ابو زوجي ) :

مرحبا كويتيات

شخباركم؟؟

بادش بالموضوع على طول واللي بتشورونه علي باسويه

بنات اولا انا اللحين قاعده في بيت ابوي لان قاعده اعدل شقتي في بيت اهل زوجي
بس الشهر الياي بانتقل اهناك

من قبل اسبوعين رحنا بيت اهله يوم الجمعه الكل يتغدى اهناك
اقول حق ابو زوجي باخذ بنتي لان كله تبي تحط يدها في عيون اخوها بنتي عمرها سنه ونص وولدي عمره شهرين يعني البنت ماتفهم
يقولي لاء خليها ما بتسوي شي
والا تحط يدها في عين اخوها ويصرخ عليها ويزفها ويقولها يالكلبه وانا ياتني الصيحه شلون يصرخ على بنتي سيده شلتها واهيه ماتت من الصياح
وقلت الجمعه اللي عقب مابروح ومارحت ولا احد سأل ولا شي
وامس رحت وياريت مارحت
ابو ريلي يقول حق ريلي ييب ذي الحماره اللي اهيه بنتي عشان احبها ووداها له وحبها وقعد يطقها على ضهرها وانا منصدمه وامبطلين عيونا انا وزوجي
اقوله طقيتها
يقولي اي طقيتها وتبين اكسر راسها باكسر راسها مو يتغشمر من صجه
متتتتتتتتتتتتتتتتتتتتتتت من القهر ياتني الصيحه
قتله ليش
يقولي عادي تعودي لان باجر بتشوفين عمامها واليهال يطقونها مافيها شي
قتلها لاء فيها شي
قال عادي
وبس سكت وحدي منقهره
الا يقولي زعلتي
تره بتمين زعلانه طول عمرج
والله بط جبدي
وانا علاقتي بهم سطحيه
وبعدين اخو ريلي ينادي بنتي لان بعيد فيناديها بصوت عالي عشان تسمع
الا ابوه يقوله لاء لاء لاتصارخ بعدين اهلها يزعلون مو جذي يا ام جود بأسلوب استفزاز ويكلمني بأحتقار والكل قاعد العيال وازواج بناته
انا ابوي ما يكلمني جذي
والا اسلوووووووووبه مأساه ماعرف شنو باسوي لي رحت اهناك
احس بتصير مشاكل واحنه في غنا عنها
ومن قبل اسبوعين بعد كنا رايحين انا ويا ريلي بيتهم انودي اغراض
يقولنا انتو ماتستحون على ويهكم متى بترودون البيت
اقوله احنه كل شهر قاعدين نسوي شي مانقدر نضغط على روحنا
واهوه كلش ما يساعد عياله ولا بفلس
حتى هدية زواجنا عطانا 50 دينار وطلعاها من عينا
ومره تونا متزوجين شرينا تلفزون بس كنا نصبغ غرفتنا فخليناه في المجلس مالهم
رديت فليل الا اشوف التلفزون محطوط في الصاله ومشغلينه
من بدال ما يساعدونا يزيدون الضغط علينا والمصاريف علينا
والله مأساااااااااه
واهوه يعامل ريلي كأنه ياهل
من قبل اسوبعين يوم ودينا الاغراض
يقول حق ريلي جدامنا كلنا وزوج اخته قاعد
اكل تبن
اسكت لا احط النعال اللله يعزكم في بوزك
انت كلب
انت ماتستحي
كل الالفاظ السوقيه يقولها لهم
ومسكين ريلي شايلهم فوق راسه
واخوانه الباقي مو ماعطين ابوهم ويه ويصارخون عليه يحترمهم
وريلي يعني على نياته وكله يسكت ومايرد على ابوه يقوله جذي
انا مارضى على ريلي احد يقوله جذي وانا قاعده شاسوي؟؟

قولولي؟؟؟

5 شافو الموضوع ولارد يبرد القلب ) :

حبطتوووووووووووووووووووووووووني

الله يعينج حبيبتي .. إن شاء الله الاخوات يساعدونج ..

