ابي العرايس اللي يكلمون ازواجهم ~!!

اقتباس:

المشاركة الأصلية كتبت بواسطة كرز حالي. اي يبا استااااااااااانسي العمر مره وحده خخخخخخ وديري بااااااالج تبينين حقه انج متضايقه ولزوووووووووم تتعلمين الطباخ اهني بالمنتدى وااااااايد اطباق حلوه كل اسبوع جربي شي بس لا تاكلين خففي حق العرس هههههههههه جربي بهلج بس وموقع فتافيت حلووووووو وايد fatafeat.com ومووووووفقه مره ثانيه

هلا حبيبتي

جزااااااج الله خير ياقلبوو والله كنت خاقه خخخخ

ماقصرتي بشوف هالاطباق ياغلاتي^_^

اقتباس:

المشاركة الأصلية كتبت بواسطة تبطي عظم! حبيبتي أنا اكلمه وهم نفسج لا اعرفه ولا شي شرايج طلب مني اسويله معكرونه بالباشميل هههه واوكله بيدي أنا استحيت ويوم أمي كلمت امه وبين السوالف قالت لها امي انه طلب مني معكرونه عاد خالتي قالت غريبه عاد مايحبها هههههه طلع يتغشمر معاي بس يبيني اسولف حبوبه سوفي ايجابياته والطبخ والاوامر شر لابد منه اهو الرجال وطبيعي يتأمر عليج ولا ليش هو الرجال…..؟! الله يوفقج يارب

دام مايحبه ليش يطلبها خخخخخخ يارب يكون يتغشمري زوجي لوووووووووووووول

يسلمووو فديتج

اقتباس:

المشاركة الأصلية كتبت بواسطة المـــــها حبيبتي عادي انتي راح تتعرفين على شخصيته من المكالمات يمكن الحين انتي خايفه لأن هذا شي طبيعي لأن أول مره بحياتج بس راح تشوفين حلاوة هالفترة و هالمكالمات خصوصا لما تكونين شطوره تعرفين تتصرفين و شلون تتكلمين و تتسولفين معاه بس نصيحه من إخت لإختها خليج على طبيعتج ولا تطبقين الكلام اللي تسمعينه من البنات انتي أدرى بطبيعة زوجج و شلون تعاملينه أهم شي خلي صوتج ناعم و هادي و إذا لا سمح الله بعد الشر يعني إياج و إياج ثم إياج تراددينه أو تعلين حسج عليه إذا صار في تتش الله يبعده عنكم هههههههههههه أدري قرقرت عليج بس و الله حابه افيدج و أي استفسار ما نقصر ياقلبي

جزاج الله خير وانتي الصاجه والله وانا الحمدلله على طبيعتي بث انعم صوتي لووووووووووووووول

ياحلو قرقتج فديتج^_^

اقتباس:

المشاركة الأصلية كتبت بواسطة So0oKaRa عادي كل الرياييل باول الايام جذي يتطلبون ويامرون بس بعدين عاااااااادي لا تحاتين حبيبتي ولما يطلب منج هالشغلات انتي اخذيها على ضحك وتغشمري معاه لا تصيرين جامده الله يوفقج

والله قالو لي تصدقين بس ماصدقت انا..قلت يمكن زوجي حمش خخخخخخخخ

يسلمو غلاتي…

اقتباس:

المشاركة الأصلية كتبت بواسطة مشتطـه ما احس ان السالفه تضيق الخلق اهو تلقينه ما صدق لقى احد يعطيه اوامره قوليله ما احب ريحة الطبخ وجذي لا يكون نظامه يبيج 24 ساعه بالمطيخ ولي صارت في المرا ريحه قال كلها طباخ ياكرههم مادري انا اتشقق لما اشوفه يدق ( ماشاءالله ) الحمدلله ياربي

يبيني اتعلم اخبز خبز صاج تخيلي؟؟هذا اللي مضيق خلقي

انا حتى امي ماتخبز بالبيت

شكله ابو بطين وتحكه بطنه واااااايد لوووووول

اقتباس:

المشاركة الأصلية كتبت بواسطة Amlly Ent عادي حبيبتي شي طبيعي هالشعور لانه انسان غريب عنج ,,, انا فبداية ملجتي كنت اتضايق لمن اشوف رقمه يدق علي بس الحين فديته الحمدلله تغير كل شي لانج ماتعرفينه ولا تعرفين طريقة تفكيره وسالفة الاوامر ترا في رياييل يعطون هالاوامر كإختبار للزوجه يعني بيشوفج تتحملين او لا ؟ بتسمعين كلامه او تعاندين ,,, ؟ عسى الله يوفقج و يوفق كل عرايسنا و انا بعد معاكم :$

اي والله مثلج انا الحين..اتضاايق صحيح..!!

ماقصرتي طمنتيني ربي يطمنج فديتج

اقتباس:

المشاركة الأصلية كتبت بواسطة bal8es خخخخخخ الله مو راضي ارد عليج من مسااع احاول اكتب مو راضي ما اقول الى الله يوفقج انشالله ويهدي سرج ويهديلج يااه انشالله انا مو زين اتحجى اول شي انا مو متزوجه وانا طبعي عنيده وما اتحمل هالحجي فبسكت احسن :d

هههههه شوفي حظي شلون لوووووووووووول يافديتج والله ردج كااااافي نور موضوعي يالغلا

اقتباس:

المشاركة الأصلية كتبت بواسطة قـہۈه فـرنسيـہ™ الله يووووفقج يا حلوووووه … أقووول استمتعي في هالفتره … ههههههههههه أنا من أول مكااااااالمه يتطنز علي يقوووول أول شي بشتريه غساله وأوتي …الله يعينج على الكووووووووي ههههههههههههههه عاادي بالعكس … اذا جاب طاري الطبخ عاادي قووولي أكيد بطبخ لأنه بيتج بعد … بس مو طووول اليوم بالمطبخ …هههههههههههه قولي له الله يعينك على طبخي بلوووووووع جبدك هههههههههههههههههه مثل ما لوع جبدج

هذا من الحين غساله خخخخخخخخخخ

اذا جاب طاري الطبخ بفجرها ههههههههههههه

بس بقوله بتعلم عادي محد طالع من بطن امه متعلم>>>خربتها

يسلموووووووو والله فديتكم^_^