ابى اعرف هالشغلتين

قوه ياامهات بغيت اعرف شغلتين وياليت اتفيدونى فيها
بنتى الله يحفظها عمرها 3 اشهر الحين وللحين امهدها
متى اهد المهاد باى شهر وصج صعب وراح اتاذى
وثانى شغله الى اي شهر اطلع لها هوا لانى تعبت والله
تقعد فوق ال15 دقيقه علشان اطلع هوا
فياليت اتفيدونى

الله يحفظها لج ويخليهـــا..أنا أمهد عيالي ليما الشهر الخامس والهـوا من يبدا يأكل ( أعتقد بالرابع) وبـــس..

جكوره تسلمين ياعمرى على الرد السريع
تاذيتى يوم قطيتى المهاد ولا عادى وهديته اول الخامس ولا اخره
بالنسبه للاكل انا راح اوكلها بالسادس يعنى راح اطلع لها هوا الين تاكل

لا والله ماتأذيـت لأن لما كنت أمهدهم أقعد الصبح وإلا مطلعين إيدينهم من المهاد يعني متعوديـن.. والهوا تقدرين من الرابع توقفين مو شرط لما يبدأ الأكل

مشكوره ياجكوره وماقصرتى ياعسل

لازم تطلعين الهوا لانه يريح بطنها حتى لما تكبر عادي

أهلين وسومه
ما يضر لمهاد دامه يطخخها يا حلوه قبل النومه تمهدينها و اشربينها حليب تنام دفيانه ..
انا مهدت بنتي لين ال 5 من تستعسر اطبق هالخطه امسميتها اف بي اي 911 شكو مادري ..
و بالنسبه حق الهوا لين ال 6

مشكوره نجود وماقصرتى ياحلوه

نيومام بنتى شيطانه وقت النوم لى مهدتها تبجى من قمه راسه مابى مهاد اتحب اتفرك عيونها توها متعلمه هالحركه عاد انطرها تنام وامهدها

وسوومه ياقلبي مهديها ماعليج منها بنتج جمبازيه ههههههههههههههههههههه مهديها علشان تستقوي وتصلب طولها ماتصير رخوه وعقب الخامس مهدي بس نصها يعني من خصرها لي تحت ولما تبتدي تتحرك وتتقلب علي بطنها وعلي جنب فكي عنها المهاد
يارب يخليها لج وتتربي بعزكم انتي وابوها

وسومه أول شي الحمدلله علىسلامتج حبيبتي
بالنسبه حق المهاد انا ولدي مهدته شهرين مهاد كامل تالي قمت أمهده نص لأنه نفس بنتج فجأة يطلع ايده وريله
وبالنسبه للهواء تميت لما بدا ياكل ولا توكلينها قبل لا تكمل 6 شهور عشان يكتمل الجهاز الهضمي،وفي تكنيك كانت رفيجتي تسويه عشان يطلع الهوا أسرع تطقطقين ظهرها شوي شوي 3 مرات تالي تمسحين على ظهرها بسرعه
الله يحفظها يا رب

الله يخليها لج يارب

والمهاد للرابع وخاصة اذا كان الجو بارد تدفى

والهوا لين تكمل الرابع او خامس

انا عيالي امهدهم لحد الشهر السادس