اتفظلين استقبال المستشفي ولا بعد الاربعين

مرحبا بنات حبيت اسال شنو اتفضلون استقبال المستشفي ولا استقبال بعد الاربعين ولا مالا داعي اي استقبال ناطره ردودكم

أهليين اختي..لا أكيد الاستقبال له داعي تفرحين بنفسج وتفرحين معارفج..
آنا وجهة نظري أعتقد وايد راح يخالفوني عليها وهي إني ضد استقبال المستشفى..لأنه الوالدة توها طالعة من ولادة وهي شي مو سهل وينها وين الاستقبال..
وهم أحس إن هذي اللحظات – في المستشفى – لحظات عائلية حميمة بين الوالدة وريلها وأهلها القراب .. حرام ينمنعون بالساعات عنها وعن الياهل..

ودكتورتي بعد تعارض تقول آنا أحارب الاستقبالات مالت المستشفى لأن الوالدة مناعتها ضعيفة وتحتاج تتحرك وكل ساع تروح -وانتوا بكرامة -الحمام ..وأغلب الوالدات اييهم التهاب بالبول بسبب انها ماتروح الحمام عشان الاستقبال

والله يااختي حنا عندنا طوووووول الاربعين وبعضهم اليوم اربعينج ويجون عادي يعني هلاك..

انا اقول بالمستشفى ابرك بس لا تبالغين ..كلها يومين وتخلص..