ابى السلبيات والايجابيات

مرحبا بنات انا متزوجه وعمرى 32 سنه وعندى ولد 3 سنوات وبنت6 شهور بسالكم ودى اجيب وراى بعض بس اخاف اتخسبق والتهى طبعا كثرة السهر انا عندى 2 الله يخليهم لى وانقطعت عن وايد مناسبات يعنى مره حراره مره صدر تعبان وخبركم ابى الى جربت تجيب ورى بعض احسن او انطر كل 3 سنوات انا عن نفسى احس ان يوم جبت بنوتى احس انى حيل فاضيه لها لان ولدى يروح معاى الحضانه ويرد معاى من الدوام يعنى مافى مشكله للبنوته السؤال الحين تنصحونى احمل الحين او راح اتوحق علما بان زوجى معطينى حق الاختيار الى مجربه اليهال وراى بعض تقول السلبيات والايحابيات

هو تعب في تعب
بس الحمدلله ربي يعطيج طاقه تتحملينهم والله يعينج
انا مجربه والنوم ماانام واذا استلمتي واحد مرض يمرض عليج الثاني وطلعاتج تقل بس تحاتينهم
كله بأجره ان شاءالله

مشكوره ياعسوله

الأفضل تخلين بينهم سنتين على الأقل علشان كل طفل ياخذ حقه ولو ان ماتخلص حقوقهم بس احسن

أنا من راي سنتين عالقليل عشان يعتمد الطفل علي نفسه ويريحج شوي أما اللي ورا بعض ما أيد مدام زوجج راضي لأنهم ةراح ياخذون طاقتج وراح يأثر عليج وعلي زوجج وهم عيالج

والله عندي لج اختيارين يا انج تريحين سنه او الاحسن ورا بعض علشان تعبهم يصير واحد

الله يخليهم لج ياربي

والله شوفي هو تعب تعب

لكن انا اشوف انه تخلين بينهم سنه او سنتين احس عشان كل ياهل ياخذ حقه بالرعايه

وانتي ماتدرين الوقت والله الحين مو مثل اول الله يكافينه شر هالامراض

سمله عليج وعلى عيالج الله يحفظكم

تسلموووووووووووووووووووووووون حبابيبى

اول شي حبوبـــة ..

الله يخليهم لج وان شاء الله تشووفينهم معرس و عروســة..

وربي يحفظهم لج ,,

انا من تجربتي مع خواتي ..

انصحج ان تخلين بينهم فترة ماتقل عن السنتين ,,

لان بصراحه عندي وحده من خواتي يايبتهم ورى بعض والله ماعندها وقت حق اي شي

ودايما لاهيه مع اليهال يادوب تفضى حق ريلهــا

وانقطعت عنــه ,,

اما اختي الثانيه بينهم 3 سنين ونص ماشاء الله عليها مرتاااااحه وعلى طول فاضيــة

وغير هذا ان بنتها العوده وايد مخففه عنها لا بامبرز لاحليب لاحنه وحضانــة ..

يعني صج صج مرتــــاحه الله يديمها عليهــا ..

مثل ماقالو البنات سنتين بين كل واحد …….. وأنتى شحقه مستعيله 32 مو من كبرج عشان تورطين عمرج بكوكش يهال

الله يخليلج عيالج و يبلغج فيهم يااااااااااااااارب
عن تجربتي :
بينهم حملة بطن يعني طلعت من الاربعين حملت على طول والحين عندي سنه و نص و الثانيه 5 اشهر بس شوفي عاد لا اقدر ازورو لا اطلع وان طلعت ما استانس حتى بالطلعة لأنهم يلعوزوني وحدة بتركض و الثانية ماتبي العربانة كلشي فيني تغير حتى المكياج ما يمديج تحطين حتى السباحة على الطاير حتى اكلج ما اتهنين فيه ما يمديج بتوكلين العودة من اتخلصين بجت الصغيرة و هذا الحال و في اشياء وايد لو بكتب ماراح اخلص ………..
وانتي وكيفج بس انا خلاص حرمت

خلي يصير عمر بنتج سنه بعدين فكري تحملين عشان يكون على الاقل بينهم سنتين

انصحج نطرى اعرف وحده يابت وراى بعض زين تلقى وقت تحك راسها حدهااا تعبانه حتى صارت جنه مره عوده كله ماااااااااااااالها خلق

وانا رايي من راي البنات خلي بين كل حمله وحمله سنتين على الاقل

عشان كل ياهل ياخذ حقه بالحنان والدلع والاهتمام الكااااامل

على فكره ترى انتي للحين صغييييره فلا تحاتين سالفة العمر

لج طولة العمر ان شاء الله

انا عندي بنوتة سنة و توي والده ، بينهم 11 شهر بس

والله يهبلون اسم الله عليهم بس تعب والله ، لا تشوفين ويهي ممغوووط ، و لوما امي وخواتي مساعديني

جان هلكت والله . هذي السلبيات

اما الايجابيات بالنسبة لي انهم يهبلون وانا احب اليهال ، وانشالله يكبرون مع بعض ، وان بنتي توها سنة ما تغار

من اخوها ، يو كانت سنتين او اكبر اكييييد بتفهم وتغار منه .

وثاني شغله مابي احمل عقب سنتين ، يعني اهمه معطيني اجازة من الحمال 4 سنين على الأقل يعني يمديني

اضعف واشوف عمري واستانس ، بعدين افكر احمل انشالله .