ابي رايكم منو الاحسن الخاص او الحكومة .؟

السلام عليكم

خواتي حبيباتي …

ابي رايكم وتجاربكم منو الاحسن لعمل عملية اللوز واللحمية والماي بالإذن تنصحوني الخاص او الحكومة ….؟

عندي ولدي عمرة 4 ووايد احاتية وزوجي يبي يسوي العملية بالحكومة وانا بالخاص ….

ويقنعني انه زينين وشايفلي دكاترة خرجيين كندا وشطار ….

بس ياربي انا احاتي ….!

عطوني تجاربكم اللي سوي العملية حق عيالة وطمنوووو قلبي ….

الله يجزاكم خير …

تحياتي لكم …

بنت اخوي مسويتها بالهادي وماشاء الله حيل سهله وارشح لج الخاص افنع من الحكومه

مشكوووورة ياقلبي وانا بعد ودي بالخاص وانشاء الله اشوف التجارب واتشجع والله كريم …

وينكم يابنات شدعوووووووووووة ابي تجاربكم حبايبي ….

خـــــــــــــــــــاصـــــــــــــــــــ

لا تروحين حكومه يلعوزين ولدج
(حط فلوسك بالشمس وإفعد بالظلال)

الخاص طبعا

الحكومه

والله انا سويت حق
حسون ولدي
بمستشفى زين
ماشالله لا اله الا الله
كاهو اشزينه
سويتله اللوز واللحميه وسحب ماي من ورا الاذن
والحمد لله رب العالمين

الف الحمد لله والشكر لله الله يعطيكم العافية ومشكورين على الرد …

الف الحمد لله سوتها حق وليدي واللهم لك الحمد كثيرا …

عبد الله العلي وانتي مغمضه
والله محد عرف ولدي اشفيه الا اهو كافي انه دول بره يقولولنا عندكم عبدالله العلي ويايين لنا تعالجون عندنا

ماادرى ولله كل مكان فى الزين وفى الشين بس انا اختار خااص لراحتى النفسية بس مااحب انطر مواعيد وعبالة ولامعاملة موزينة من احد
ولدى سويتلة بالهادى الحمدلله كل شى من بعد رب العالمين مشى تمام

الحمدلله على سلامته بس ما قلتي لنا وين سويتيها ؟؟

سويت حق ولدى 3 سنين
عند عبداللة العلى سواها لة بالهادى العام والحمداللة حالتة الحين وايد احسن
كل رفيجاتى بالدوام سووا حق عيالهم عندة وشجعونى

مستشفى زيين

متخصص حق الانف والاذن والجنجرة ولله دكاترتهم واااااايد زينيين

انا سويتها لبنتى عمرها 9 سنوات بمستشفى زين على فكره مستشفى زين تخصصى انف واذن وحنجره
والله مشالله ما اخذت عندهم الا عشر دقايق بسرعه خلصت..حتى شكيت انهم سولها العمليه ..
وهم بنت اختى توها مسويه عندهم قبل اسبوع عمر بنتها 3 سنوات والحمد لله مافيها الا العافيه..
على فكره عملية بنتى وعملية بنت اختى كلهم لوز ولحميه..

كلنا سويناها بالحكومه وشزينهم
لانها عمليه سهله وبسيطه
بس ماقلتيلنا وين سويتيها