|
|
اولا انا سنتين ماحملت حملت. قبل شهرين. وطاح
المهم انا زوجي عسر معاي واذا طلبت منه شي قال لي باجر
بس تتصل امه او اخته قال يالله مشينا انا دايما مهضوم حقي
وبعد زوجي مقصر معاي بالفراش وبسرعه يتعب واذا انسدح نام بسرعه
واهوه نوعيه جسمه ضعيييييف حيل ومعدته فيها جرثومه وما اتحمل ريحه حلجه نهائيا
ولا يفرش اسنانه
اللي يقهرني ان خواته علاكيفهم متى ما طق في بالهم يجون بيت اهلهم يجون وانا اذا طلبت منه اني اروح لاختي نفاس ابي استقبل الحريم يقول لي شرايج تقعدين اسبوع هناك تخيلوا بس اقول له ودني حق بيت اختك ام فلان قال لي يالله تجهزي عشان نروح واذا طلبت اروح لاهلي لازم تحقيق ومايخليني علا كيفي
احس تعبت حييييييل واللي حارني حيل كذا وحده من جماعتنا توهم تزوجوا وثنتين حملوا احس تعبت من التفكير والعلاج والابر ابي اتطلق وارتاح فبيت اهلي ماادري محتاره مرات اقول انا انسانه ما استمتع معاه بالجماع نهائيا احسه شايب مقعد وخايفه اقول لهلي لانه خواني وابوي يحبون زوجي لانه طيب معاهم*
اكيد في جانب زين
والله مافي مثل الدعاء وقت السجود ادعي أنا يسخره لج ويعلق قلبه فيج
واستغفري وطلعي صدقات والله مافي شي بعيد
الله يعطيج بس انتي طلبيه
والله يسخره لج يارب
ماعليه سنتين لج مو وايد بعدج عروس …اما عن زوجج ياختي صارحيه وقوليله انا احبك واحب اني اكون معاك ووووو وتعرفين واذا قالج ما اقدر قوليله في علاج له سواءا بنظافتة بالجرثومة والجنس
والله يوفقكم ويسعدكم ,,, وكل شي بيديج…ساعديه ممكن محتاج مساعدتج اتنسينه طوايفه واتكونين انتي الكل في الكل
دعواتج لنا بالذرية الصالحة
ربي يسخرة لك يارب
تعوذي من ابليس و استغفري ربك…………..
شوفي ابي أعطيك حلول من عندي:
– قولي له : اشرايك ندق على طبيب الأسنان و ناخذ موعد حق تنظيف أسناننا، و اذا قال لك ليش نروح ؟ قولي له : مثل ما انت تبيني أكون لك حلوة و مرتبة حتى انا أبيك تكون حلو جدامي و هالشيء مو بس على شاني ، همن عشان لما نقعد مع الناس و نتكلم معاهم ما يتضايقون أو ينفرون !!!!! ……… و حاولي قبل المعاشرة انك تاكلين علك جدامه و تعطينه واحد عشان ياكله ، و اذا قال لك ليش معطتني علك؟ قولي له : ريحة هالعلك تعجبني عشان لما أبوسك أتشوق لك.!!!!!!!
( حبيبتي ترى وايد رياييل فيهم ريحة بالفم و حريمهم مستحملينهم شسوون؟؟)
– و مادام إنك حملتي يعني الحمدلله فيكم عيال ، فليش تطلبين الطلاق…؟ صبري و ادعي ربك و تصدقي و اقري سورة البقرة و تابعي مع الطبيب لما تحملين ان شاءالله.
– و سالفة روحة بيت أهلك ، قولي له: هذي صلة رحم و هذا واجب علي إني أزورهم و أساعد أختي بالاستقبال ، لأني اذا جابلتهم و قمت فيهم ، راح يجابلوني و يردون لي الجميل وقت الحاجة لما أحمل و أولد…… و لما أروح لهم راح انت تكبر بعينهم لأنك تخليني أواصلهم.
ادعي الله يهديه.
يعني أذا طلقتي راح تكون حياتك أسعد مستحيل
كل مشكلة ألها حل (المشكلة التي ليس لها حل يعني ماهي مشكلة )
غيري معاملتك شوفي شو بيحب مهما كان هذا زوجك بس الله يرزقك الذرية بتتغير كل حياتك
الصبري أن الله مع الصابرين
تحملي
مافي شي كبير
الله يسخره لج حبيبتي
والله يهدي سركم ان شاء الله ويسخركم لبعض وجميع المسلمين والمسلمات
لو مهما يفرشون ماتروح الريحه
بس اللي تعلمته من زواجي الريال اللي ما فيه خير لي ما منه فايده وهذي عشرت عمر والله كريم
اختي انا اقول جربوا التلقيح بعد مره واذا الله ماكتب حولوا طفل انابيب و عسى الله يرزكم وان شاء الله يتغير
والطلاق شيليه من بالج قولي ألحمدالله
لا يغازل ولا يشرب ولا راعي سفرات
هاذي شغلات بسيطه اللي قلتيها تقدرين تحلينها
واهني يبين يدورج كزوجه كلميه وتفاهمي وياه باللين
وقوليله أنا مو زوجتك حبيبتك أم عيالك بأجر. ليش مقصر
وياي هذولا خوال عيالك وأنتي تقولين طيب ويا أبوج
زوجج يبيله دزه بس وان شاء الله خير