يابنات انا اول مرة ادخل هل منتدى الي اكثر من رائع بس بقولكم قصتي وابي ردكم السريع عليه لان مافي مجال اول شي انا تزوجت من 5 سنين واول 7 شهور زواج رحت وعالجت عند الدكتورة فوزية وعطتني الابر وحملت في بنتي نور عيوني ولي هذا يومكم ماعندي عيال بنتي عمرها 4 ونص في هل فترة رحت حق الدكتورة خالدة مجيبل وعالجت عندهاخلت بويضاتي 27 حجمهم بغيت اموت وصار حمل بس ماضل اسبوع ونزل ورحت عقب مرة ثانية حق الدكتورة فوزية بس مو عندها لا عند ريم الي بعيادتها نفس الشي خلت حجم البويضة 25 و27 صار تضخم عندي ماقدرت اسوي اشي من العوار حتى الناس حسبالهم حامل بالتاسع وحملت بس هم ماضل اسبوعين وطرحت وضليت فترة عقب وهم رحت حق فوزية بس الله ماكتب الحمال ونفس الشي يخلون البويضة 27 او 25 مايصير شلون بحمل انا يوم في بنت حجم البويضة 19 وحملت ليش مادري جذي يسون والحين قبل شهرين رحت عند الدكتورة ماجدة كميخ يقولون زينة بس كان زوجي مسافر قالتلي ليمن يرد تعالي عشان نبدي علاج ولمن رد سافرت اهيا طبعن انا فيني تكيس بالميض وتاخر الدورة جان انزل الدورة بالحبوب عشان ابدي علاج وتخيلو يابنات ياتني يوم واحد ونقطعت ليش ليش وهم رحت حق فوزية دخلت عليها جان تقوليلي لازم نسويلج تثقيب مبيض وبعدين تلقيح صناعي قتلها مابي تثقيب مبيض طبعن انا ماعندي 500 دينار حق التثقيب هذا غير التلقيح والابر قتلها ابي بس تلقيح قالتلي كيفج بس انا ماراح اكون موجودة حق التلقيح عند نهلة وشيماء او وحدة باكستانية انتو شرايكم بنات انا محتارة اي وحدة زينة منهم
والله ما عندي فكره ان شالله البنات يفيدونج وياااااارب يرزقج بتوم عاجل غير اجل برحمتك يا ارحم الراحمين
ما انصحج تكملين عندها ماديه وله جان ما طلبت منج شي مو ضروري
تثقيب المبيض ولا تثقيب التكيس؟؟
روحي لدكتور سنع وخليج عنده راجعي باستمرار لا تصيرين كل يوم عند احد والله يلعبون فيج
انتي نفس حالتي انا بنتي عمرها 4 سنين وللحين ما حملت
الله يرزقنا اجمعيــــــــــــــــن
الله يرزقج الذرية الصالحه
ان شاءالله البنات يفيدونج
الدكتوره فوزيه شاطره ماعليج صج ماديه بس شغلها احسن من غيرها عن تجربه بالتلقيح الصناعي انا سويت عند شيماء اللي عندها وحملت من اول تلقيح بس الله ماكتبلي يتم حملي بسبب دفاشتي الصراحه والحمدلله على كل حال بس كنت قبلها مجربه التلقيح بدار الشفا بس مونفس مستوى فوزيه صدقيني دكتوره شيماء شاطره وكافي النفسيه الزينه وايدها خفيفه ولسانها عسل الله يكتبلج الحمل بايدها وتفرحين وادعيلي ان الله يرزقني هالشهر يارب
بعد قلبي ماقصرتو على ردودكم السريعة بس شقول اذا فات الفوت ماينفع الصوت خلاص انا اليوم رحت حق دكتورة عند فوزية اهيا باكستانية يقولون استشارية نفس فوزية ولله اخلاقها زينة بس كل بالانجليزي وانا الصراحة موهل كثر بس اطقطق في احد سامع عن هل دكتورة ارجو انكم تفيدوني لان السكرتيرة نوف قالتلي ان شيما ونهلة اخصائين بس الباكستانية استشارية ولله مادري احترت
فوزيه لا ماديه ولا شي بالعكس اسعارها حالها حال العيادات الثانيه و وايد زينه وانتي حملتي عندها اول مره جربي بعد عالجي عندها مره ثانيه
واذا الباكستانيه استشاريه خليج عندها اكيد زينه دام انها عند فوزيه وبالتوفيق حبيبتي والله يرزقج ابتوأم.
والله ما ادري من وين قاعدين يطلعون بهالأسماء هذي تثقيب مبيض واشعة صبغية
اييييييييه الله الرازق
الله كريم
ليش كل يوم تروحين عند دكتور
دام حملتي عند دكتورة فوزيه اول مره كملي علاجج الحين عندها ويارب تتسهل أمورج والله يرزقج كل خير
والله لايقوووول ماتم حاولي بعد مره ,, وعقبها غيري عند دكتور ثاني
انا انصحج خلج ع دكتورة فوزية بصراحه مافي احسن منها واهم شي انها فاهمة وترا حتى اللي معاها شاطرين بس انا انصحج روحي حق شيماء بصراحه وعن تجربه حيل زينه..والله يوفقج
تهقون اضل عند فوزية بس انا من اشوف مكتوب على اسم شيماء ونهلة ولباكستانية بس نساء وولادة اخاف اقول يمكن ماعندهم خبرة غير الي يكتبولج استشاري امراض نساء ولادة وعقم وطفل انابيب تحسين خبرة بس انا بسمع كلامكم وظل عندها وماقصرتو بعد قلبي
والله مادري استخيري ………. اذا هممتي بامر فاستخيري وربي يشوف الخير لج
اخر اخباري بصراحة قعدت افكر مابي اروح عند الي يشتغلون عندها خفت ماعندهم خبرة جان اروح حق ماجدة كميخ وبديت علاج ماعها حتى كنت خايفة ماتستقبلني لأني بادية علاج مع غيرها بس تهبل اخلاقها تينن وحبوبة وايد ارتحتلها