يعني الحين ٣ عيال وانتي عمرج ٢٠ سنه !!
ماشاء الله .. حملتي متي؟ وعرستي متى؟
يمكن لانج حامل الحين تعبانه .. ويمكن لانه دوم يشوفج حامل و مو متكشخه
انا اقول هاليومين قولي لامج ولا ابوج عن السالفه .. و قولي له انا قلت لهم انك ماتصرف علي ولا على عيالي ،، وقولي له اذا خنت بكلمهم بعد
هدديه باهلج يخاف ،،
و غيري ستايلج و غيري لوكج خل يركض وراج واذا عندج خوات تلابسي وياهم ،، وقولي له هاي مال خواتي لان انا ماعندي ( بس خوفي يتعود)
و خلي الثلاجه فاضيه و المصروف بس صرفيه على نفسج وييبي له الفواتير خل يحس !!
و قوي شخصيتج وطنشي وو بيركض وراج ولا تسوين نفسج تعبانه منه ،، طلعي لا هو بالبيت و خلي عيالج عنده ،،قولي له معزومه عند صديقاتي ورويه ان عندج اشيا مهمه اكثر منه
وتفطري ببيت اهلج و خله يحس على دمه ،، و اذا راح القنص لا تدقين وثقلي
والله يوفقج
|
المشاركة الأصلية كتبت بواسطة شواخي
 شلون ماتحبينه وحملتي
الله يعينج ياقلبي ،، مابي غاغثج زياده ،، بس كلمي امج ولا ابوج و يمكن يساعدونج بالمصروف ،، و ان شاء الله تتخرجين و تشتغلين ،، بس شكلكم بدو ماشاء الله .. حملتي متي؟ وعرستي متى؟ يمكن لانج حامل الحين تعبانه .. ويمكن لانه دوم يشوفج حامل و مو متكشخه انا اقول هاليومين قولي لامج ولا ابوج عن السالفه .. و قولي له انا قلت لهم انك ماتصرف علي ولا على عيالي ،، وقولي له اذا خنت بكلمهم بعد هدديه باهلج يخاف ،، و غيري ستايلج و غيري لوكج خل يركض وراج واذا عندج خوات تلابسي وياهم ،، وقولي له هاي مال خواتي لان انا ماعندي ( بس خوفي يتعود) و خلي الثلاجه فاضيه و المصروف بس صرفيه على نفسج وييبي له الفواتير خل يحس !! و قوي شخصيتج وطنشي وو بيركض وراج ولا تسوين نفسج تعبانه منه ،، طلعي لا هو بالبيت و خلي عيالج عنده ،،قولي له معزومه عند صديقاتي ورويه ان عندج اشيا مهمه اكثر منه وتفطري ببيت اهلج و خله يحس على دمه ،، و اذا راح القنص لا تدقين وثقلي والله يوفقج |
صاااااااااااااااااجة
بس ماقووول يالله يامسخر القلووب سخر لج زوجج ويارب يامؤلف القلووب يألف بينكم
تقبلي مروري
بس انا زوجي يصرف ممو مقصر بس اثياء ثانيه مخربه عليه والله يعين ويحفظهم ويبعدهم عن الحرام وكثري من الاستغفار
الله يوفقكم ويسخر لكم ازواجكم ويخليهم لكم ولاهم ان الله يسنعهم ويكفون شرهم عننا والي ماتزوجت عسى الله يرزقها بالرجال الصالح معى اني متاكده ان مافي رجال صالح بهالاياام بس يمكن يطلع تاكدي خطاء مشكورين وبجد ماقصرتوا والله حسيت براحه كبيره لما قلت له عن كل الي بقلبي وكاعاده اهو الي زعل ههههههه طلع مره ثانيه وماوراني وجهه للحين يعني زعلان والله شر البليه مايضحك يسوي الغلط ويزعل بعد والله احسه معقد دايم كل ماشووف ليله عيد اخو لولوه عبدالكريم ابو الحمام يطري في بالي زوجي لاحول الله