ابي اعرف البيبي ببطني عايش والا لا ؟؟

صباح الخير بنات ..

انا من يومين كنت نايمه غلط ..
ملتوية يعني من خصري وفوق نايمه على بطني
ومن تحت على جنبي..

ونمت فتره طويله جذيه .. مو حاسه بنفسي
قعدت اصرخ من عوار ببطني
قلت يمكن من النساة وتعب الثلاث شهور الاولى..
بس من يومها قلبي ناغزني واقول لازم اتطمن على البيبي

بس انا دوامي ماعندي رصيد طبيات مظطره اداوم ..
طبعا اللي صار اليوم دشيت الحمام الصبح عادي
والا امسح بالكلينكس من تحت الاقيه صار بني غاااااااااااااااااااااااااااامج
يعني لون دم فاسد
تكرمون اطالع تحتي والا غرقانه من هاللون

طبعا ييت الدوام ماقدر استأذن لازم انطر لي عقب الدوام واروح افحص
خايفه وحاسه اني خسرت البيبي

اللي صارلها جذيه ترد علي..
بنات واللي سوت تنظيفات شلون وانتي بالبنج والا وانتي حاسه انا مالي خلق تعب
بروحي تعبانه من النساة

انا عندي ولد عمره سنة و 10 شهور وهذا حملي الثاني بالاسبوع السادس

ناطره ردودكم

وحامج وقف؟؟

حبيبتي يمكن حملج مهدد بالاجهاض .. لازم الحين تطلعين حتى لو يحسبونها لج غياب لانها حاله طارئه .. يوم ما راح يأثر عليج

اكيد الدكتور بيعطيج مثبتات و راحه تامه .. الحين الحين تطلعين لا تهتمين بالدوام و المرضيات اكيد الدكتور بيعطيج اجازه لا تفكرين

روحي و طمنينا عليج ..

ان شاء الله اطمنينه عليج وعلى البيبي
روحي الطبيب احسن اختي

ان شاء الله خير بس روحي الطبيب جيكي ضروري
والتنظيفات بنج كامل وما تحسين بشي بس ان شاء الله ما تحتاجين

بنات تهقون ؟؟ انا بنت عمي تقوللي الحين انه هذا من توسع الرحم عشان من فتره سنتين ما حملت

وحامي موجود وليلحين احس بلوعة جبد الصبح تتم معاي للظهر

بنات طمنوني
المشكله انا امس وايد كنت مضايقه
رفيج ريلي يتله بنيه اول بنوته مريضه بشريانيين بالقلب امس سوولها عملية قسطره
ومانجحت العملية وتوفت امس عمرها 7 ايام … ومن امس انا ابجي

والحين ريلي بالدفان

يمكن عشان زعلت امس وضايقت نفسي

حبيبتي بداايتي مثلج بالضبط وعوار بس انا اللي يهدييني عصبيتي كانت زايده واولها افراز بني نفس بداية الدورة وابد مااافي كل يوم يزيد اليوم ال3 سقطت بس انا اهملت وكل وحده من خواتي الكبار المتزوجات عاادي عادي لما سقطت الحريم مو مثل بعض
اقول خلي الدوام وعلا طول روحي الدكتورة وخل تعطيج مثبتات لاتهملين نفسج حراام وخير يعني ودوام
وطمنينا عنج
وبالتووفيق

خلي الدوام يولي وروحي المستشفى انتي واللي في بطنج اهم ياقلبي
وعسى ربي يثبته لج وتقر عينج بشوفته بين ايدينج

خلي الدوام وروحي الطبيب الله لا يضيع التعب

خلاص انشاءالله بطمن علي ..
بس انطر بس الساعه 11 انشاءالله عشان اقدر اطلع الحين ماقدر

المشكله اني تعديت طبياتي ورصيد اجازاتي… وحتى الاضطراريه
ولدي كان يتعب وادش معاه المستشفى

فرصيدي راح كله وملفي اسود

حبيبتي انا بالثالث صار معاي جذي
قعدت من النوم دشيت الحمام تكرمون ولا انصدم ينزل مني دم جان اقعد ابجي وادق على دكتوري قالي تعالي على طول كان الصبح الساعه 9 المهم رحت وانا ايدي على قلبي سوالي سونار شاف الامور كلها اوكي الحمدلله ومافي شيء يخوف ان شالله انتي بعد نفس الشيء ادعي ربج يحفظلج جنينج وربج ماراح يردج ان شالله

الله يطمن قلبج حبيبتي بس ديري بالج لا تنامين على بطنج موزين

اذا النساة متعبتج لي الحين يعني البيبي مافيه شي

يارب بنات الله يسمع منكم ..
بطمنكم بس ارجع انشاءالله

الله يطمن قلبج وييسر أمورج ان شاء الله