ابي احد يفهمني شنو ناويين عليه خالاتي خوات امي؟

شلوونكم شخباركم كويتيات يااحلى بنات وخوات ..
[color="بنات بغيت اشكيلكم حدي منقهرة ابي منكم الحل تشوورن علي ؟ انا صارلي خمس اشهر ملجة واكلم زوجي بتلفوون وياليتني ماكلمتة واللخ يا بنات راح تنصدمون من اللي راح اقوله لان ماني شقول شخلي بس باختصار السالفه ومافيها زوجي يصير ولد خالي وحدا يموت فيني المشكله بمنو بخالاتي خوات امي اللي انصدمت منهم تخيلو يحرشون زوجي علي والله جد انصدمت كان طاير فيني اول شهرين بعدها الريال قل اهتمامة فيني ماادري حسيت الوضع مو طبيعي المهم طاح جهازي مني وما حاجيته يومين كان يدق علي واستغرب جهازي مغلق المهم سأل خالتي وخالتي هذي حيل يطيحوون الشباب معاها يعني عيال اخوانها حيل معاهم ويفضفضون لها كل شي انزين بس ع فكرة خوات امي من ام بس ابوهم غير اكملكم انزين ليش مو هذيج المرة كان مسافر وكلمتة من تلفون خالتي انزين ولا من سكرتة حبيت اشوف محادثتهم بين زوجي وخالتي اهني الصدمة يابنات سالها عني وقالها وينها من امس جها زها مغلق سالي اختها المهم اختي ردت عليها وقالتلها تلفونها خربان انزين واهي ردت عليه توقعون شقالتله والله صدمة يابنات قالتله مالك شغل جذب تللفونها مو خربان يعني معناته ييب تلفون يديد هذي اهي سوالف حريم اعرفها بس انت طاف ولا جنه تقوله واهوا الاهبل يايدها ويقولها صج انج خبرة بهالسوالف وقال خرا بزلفها وينها والله يابنات ان هذي خالتي اعتبرها كل شي. واعز خالتي ماتوقعت تحفر من وراي جذي والمشكله ريلي لمن كلمني بعد ماقالتله خربان قال. خل ادق علي من تلفون اختها بكلمها المهم حاجيته هذا قبل لااشوف المحادثة اللي بينهم. وقالي خلاص كسري خطج ويبي تلفونج انا ابيعه واشتريلج واحد ثاني المهم بعد ماقريت اكتشفت الاخ يبي. يختبرني لمن قال يبي تلفونج عاد قتله امي تبيه. انزين عاد انا واجهت خالتي طرشت لها مسج وزفيتها وقتلها اني شفت محادثتكم واهي ترد علي تقولي ضحك وامزح مع زوجج وكلمت امي. واجهتهم. ويعني تقولهم ليش انتو جذي ماتمنون الخير لبتي والله ماعندهم رد كله يقولون ضحك ويحلفون بالله عليكم يابنات هذا تسمونه ضحك مو شي يقهر ويحز بالحاطر والله بنات عشان امي مو اختهم من امهم وابوهم عشان جذي يفرقون والله بنات خالاتي اللي من خواتهم من امهم وابوهم يعاملونهم غير واهم يحبون امي بس مشكلتهم الغيرة. وانا وطبعا من امي واجهتهم مانزلت كنت مسويه عملية وقاعدة بداري وخالتي كلمت امي وقالت انها بتحاجيني وبنفهمني ان مو قصدها وان هذا ضحك. ابي وجهه نظركم وابي مشورتكم علي لمن اواجهها شنو اقولها ؟واي صح بالمسج لمن طرشنلها قتلها اني راح انفصل عن زوجي وانا صج بنات زوجي مااحترم غيابي ماقدر ظروفي. وتتوقعون قالتله ان شافت المحادثة لان لمن واجهتها امي تقول اهوا مايدري الحين معطية زوجي طاف وماشتريت تلفون شنو الحل. ؟اشلون اوخر خالتي عن زوجي المشكلة ان احنا تونا اصغار يعني عمر زوجي21وخايفه تعبي باذنة ويتغير ازيادة بس مع كل هذا يحبني والله يابنات مو عارفه شسوي مشورتكم والله اني محتارة والله لكم دعوة من القلب

black"][/color]

