ابي مسااعدتكم ضروووري خاصه بنات الحقوق

السلام عليكم بنات …
انا طالبه في كلية علوم بيولوجيه دفعة 2099 يعني صارلي سنتين
و قررت اني احول حقوق بس خايفه من وايد اشياء واول شي ان راح يضيع من عمري سنتيتن وخايفه من نظام الحقوق او اني ما اقدر عليها ابي نصيحتكم عفيه لا تبخلون علي

وعليكم السلام
انا اقول استخيري احسن =)
وانشالله بنات الحقوق يفيدونج بنظام دراستهم أكثر
وموفقه

حياتي الحقوق وايد حلووو وسهل
لانه راح تدرسين فيه قانون من حياتنا ونطبقه في محاكمنا
بالعكس وايد حلووو هالتخصص,,,

واذا انتي عندج قدره و اراده توكلي على الله

ربي يوفقج

مشكورين بنات ما قصرتو وانشاءالله الله يوس الي فيه الخير

نظام الحقوق سنوي، و نهاية السنة الامتحانات تكون نظام كنترول، يعني مافي تكلمين دكتور عشان يعدل الدرجة النهائية لأن الموضوع خارج نطاق سيطرته، غير جذي تدرسين أكثر من 800 صفحة لكل مادة، الدراسة مو سهله أبداً بس إذا تحبين تدرسين و حابة المواد كل شي يمر على خير

شوفي انا نفس دفعتج بس حولت و خلصت

انج تظيعين سنتين احسن من ما تكملين طول حياتج بخصص ما تبينه مو ؟! فكري حق بعدين انتي شنو تبين ؟!

هل مستعده تكملين بتخصصج و تشتغلين بوظايفه ؟؟ اذا اي كملي بتخصصج

اذا لأ حولي قبل ما يفوت الفوت

و دراسة الحقوق يبيلها دراسة هذا اللي اقدر اقوله موو لعب تدرسين بتصير دراستج سهالات بتلعبين ما راح تمشين

و الله يووفقج عندج وقت لي شهر 8 سوي اللي مقتنعه فيه و ترى في بنات من دفعة 2024 توه اول سنة لهم بالحقوق توهم محولين عادي الدنيا سهالات شوراج

مشكوورين يا بنات وما قصرتو بس عندي أسأله يعني اوكي مستعده ادرس بس هل الامتحانات تيي نفس الي درسته ولا فيها لف ودور؟ و عادي اكتب من فهمي ولا لازم الاجابه النموذجيه من الكتاب ؟ وهل الدراسه كلها تعتمد على الحفظ ولا الفهم والحفظ ؟