ابي النصيحه

السلم عليكم يا بنات
ابي اخذ رايكم بموضوع
اذا تهجم عليج واحد بسكينه حاده و حاول يلمس مفاتنج و بعد ما رفعتي عليه قضيه اهله حاولو يقنعونج تتنازلين
توافقين و لا لا امس صارت معاي الصبح و انا باجر بسوي عمليه و خايفه و محتاره نصحوني تكفووون

السلام عليكم

أختي الغالية

الحمدلله أن ربي سلمج وما قدر يهتك عرضج >> وحسبي الله ونعم الوكيل حتى برمضان شرهم فيهم

ونصيحتي سوي اللي أنتي تشوفينه صح واللي يمليه عليه ضميرج .

لا حول ولا قوه الا بالله العلي العظيم

مدري شأفول لج بس الله سلمج والحمد الله
سوي الشئ اللي مقتنعه فيه 100% واخذي فتره بالتفكير واذا ببتتنازلين خليهم ينقعون جم يوم بتوتر عشان يعرفون بنات الناس مو لعبه

والله يستر على الجميع

لا حول و لا قوة إلا بالله
هاذي جريمة الشروع في هتك عرض و تهديد بالقتل برفعة السكين
و أعتقد ما يسويها إلا واحد مولي و بيكررها
التسامح حرام مع ها النوعيات
هذيله مكانهم خلف القضبان و لازم يبعدون عن المجتمع
الحمد لله على سلامتك

بنات انا عمليتي بعد شوي الساعه 8 و نص و لحين مادري اتنازل ولا شسوي وايد محتاره ما عندي وقت للتفكير وما بقى احد من اهله كلمني يقولي هذا طايش

مادري شقولج حبيبتي الموضوع يخرع ياريت لو تذكرين تفاصيل اكثر عشان تكون عبرة وعشان البنات يخاذون حذرهم بعد إذنج طبعا

السلام عليكم

أختي الغالية الحين فكري بنفسج وأهتمي بصحتج وأن شاء الله ربي ييسر العملية وتقومين بالسلامة

وبعدها يحلها ألف حلال >> وفكري بالموضوع بعد عمليتج ولا تشلين هم لأنج ما ظلمتي أحد

وأن شاء الله لما تقومين بالسلامة ناقشي الموضوع مرة ثانية

وبرأيي أن قررت تتنازلين لازم يكتب تعهد بعدم التعرض لج أو لغيرج وألا راح يواجه أشد العقوبات وأن قررت أنه يأخذ جزاءه فهو يستاهل ما يجرى له لأنه أشهر سلاح وحاول هتك عرض وهذا في الدين والقانون يحتاج قصاص وأن قررت تعفين عنه أن شاء الله ربي يكتب لج الأجر العظيم لقوله تعالى ( والكاظمين الغيظ والعافين عن الناس والله يحب المحسنين )

لو انا بموقفك وعندي عمليه وبشهر رمضان باتسامح عنه مو عشانه لا عشان اجعلها قربه الى الله وينجيني فيها بالدنيا والاخره وييسر فيها امر عمليتي وبنفس الوقت اهله يدعون لي واكسب الاجر الذي ذكرته الاخت اللي قبلي قال تعالى(والكاظمين الغيظ والعافين عن الناس والله يحب المحسنين ) اجر عظيم يااختي مايتفوت لكن بنفس الوقت احافظ على نفسي اني اخليه يكتب تعهد بعدم التعرض مره اخرى وتهددين بان لو صار شي مره ثانيه ماراح تتسامحين ابدا
انا كتبت لو انا بموقفك حتى اكون صادقه بالنصيحه لكن انتي فكري وقرري واستخيري والله يكتب لك الخيره من امرك

لاحول ولا قوة الا بالله وحسبي الله عليه مالج شغل باحد شوفي انتي شنو تبين مقتنعه بشنو ؟؟؟ توكلي على الله بس انا برايي انج ماتتنازلين عشان كل واحد ياخذ جزاته والحمدلله الله سلمج

طبعا لاء شكو تتنازلين!!!!!
حبيبتي اذا تنازلتي عن حقج معناه قاعده تتنازلين عن كرامتج
وبعدين مثل ما سوى فيج هالحركه راح يسوي مع غيرج!

وسلامتج ماتشوفين شر بس صج رفعتي ضغطي ليش ماكو كرامه!

انا اقول لا تتنازلين لان هالاشكال
ماتستاهل ان الواحد يتنازل عنهم
وعشان يحس بغلطه اللي سواها
والله يقومج بالسلامة يارب
واذا بتسامحين الله غفور رحيم لكن خل يكتب تعهد

100%

اذا بتسامحين مجرم احتمال يسوي مع غيرج بلوى وهو مكانه المفروض بالسجن ؟؟؟؟؟؟

انا براايي لا تتنازليييين خل ينسجن احسن لا يسوي شي ببنات الناااس ..!

والحمدالله ماسوى فيج شييي

والله يسهل عمليتج وتطلعين سالمه ..

بنات انا الحمدالله سويت العمليه و الولد طلعوه بكفاله 200 دينار وقالو القضيه كيديه و مافيها اي اثبات
حسبي الله و نعمة الوكيل فيهم ماكو عداله والله

لاحولولاقوة الا بالله الله ياخذ حقج حبيبتي