ريلج ياهل ومبين همن انتي صغيره
الله يعينج ويوفقج
ويمكن خالتج فعلا تضحك معاه
عموما عن نفسي ماايد الزواج بهالسن للشاب خصوصا
ايكون بعده ياهل ولاهو ناضج ولاعاش كل مراهقته

بنااااااات وينكم

يعطيج العافيه حبيبتي ع علي الرد لا والله ماتضحك قصدج خافت لا تخرب علاقتها مع امي وانكشفت لان تدرين من اول. مااخذته والنفوس والغيرة بينت عليهم ف حبت ترقعها وانا عمري20يعني مناسب للزواج بس المشكله ان ريلي والله. خوش واحد وطيب بس احس يتحزش من عندة وربي يرزقج الجنه

حبيبتي ليش مكيره السالفه خالتج شكلها تتغشمر معاه
يعني جذي بس مو اكثر لاتحطين ابالج

شادن والله ماقاعد تتغشمر ردها يعني طنشها شنو اللي تضحك تقول سوالف حريم قاعد توعي لان من ملجت عليه والله الغيرة قاعدة تشب فيهم ويعني لها كذا موقف وحتى جدام حماتي واصغيرة توصيها تقولها وصليله ان انا صايرة عوبه وكله شغلهم بالنغزات. بس اقولج كل اشوي لهم مزاج مرة يحبونة ومرة لا تعليق النفوس اثقيله

ماعليج منهم اذا مثل ماتقولين
تصرفي انتي باخلاقج والله يرد كيدهم اذا جذي نيتهم

انا اشوف انج تحاجين ريلج وتحكيله الي صار بالتفصيل

وتحطين النقاط على الحروف وقوليله احنا لما الحين على البر

واذاهذي سوالفك تعطي اذنك لكل من هب ودب من الحين اقولك اناالحياه ماابيها

وقبل لاتسمع عني اسمع مني

قوليله اناماافرض رايي ولااتسلط انا انسانه صريحه واحب الوضوح ومااحب اسلوب النفاق

والي يحفرون من وراي منو ماكان لابد انك تكون رجل مواقف مو مع الخيل

ونصيحه مني دامج على البر قوليله انا ماابي اخسرك لكن قبل لاندش بيتنا ونسكر بابنا

لازم كل واحد يفتح قلبه ويقول الي بخاطره للثاني عشان تبنى الحياه على التفاهم والوضوح

وبعدين لوكنتي تبين تلفون جديد ولاتبين تدللين على ريلج وين المشكله؟؟؟

هذاريلج حلالج لكن اصحاب العقول لازم مايكبرون هالمواضيع

وعسى الله يوفقج

ربي. يفرج همج ع بالي حبيبي والله ان ردج يبرد القلب بس شقول اه اه الشكوى لله ورب يصبرني والله يفك كربج عاجل غير اجل يارب

زوجج هو اللي يبيله قرصة اي شي يبي يستفسر عنه يجي يكلمج مويعطي اذنه لكل من هب ودب

،

ماشاءالله الحين زوجها غلطان وخالتها تضحك

لاحبيبتي خالتج ماتضحك خالتج اشتغلت خباثه حاسدتج لايجيب لج تليفون الحمدلله والشكر

واااي عندي وعندج خير والله بس تدرين ترى اذا رحتي معاه بيت واحد انسي احد يتدخل بينكم خصوصا خالاتج

وانتي كلميه قوليله انا شفت محادثتك مع خالتي وقوليله انصدمت انك قلت جذي مو مصدقني بس اوكي تعال اخذ التليفون دام مومصدق < احرجيه شوي
وفهميه تبي تسأل عني بيت اهلي موجود رقم امي اختي اي احد مو خالاتي

الله يوفقج معاه ويبعد عنج هالعقارب

يابعد قلبي بدوية وااايد والله يعينا اول كنت غشيمة ماكنت اعرف في ناس واللي اعز عليج جذي يسووون بس هذي قلتيلها وانتي عندكم وعارفه شعوري بدوية ابي اوخر خالتي عن طريقه لان كله بالواتس اب معاه يعني ابي طريقه اكلمة اقوله بحرجه. بقوله ان شفت محادثتكم والله جد مقهورة منهم

احسني الظن بخالتج
وماعليج الا من ريلج

لا تخلينهم يفرقون بينكم واجهيهم وروايه ان جوالج خربان

شادن اوك معاج بس والله لو انتي بدالي شتسوين شنو يكون موقفج