ابي احد يساعدني في حل مشكلتي

السلام عليكم
كويتيات بغيت احد يساعدني في حل مشكلتي بس يكون فاهم فاهم في الحياة الزوجيه
اول شي انا متزوجه صارلي 3 سنين تزوجت عن حب عن واحد اهو مختارني واهو يصيرلي قريب حيل المهم اهو يحبني ويموت فيني مانكر هالشي بس انا مصدومه منه بشياء وايد بنات ماتخيلون انسان ماعنده حركات سوالف تخيلو يعني طاف ثلاث اعياد زواج لنا بنفس اليوم يقعد يجابلني ومستانس حده ويقولي كنتي احلى عروس ومن هالسوالف بس ماكو احساس يعني مثل شباب يعزمني يشتريلي هديه اهو متحطم فيني يكون بيومها بس ماكو احساس فاهميني تخيلون بنات حتى اول ايام عرسي مجاملني ماطلع يمكن شهر بس ماعنده حركات يقول امشي بطلعج ولاشي وانا ماحب اقوله ا>ا مااطلعت منه انا مااستانس بطلعه احب شي يكون منه مو انا اقوله تخيلون 3 سنين يمكن 5 مرات تعشينه برا مايحب وانا مقهوره هم انا من حقي استانس واطلع معاه تخيلون حتى بعيد ميلادي بس يقولي كل عام وانتي بخير وعزمني مره على عشا يعني عنده هالحركات اي شي مايحبها تخيلو بنته عمرها سنه وتسع شهور مايحب يطلعها ولامره طلعها ياي اكره طبعه بليييييييييييييييييييييد مايحب حتى اروح معاه الجمعيه تخيلون ريال ج>ي يقولي اكتبي الاغراض اللي تبينها وانا اروح اشتريها اموت قهر بعد عناء طويييل يروح يشتريهم طبعه غثيث موقادره اتحمله حتى بنتي مااوديها المستشفى يقول انا اروح بروحي مالاداعي انتي تروحين كل ه>ا تدرون ليش غيره اللي بت>بحني وت>بحه اف بنات مليت ابي حل ساعدوني والله زهقت

لا مايصير حبيبتي لازم اتقوليله واتفهمينه وهذا من حقج بس اهو ما قصر يعني قايم بشغله كرجل
ماعليه حبيبتي اجر وعافيه بس لازم تفتحين الموضوع معاه وتلاقين حل

مشكلتنا يا ام فلانة ان طبعنا مختلف عن طباع الرجال 360درجة

المرأة طبعها رومانسية حساسة تنظر لابسط الامور بعين القلب لا العقل

عااادي جدا ينسى يوم زواجنا >>>>عندج انا كله زوجي ناسي بس اذكره واقوله صارلنا خمس سنوات ويا بعض يرد على بكلمة حلوة ان شاء الله دوم ==هالرد عندي افضل من هدية وعشوة بره

سالفة انه ما يطلعج وياااج فسح وعزومات خارجية اخذيها مني اختي اغلب شبابنا ما يطلعون زوجاتهم الا بالسنة حسنة

يعني انا كل شهر مرة واحيانا ما نطلع

سالفة الجمعية واغراضها ترى زوجي نفسه بس انا اقوله في شغلات مخصوصة ابيها من الجمعية ولازم اروح اشوفها

طبع زوجج بيتوتي ؟

مسألة انه غثيث شيلها من بالج

اهو دوام ويرد البيت يقيل واللي يقيل يصير ماله خلق يطلع بره بيته

واغلب عيالنا فيهم هالبرود

تيكت ايزي ام فلانة

واقترحي عليه كل شهر تطلعون ويا بعض لمطعم ما كتغير جو

وبنته لازم يطلعها ملاهى اول مرة خليه يوديها بروحه تأكدي بتأذيه ثاني مرة بيقولج امشي ويااي

ترى الامور هذي عااادية في سنوات الزواج الاولى فحافظي على بيتج وكبري مخج شوي وبذكااائج وصبرج بتوصلين للي تبين

واكثري من الدعااااااااااااااء

حبيبتي هدي بالج وقولي الحمد للة هم ريلج اهون من هالمشاكل اللي قاعدين نسمعها وحمدي ربج ريلج يودي المستشفى في رياييل حتى الطبيب عالمرة هدي حبيبتي وتفاهمي معاة بعقل وهدوء اذا هالشي مظايقج والريال راح يتغير انا ريلي كان هم جذي عالجمعية بس كل ما اييب شي اقولة لاااااااااا موهذا اللي ابية واخلية يردة واتحجج ليما قام يخليني اروح معاة عشان يفتك عاد انتي سوي هالخطة

مدري شقولج بس الحب مو بالطلعات والهدايا والوناسة الحب بالقلب من داخل وعلى فكرة ترا في ناس تعطيج هدايا وتسمعج كلام حلو بس من داخل قلبهم يكرهونج وزوجج يحبج والدليل اختارج انتي من بين البنات وعسى الله يهديج

