|
|
بنات انا زعلانه من امي لاني ناويه اسافر 4 ايام مع زوجي وقتلها بخلي عيالي عندج
اتصدقون جان تقولي لاء انا مالي خلق اجابلهم انا اهم ماعلي نومة الليل و بنتج توها صغيره مالي خلق كل شوي تقعد علي عمرها 5 شهور. جان تقولي شوفي ام ريلج خ تاخذهم
والل اني زعلانه منها اشدعوه ماتخذهم يعني ماتهمها وناستي ؟
انا كنسلت السفره لاني مادري وين اوديهم وادري ام زوجي ماراح تاخذهم اهيا مره كبيره زمالها خلق تجابل
انا صارلي جم يوم ما اكلم امي وانا ميته على السفر ومفتشله من زوجي
يعني اقوله ماقدر اسافر لانه امي ماتبي عيالي والله اني بجيت من الحره
بنات شتشورون علي شسوي؟؟؟
مهي ملزومة بعيالج خاصة انها كبرت والانسان طاقته الحين مو مثل قبل ..
ان رضت تاخذهم فهي مشكووورة هذا فضل منها مو واجب ..
وان ما رضت اهيه حرة ..
والكبار الزم ما علينا راحتهم لا حبيبتي انتي ملزومة برضا امج مو تزعلين على شي تافه جذي حرام ..
شوفيلج طريج ثاني مثلا اختج او خالتج ام ريلج ..
لو عندج خوات بعمر الثنوي او الجامعة بالبيت عرضي عليهم انها تنام عندهم بالليل وجذيه ..
ان رضوا ماكو مشكلة ..
او حتى تأجلون السفرة لين تكبر البنية شوي ..
عادي انا عن نفسي مافكر اسافر وعيالي صغار مو اقل من سنة ونص او سنتين مع ان امي ما تقول شي بس تكسر خاطري والله مرة كبيرة بتسهر مع ياهل بو اشهر وتحفظ وتبدل تكسر خاطري ما تهون علي الصراحة ..
الحين انتي متضااايقة علشااان مارضت امج تخلي عيالج عندها
ومو متضااايقة انج اغضبتي امج !!
ألزم ماعليج أمج كلميها ومو ذااات اهمية هالسفرةةةة
ترى الامهااات الحين تعابه ومالهم خلق على الاطفااال
راضي امج واستسمحيها بسرعةةةةةةةةةةةة وبشريناااااااااااااا
وزوجج قوليله امي مافيها شدة على بيبي عمره 5 شهور واهي صاااجة
بعدين كافي عقب هل عمر تبي ترتاح ومو مال اتجابل ياهل طول الليل بجي وحنه
اذا احنا يالله نتحمل عيالنا
هذا واحنا صغار وبعدنا ما ربينا ولا سهرنا مثلهم
السفره تتعوض وكل شي يتعوض
وبعدين هذي الامومه احنا نبي انصير امهات ونبي نستانس ونطلع ونسافر
امج مو ملزومه فيهم انتي الي ملزومه
روحي دقي على امج وكلميها وتشامحي منها وأجلي موضوع السفر لما عيالج يكبرون وتقدرين تاخذينهم معاج
بعد شتسوين مابيدج حل ثاني
الله يهونها عليج
تهون عليج امج ؟ ما تكلمينها ؟
ترا الدنيا تدور ديري بالج
تخيلي احد من عيالج مايكلمج وانتي ماغطتي وربيتي وكبرتيه وعقبها مايكلمج لان تبين الحين تنامين الليل بس وهذا اهم ماعندج؟؟؟؟؟؟؟؟؟؟؟؟؟؟؟؟؟؟؟؟؟ والله يحز بالنفس
تعوذي من ابليس وانا كلة اقول لزوجي اذا قال خليه عند امج امي مالها خلق ماستحي منه لان هذا حقها ولا له حق يشره على امي او يفرض عليها شي ……
والوالدين زعلهم يبين بالدنيا قبل الاخرة لاتزعينها
او اخذي عيالج معاج
استغرب من هالامهات اللي تجيب عيال وتسافر بدونهم
الامومه نعمه غيرج يتمناها حمدي ربج وراضي امج ماتنلام اذا انتي امهم ماتحملتيهم تبينها اهي المره العوده تستحملهم
باي
ايونها عيال لعيال!!!!
رضا رب العالمين من رضا الوالدين
ازعل امي عشان سفره والله ما تسوي روحي راضي امج ابركلج وصدقيني ربي بيسر عليج سفرتج لأنج راضيتي امج وخمس شهور والله ما يتعب انا سافرت اوربا ورحلات خمس دول ومقعدتة بدراجته ما تعبني
توكلي علي الله ورحي راضي امج 
امج لها حق ترتاح كافي سهرت عليج تبينها تسهر على عيالج انتي وين يكون دورج
علشان تستانسين مايهمج امج تتعب ؟؟ اشدعوى لاوتزعلين عليها بعد شالسالفه ؟؟
طلبيلج سستر (ممرضه من شركة العيسى) تجابل الياهل الصبح والليل والعيال الكبار يكفيهم بس مراقبة من أمج والخدم
الممرضات يتغير شفتهم كل 12 ساعه . ونصيحتي لج رضي أمج ألزم عليج