|
شلونكم بنات ,, انا بدش بالموضوع سيده :
اكتب لكم الموضوع وانا بحالة اكتئاب وخوف كبيير انه زواجي ينهدم ,, ريلي يحبني وايد ويقدرني وايد ويحترمني ولا يحب يزعلني ,, وانا احبه وكنت اغار عليه بحدود المعقول ,, لكن غيرتي تطورت وزادت عن حدها لدرجة انه بدى يصير بعلاقتنا فتور مو طبيعي من بعد الهواش والنجره ,, كله مني
انا الحين عرفت شقاعده اسوي وندمت وايد وابي اتلاحق على عمري لا ايي اليوم اللي ما راح يستحملني وقررت اسيطر على تصرفاتي وغيرتي وافكر بايجابيه
بنات اهو عرف شكثر انا اغار عليه بينون ,, وما يدري اني بتغير الحين وبكون طبيعيه معاه,, واكيد يخش عني امور عشان يدري اني اتضايق واعصب واقلبها نجره ,, وانا مابيه يخش عني شي !!!! انا مرته انا حبيبته ابيه يقولي كل شي حتى لو اني اغاار راح امسك عمري وانا متاكده
(((( اقوله من باجر ابيك تقولي كل شي وما تخش عني اي شي وانا اوعدك اني بتغير ؟؟؟ ))) او ((( اتصرف معاه بشكل طبيعي واهو يلاحظ التغيير بنفسه و يتقولي كل شي من نفسه )))
اخاف اقوله قولي كل شي ما راح يصدق اني تغيرت واخاف ما اقوله وبتظل فكرة غيرتي اباله طول الوقت وحتى لو اتغير هم يخاف وعلى بو انه يحترم مشاعري ما يقولي
ساعدووووني يا بنات انا نفسيتي وايد تعبانه نصحووني بللي تشوفووونه
(((( اقوله من باجر ابيك تقولي كل شي وما تخش عني اي شي وانا اوعدك اني بتغير ؟؟؟ ))) او ((( اتصرف معاه بشكل طبيعي واهو يلاحظ التغيير بنفسه و يتقولي كل شي من نفسه )))
كل ريال غير عن الثاني بس اتوقع ان الثاني احسن تغيري بدون لاتكلمينه
و
آب
ياقلبي انتي اوعديه انج بتتغيرين عشان يلاحظ, يمكن الريال ما يلاحظ من نفسه, عطيه فكره انج خلاص ماراح تغارين الغيره الي يكرها, راح تغارين عليه بحدود المعقول
والله لو توم كروز
حبيبتي خفي شوي غيره ماتسوا عليج تنحشين الريال ..
انا اقول خلي هالفتره جنه مو موجود جنه في احد خذا قلبج وغيرتج خليه اهوا الي يسال ويركض وراج
حلات المرا تكون واثقه من نفسسسسها مو بكل سالفه غارت وسوت سالفه
ترا الرياييل مايحبون الي تغار بهباله لا يبا ماقلنا شي غيري عللى ريلج بس مو تسوين له تحقيق جذي تبطلين عينه انج ماعندج ثقه بنفسج وان في بنات احلى منج خايفه لايبوقونه منج وخايفه لايسوي شي غلط ..
وعسسى الله يوفقج ويسخر ريلج لج
والله يوفقج ويسخره لج
خليه اهو يلاحظ التغير بنفسه
وانتي خفي عليه ولا ترى بيطير منج ومن تصرفاتج
وترى الغيره والهواش ماراح تجيب نتيجه فمالها داعي الغيره ومسكي نفسج ,,
وبعدين الرجال اذا شافج تغارين بيحس انه مافيج ثقه بنفسج طنشي وخليج واثقه ,,
خليج هاديه ولو جاب طاري بنت او صار موقف مع بنت ضحكي وعلقي عالموضوع بثقه ,,
من تصرفاتج هذي راآح يقولج كل شي أخذيهاآ مني آنا مجربه ياقلبي ,,
موفقه ,,
واهو راح يحس ويرد يسولف من نفسه
ونصيحتي فعلا مسكي نفسج لانه لو قلبتي الوضع وصرتي مكانه يمكن تكرهينه
والغيره الزايده تزهق سواء المرا او الريال
وبعض الريايل يحبون المرا الثقيله الواثقه من نفسها خليه اهوا اللي يركض وراج
انتي تغيري عليه بالاول وغيري من اطباعج واذا تناقشتي معاه بهالموضوع
قوليله انا تغيرت عشانك لاني احبك وما ابي افقدك
اهني اهوا راح يثق فيج ويسولفلج كل شي
اذا كلمتيه بيلاحظ ويقارن وعيوونه بتكوون اربع اربع …
تغيري اولا شي لج انتي …
خلي ثقتج بنفسج كبيرة …
الله يوفقج ويسخر ويهدي زوجج لج يارب …
حبيبتي تغيري بدون لاتكلمينه …
اذا كلمتيه بيلاحظ ويقارن وعيوونه بتكوون اربع اربع … تغيري اولا شي لج انتي … خلي ثقتج بنفسج كبيرة … الله يوفقج ويسخر ويهدي زوجج لج يارب … |
أنا بعد نفس رايج
خلج طبيعية حسسيه بحبج وغيرتج بطريقة ثانية غير الشك خليه يرتاح لما يسولفلج ترى لي تميتي جذي ما راح يقولج شي صدقيني
الله يهدي سركم ووفق بينكم يارب