بعد قلبي انتوووووووووووووووو ريحتوني مشكورين على هالتفاعل
اف ماتخيلون شكثر حاقده عليه هالفتره مليت من طبعه ينرفز واحد مايحب يطلع زوجته اقوله صدقني قاعد تخرب احلى ايام عمرنا يضحك على يمصخرني يقول يالله قومي اللبسي بس زعلانه على مطعم ويقول وبعدين رحنا وتعشينا بس خلاص بس ج>ي ماادري شنو يقصد بس يبي يتطنز المشكله والله استحي اسولف حق احد زوجي مايحب يطلع معاي اكيد راح يقولون مايحبها ولا بينهم شي بس والله بنات يحبني واثقه من هالشي حيل بس ماادري ليش يسوي معاي ج>ي انصدمت بالزوااااااااااااج حيل

حبيبتي انتي تقولين انج ضليتي معاه 3 سنين و انا اعتقد انه 3 سنين مو اشويه وايد عشان تعرفين هذا الطبع بدامج مو حابه هذا الطبع ليش ما وقفتيه عند حده عشان لا يتمكن منج و ذيج الساعه مالج امل يبطل و انتي سكوتج 3 سنين عن هشي هذا معناته انج قابله و راضيه بهلوضع فمالج حق تتكلمين الحين وينج من قبل الحين لمن صار عندج بنت لا و عمرها قريب السنتين مليتي و متضايقه ال مو صحيح هذا الكلام

الله يهديكم حق بعض

حمدى ربج قاعد امجابلج مو نفس هالرياييل بس طلعات

وسالفة جمعية ما جمعية فهمي انتى عدل وكل شى بالتفاهم ينحل يا قلبى

وموفقة انشاااااااااااااااااااااااااااااااالة

حبيبتي شوي شوي اولا ما ينفع تقولينله انته طبعك جذي وجذي وتبينه يتغير بيوم وليلة تغير جذري هذا مستحييييييييل ..

ثاني شي شنو سبب غيرته يمكن لبسج فيه شي ..
حاولي لما تطلعين معاه تلبسين شي ابدا ابدا ما يلفت كتجربة وشوفي ردة الفعل لي طلعتوا شلون لين تعرفين شلي يبيه وشلي يزيد غيرته وشلي عادي عنده ..

ثالث شي ابدي بالتدريج عزيمة عشا مثلا بوقت هدوء ومطعم كباين .. علشان لا يغار وجذيه ..
مرة مرتين خل تاخذ ريلكم ع الوضع ..
تالي لا قولي ملينا من المطعم نفسه كل مرة وغيروا روحوا مطعم صاد شوية ..
بعدين تمشوا بالسيارة روحوا ع البحر ..
بعدين لي طلعتوا قوليله ابي شغلة بس من المجمع الفرني محل واحد اخذها وامشي وفعلا لا تطولين كلش كلش بس خل يجرب الوضع ..

طبعا بما ان ريلج يغار فلا تطلعون باوقات زحمة وشباب لأن حتى اللي ما يغار الصراحة يطلعون الواحد من طوره مرات ..

وبعدين طلعوا يميع ودوا البنية لو الفرع اللي يمكم تشتري ككاو وبطاط وعصير وتردون اسمكم طلعتوا البنية ..
مرة عن مرة روحوا الجمعية ..

وتأكدي ان مو كل شي ايي بالحنة والنجرة والتبجبج في اشياء اتيي بالتدريج وشوي شوي

مفروض حتى لو موحابه تطلبين منه

لازم تطليييييييييييييييييييين

لانه بتحز بخاطرج طول عمرج وماتنسينها له

وعشان ما يتعود

ترا ليلحين ف مجال تعودينه

تطلعون تعشون بره لو مره بالشهر

انتي مو قاعده تطلبين شي عيب او حرام

شوي شوي لين يتعود وباسلوب حلو

الله يكون بعونج يا حبيبتى بس بقولج ان وايد ريااايل جذى يعنى مو قاصد انه يضايقج او متعمد انا ريلى كان تقريبا بنفس طبع ريلج اول ايام الزواج بس شنو مع الوقت شوى شوى يعنى انا قمت اعزمه واقترح عليه والزق فيه
وابين له ان ولده يبى يطلع وضايق خلقه اهو مو ضرورى يعنى طلعه كبيره او عشان غالى اى مكان لى صمون من شارع المطاعم بس لازم يتعلم الريال انه يكون مع زوجته يعنى الحياه اللى دووم بالبيت ممله وتطق جبدج انتى علميه ان الاحتفال بالمناسبات الخاصه اللى بينكم لازم تحتفلون فيها اشترى هديه حتى لو مو غاليه او بس ورده وكيكه يعنى بس شنو حسسيه ان انتى تهتمين بالشى هذا … حتى لو ما يابلج انتى مو محتاجه صج انها تقهر انتى تقدرينه وتعطينه واهو لا بس ماعليه شوى شوى انشالله بيتعدل بس نصيحه لا تتمين جذى ترى تتعبين وتملين وتلقين اهو بعد متملل بس مو عارف شلون صدقينى انتى بادرى عشان نفسج وعشان ريلج وعشان بتنج ….. يعنى كتبيله مسج قوليله انت اليوم معزوم اهو صدقينى عقب مده بيرد يعيد الحرمه لج قوليله ودى اروح منى مناك لا تنطرينه اهو يقول الحياه مشاركه ومو كل شى تبينه تحصلينه بسهوله الله انشالله يارب يشرح صدرج ويهديه لج واهم شى الدعااااااااااااااااااااااااااااء