ابي اراء المتزوجات بموضوع هالزوجه

قاعده اكتبلكم هالرساله و دموع عيني تنزل على خدي حاسه اني مجروحه ومنهانه خل اقولكم قصتي وانتو حكمو
ولله الحمد امي وبوي دايما راضيين عني وطول عمرهم امدلليني ولما يه نصيبي سالوني وقتلهم دام انه عاجبكم بيعجبني وتزوجته وانا حامل كان يطقني ولما امي وبوي يدقون عليي ابينلهم اني اسعد بنت بهالدنيا (ماكنت حابه اكسر قلوبهم عليي)
ولما يبت ولدي قلت اكيد بيتغير ومابي احرم ولدي من ابوه خل اصبر وهمن ظل يطقني كلما تنرفز مني المهم امس حصل نقاش وفجاه مالقيت غير كف نصه كان بويهي ونصه كان باذوني لدرجة اني ماعرفت انام من كثر ماتصفر اذوني وجانزين على هذا وبس سب امي وسب ابوي اللي والله لو مرض نص الليل اركضو شالو اوده مستشفى خاصة وسهرو علييه ولدي لو تعب قالوله روح يايمه انت وراك دوام عطنه اياه احنه نسهر عليه لو اختربت سيارته ابوي ركض دخلها الكراج بعز الشمس ودفعله ولما يقوله جم قاله روح انت حالك حال ولدي وماكو ابو ياخذ من ولده والله الله شاهد عليي ماقصرو فيه وبالنهايه امس يسبهم ويلعن ببوي يقولي ابوج ماعرف يربيج انا موزعلانه من لطراق كثر مانه زعلانه من سبه لبوي وامي اللي ماقصرو فيني ولا فيه ولا بولده وهذي النهايه قاعده افكر اتطلق بس احاتي قلب امي وبوي عليي بس ليمتى بظل جذي والله مادري عاد انا وحده احب الضحك وراعية واجب اقسم بالله اهله يموتون فيني من كثر ماانا قايمه فيهم وكل سفره مايخلون شي اييبونه لي وييبون حق ولدي اهله ينحطون عالجرح يبرد بس اهو لللاسف طول ماهو نفسيته حلوه دلعني ولو نفسيته موحلوه طلع حرته فيني بمجرد ماناقشه بموضوع شسوي ساعدوني بليز هل الاصلح لي اخذ اغراضي اولدي وروح حق اهلي وافتك من ضيمه وظلمه لي والا اصبر

صبري مو عشانج عشان ابوج وامج وولدج

ربي يسخرلج ريلج ويفك ضيقتج

الله يعينج ياارب

شوفي ياعمري الريال لي عصب كل شيء يقول

مو معناته يكره امج وابوج لا اهو متنرفز منج انتي..

لاتناقشين لاتحنين<<يعني مايحب النقاش والحنه حتى لو انتي الصح ..!

وهذا طبع اغلب الرياييل جذي ياقلبي

مادري ليش حاسه والله العالم انه طق خفيف مال العصبية بس وانج انتي تنرفزينه

اذا احساسي غلط حاولي تقولين لابوج بينج وبينه يبا فلان يطقني ياليت توقفه عند حده بالطيب

واتفهمه ان مو رجوله يمد ايده على مره مهما كان معصب مني في حوار ..

وانتي ياقلبي لي شفتيه معصب روحي عنه طلعي سكتي لاتجابلينه ترى العصبي كل شيء يسوي..

موفقه خير يارب

وبالمناسبة سوي فحص لاذنج لان مو زين تقعدين على عوارها سبحان الله ماتدرين شفيها ..

ماتشوفين شر يالغلا..

