هلا بنات شلونكم
بنات عندي كذا قطوه ومو قادره اوفي مصاريفها خاصتا علي اللتر مالهم التراب مالهم والاكل غالي فاذا تعرفون احد يبيع ارخص الله يعلفيكم شكرا
ااااااااااااااااااااب
دشيت حسبالي فيه شي رخيص بستفيد
الله يعين خصوصا التراب مايقعد ومو رخيص
انا اشتري ترابهم من المحلات اللي عند سوق الحمام مادري عاد اذا في ارخص
ياليت اللي تعرف اتفيدنا
مشكلة التراب الرخيص يسوي ريحه زفره و ما يتكور و الاكل الرخيص مو مغذي يطيح شعر القطوه
انتي كم قطوه عندج ?
لوجين شلونج؟ ————– لوجين تعرفين دكتور بيطري يجي البيت؟وشاطر؟ — تعرفين مكان يحلق رخيص؟ وجم مره اطعمين قطاوتج؟ وووين اطعمينهم؟
وااااي فيديني لولو حدي ضايعه
اهلين غزلان انا تمام انتي شلونج
بالنسبة حق البيطري اللي يجي للبيت جنه في موضوع مثبت حق طبيب كويتي يجي للبيت بس انا ما جربته شوفيه بالمواضيع المثبته
اما مكان يحلق و رخيص والله ما عندي فكره انا كنت احلق قطاوتي بالبيت بس انتي ليش بتحلقين قطوتج شعرها وايد معقد ؟
اذا معقد ممكن اعلمج طريقه تفككين كل خصل الشعر بدون حاجه للمقص أو الحلاقه
اما التطعيم اذا مو غلطانه اظن انهم ثلاث تطعيمات ياخذها القطو بعدين كل سنه ياخذ تطعيم واحد اتمنى البنات يصححون لي لأن قطاوتي كلهم كبار ^^
حبيبتي في بمركز سلطان تراب اسمه تومس ووايد زين كلش ما يطلع ريحه تقريبا سعره 3 ونص والجيس كبير يكفي حق شهر و الاكل بجبد تلقينه ارخص يعني العلب فرسكس 24 حبه ب6 وص و البسكوت ب5 ويكفي شهر حق القطوة هذا غير دياي البيت لان هالاكل مو وايد زين يعني تقريبا بالشهر تقطين 14 زين جربي
جبد وين الله يعافيج انا عندي 3 قظاوه بس عاد شقتي صغيره والريحه وايد صايره واذا التراب الاصفر اخذ من الجمعيات ومن مركز سلطان
جبد صوب الجمعيه في محلات بيع اكل مال الحيوانا تلقين عندهم والرمل من مركز سلطان لونه نفس لون الرمل العادي
اذا على الريحه لازم تخلين التراب قريب من الشباك و تخلين الشباك مفتوح مثل شباك المطبخ و حطي لهم صندوقين تراب احسن
انا مرتاحه وايد على تراب سكوب اواي لان ريحته صابون تايد و فيه ماده الكربون تمنع الروايح و التراب يتكور بسرعه فيحبس الريحه
الفريسكس زين بس عيبه يفوح روايح خموره قويه فبطلت استخدمه فاحسن لج وقفيه و مشيهم عل رويال كانون ينباع بتروفاليو و بت زون و ايس هاردوير شوي غالي بس يسوا مافيه ريحه و يمتن القطاوه و يطلع شعورهم
و لازم تنظفين التراب يوميا و احسن طريقه لتعطير المكان بشكل سريع عندج الفواحه معطره الجو اللي يشتغل بالكهربا و تطلع بخار انا اصب فيها ماي و كومفورت يسوي ريحه تجنن و هل جهاز موجود بسنتر بوينت
مرات يبيعون اكل القطط بالجمعية بس مو اي جمعية انا مرة شفت بجمعية الحرس الوطني ترى ماتلقين الاكل بالفروع بالنسبة للتراب وللة ماعندي فكرة
ويـاج حق الصـراحه لان الرمـل تقريبـا كل يوميـن لازم يتبدبل
انا استخدم نوع اسمه Tidy Cats اللون الازرق افضل من الاحمر ينباع بمركز سلطـان الـي عند صناعيـه السيـارات
في منه كيس وفي جلن بصراحه الجلن سعره غالي ويكفي تقريبا 3 ايام او 4 , وبالنسبـه للأكل ويسـكاس بس مو المعلبـات الاكياس 13 حبه بـ دينـارين ونص تقريبـا لان سعر الحبه 240 فلس وانا عندي اكثر من قطوه وصغار ويلعبون وايد ويحتاجون ياكلون وايد والدراي فود ويسكاس سعره 900 فلس وكل الاغراض هذه متوفره بمركز سلطان واسعارها مناسبه تكفي شهر علي حسب الكميـه الي بتاخذينهـا
بالتوفيـق ..
سلام – انا عندي 4 قطط يستعملوا ليتر بوكس واحد – استعملت كل انواع الرمل التي بمركز سلطان وارتحت على نوع توماس لكن النوع الذي يتكتل (Clumping) لكنه غالي – فوجدت نوع ثاني عند سوق الحمام لا اعرف العنوان بالضبط لكن عندي اسم وتلفون صاحب المحل – الرمل اسمه PURA لونه ابيض وعليه رسمة قط اسود سعر الكيس اللي 10 كيلو دينارين وسبعمائة وخمسين فلس – بينما توماس من سلطان ال 5 كيلو بدينارين وكلاهما نفس الشيء لان الرمل الذي يتكتل انظف بكتير من الرمل العادي لانه مكان الخروج يعمل كرة يتشال مع الرمل المتسخ فقط وليس له لزوم ان تغيروا التراب كل يومين انا اغيره كل اسبوع او عشرة ايام لكن ازيد التراب كل يومين لانه يبقى نظيف لان المتسخ يتشال مع خروج القطط – وانصح كل مربي القطط باستعماله لانه لا يقل جودة عن توماس من مركز سلطان ولا يعمل رائحة ابدا – ونصيحة اخرى اذا تريدي التخلص من الرائحة بشكل نهائي ضعي مع الرمل بايكربونات الصودا تقضي نهائي على الروائح وغير مضرة ابدا عملت عليها بحث بكل المواقع الاجنبية لاتاكد انها غير مضرة للقطط – ارجو ان اكون افدتكم واذا اردتم اسم الشخص الذي اشتري الرمل منه هو سهيل ورقمه 99335880
طيب عطيهم من اكل البيت دجاج مسلوق او خضار مسلوقه شوفي قوقل يفيدج
اما التراب اخذي بي جمله ارخص من سوق حمام