وييييييييييييييييييييييي

اذا خذيتي أغراضج انتي وولدج انتي الخسرانه

الريال فراشه يديد وبدال الحرمه الفففففففففففف

صبري .. صبري … صبري

والريال يحب الحرمه اللي تصبر عليه وماراح ينساها لج طول عمره

الله يكون بعونج

الله يصبرج حبيبة قلبي
ويسخر قلبه لج

قاعده اقرا رسايلكم ودموعي اربع اربع مشكورين يابنات

على فكره انا دلوعه معاه وهو يعترف يقول ياحلات دلع مرتي ومومقصره معاه بشي والا يعصب تلاقيني اسكت وهو يفهم سكوتي انه حقران وعدم مبالاه فيطقني

الله يصلحه ان شاء الله

حبيبتي ما ودي اضيق خلقك بس لازم تدخلين اهلك بالموضوع يتدخلون ووقفونه عند حده

اهلك عزوتك وسندك لا تسكتين بعدين يزيد واهلك يلومونك ليش ما تكلمتي

اسفة على هالكلمة اهو مو يايبك من الشارع علشان يمد ايده عليك انتي بنت ناس محترمين ومربينك عدل شنو فاكر نفسه

انا اقول لك جذي وموضوعك زعلني لأنك ذكرتيني بسالفة وحدة قريبة مني في البداية طراق واهي حامل وسكتت بعدين طراق ثاني وثالث وعاشر ……….. لمن يابت خمس عيال

والحين متحسفة قد شعر راسها انها ما وقفته عند حده من البداية

يطقها ويراضيها وتنسى بعد عمري

الله يصلحه ويسخره لك ولولدك ان شاء الله

انتي انسانه لج قيمتج و لج كرامتج و مشاعرج و مهما نرفزتيه او استفزيتيه كريال – لو كان ريال – ما لازم يرفع ايده عليج. هذا تربى و اهوا يشوف الحريم بطفولته ينطقون من رياييل العايله و عادي.. و علشان جذي كبر و حسباله انه عادي يطق مرا..انتي اذا استمريتي معاه و عيالج كبروا على هذا النظام راح يكبر ولدج و يطق مرته كل ما تنرفز و بنتج راح تقبل بهالشي مثل ما للاسف وايد حريم يشوفونه على انه شيء عادي لازم تصبرين عليه!
كلمة انا اسف – هذا لو يقولها – مالها قيمه و بسرعه تنسي .. انا اؤيد الصبر لكن ليش جرح مشاعر المراه بالزواج عليها او حتى بزنى زوجها يوصل للطلاق لكن العنف ضد المراه ينصبر عليه؟
اهوا مو حيوان اهوا انسان عنده لسان و اذونين .. اذا اهوا عنيف و همجي انا شخصيا ما اشوف انه كفو يكون قدوه لعياله و لو كنت مكانج اتركه لان يا حبيبتي بو طبيع ما يغير طبعه و هذا طبعه خطر عليج و على عيالج.
دخلي أفراد اسرتج اللي ثقه و ناضجين .. الكبار و الهاديين من العايله اللي متزوجين و عندهم خبره بالحياة ..
لا تسمحين لاحد ان يبرر طقه لج بان انتي اللي استفزيتيه .. شنو يعني اهوا ماعنده عقل؟ لو كل واحد طق الثاني لما يستفزه جان نص الديره ماتت..

الله يهديه لج يارب

صبري حبيبتي وادعي له بس بيني له انج انتي ما تحبين اسلوبه ومعاملته لج وزعلي عليه بس في بيتج يعني مو يطقج اليوم وباجر تضحكين له ,, ولاتبينين اى شي حق اهلج لان اذا دروا راح يكرهونه واهو مهما تعدل وتسنع راح يكون طايح من عينهم

حياتي انتي والله اصيلة وبنت اصول ،
بس من البداية مفروض ماسمحتي له يمد ايده عليك مهما كان معصب ، فيه شي اسمه تفاهم ، نقاش ، كلام ،
حنا بشر نفهم ونستوعب محنا بهايم نمشي بالطق !!!!!
اذا فكر يمد ايده مرة ثانية قوليله والله أروح لأهلي وأقولهم عن كل شي !
أنا لما صبرت عليك مو لأني مجبورة أو خايفة ! أنا صبرت شاريتك ، ومابي أحرم ولدي وجودك !
بس تعاملني كإنسانة ،
أما إنه يسب أهلك هذي عاد ماله أي حق لو إنشالله أهلك فيهم بلاوي الدنيا !!
لازم يحترم نفسه ويغير معاملته ، انتي بنت ناس ، مالقاك بالشارع !
زوجك يبي له أحد يوقفه عند حده ويبين له ان الدنيا مو فوضى ! وبعدها بيصير خوش واحد .