لكن بقولج شي أكبر غلط تخلين زوجج يرد على أبوه ويزفه ماراح تلقين أنتي وياه التوفيق .. هذا شي يغضب الله
أنا ما أقولج إن أبوه مسوي شي صح لأ .. هو غلطان مية بالمية
وحموانج إلي قاعدين يزفونه ويصارخون عليه نار جهنم ناطرتهم إذا ماتابوا .. الله يمهل ولا يهمل

الله يهدي أبو زوجج ويسخره لج

الله يهديه ان شاءالله
صبري بعد شتسوين كل الشياب جذي سوي مثل مايسوي زوجج علشان ترضين ضميرج وتكونين عاملتيه جنه ابوج
وحاولي تصيرين الاحسن والله يوفقج

والله أختي ما أدري شقولج بس مو الأفضل أنكم تطلعون شقه بروحكم أحسن من أنج تقعدين عندهم ولاسمح الله يضايقونج بكلمه أو بتصرف والناس طبايعها تختلف ، ويقولج المثل الباب اللي يجيي منه الريح سده وأستريح…..

وييييه الله يعينج
بس يمكن اهو اسلوبه جذي واكيد اهوا ريال كبير ومايقدر يغير اسلوبه بعد كل هالعمر
وإنتيييي صبري عليه معنه بيعقد بنتج بإسلوبة شنو ياكلبة ويااحماررررة بس شتسوين لا انتي ولا ريلج تقدين تزفووونه وتمسحون فيه الأرض

ماقول إلا انج صبري عليه وحاولي تبعدين بنتج عنه دامها مايحبها يعني خليها اتسلم عليه وبسسسس

مشكورين فديتكم

والله لو في امكانيه ان نطلع في شقه جان طلعنا

مادري بس انتي بعد غلطانه اذا زعلتي عشان سب بنتج ترى اهو يدها بعد ولما قالج واكسر راسها بعد لانج قلتيله تطقها؟؟
مايصير تكلمين عمج جذي
كسبي عمج خليه يحبج يعني اهو ريال كبير اذا سب البنت يتغشمر مالج حل الا تكلمين ريلج يتفاهم مع ابوه عشان يحترمه
بس مبين زوجج شخصيته ضعيفه عكس اخوانه مالج الا تتفاهمين مع زوجج يفرض احترامه او تطلعون بشقه
وحاولي تخلين اهل زوجج يحبونج بدال ماتقولين طق بيتي وسب بنتي

بعدين انتي قاعده اتبينين حق عمج انت زعوله بعدين ترى راح يحط ابالج انج حقوده ومستحيل يحبج وتدخلين قلبه وصدقيني انتي الخسرانه
لاتوعلين عمج مو غلطان ريال كبير ووايد ريايل اسلوبهم جذي محد راح يخسر غيرج اذا تميتي تمسكين عليهم كل كلمه
وتقولين شوفوا اشسووا باجر اتييلج مرت حما ويحطها بعيونه وانتي اللي تخسرين
ماتدري لاسمح الله اذا بيوم زوجج تغير عليج منو بيوقف معاج اذا هذه علاقتج مع عمج

مشكورين فديتكم

والله لو في امكانيه ان نطلع في شقه جان طلعنا

وانا مو قصدي انا يطول لسانه على ابوه

بس اشوف اخوانه اللي يطولون لسانهم اهوه محترمهم واللي يحترمون ابوهم مطلع عيونهم

مفروض ماتردين عليه من اول شي…

مبين عليه يبي يستفزج من اول شي..

فانتي ابتسمي وطاف .. وبنتي دايما معاج دام عرفتي اخلاقهم ..

واذا على زوجج فهذا ابوه .. محد له حق يتكلم …

والله يهديكم

شكووووووووو تردين على واحد كبر ابوج

والله حفيدته لو يذذبحها ماتتكلمين

المفروض انج تطولين بالج احسن

مهما كان

هذا عمج

ابو زوجج

ابو اعيالج

بمقام الوالد

لا تواخذينه ريال كبير بالسن

يمكن اهو جذي اسلوبه والظاهر اعياله تأقلموا معاه

ما لج حق تكلمينه

اذا بيكلمونه بس اعياله يمكن يتقبل كلامهم اكثر من مرت ولده

المفروض يلج ارد عليه لكن باسلوب زين مو بالتطاول انتي مابيدج شي

طلعوا روحوا بيت ابروحكم الاجارات الحين مو غالية انا لو منج اقول حق ريلي لوتحطني ابجحر فار ماعندي مانع ولا هالمشاكل صراحة

القعدة ابيت اهل الريل ماوراها الا المشاكل حلاته المرة وريلها بروحهم

ميخالف حبيبتي تحملي اهوه ريال عود والكبار دايمن طبعهم حار واذا على بنتج خليها اغلب الوقت بيت اهلج بعد شتسويت وبعديد يمكن يغير معاملته مع بنتج ويتعلق فيها ماتدرين ادعيله الله يهديع وانا اقول لوتطلعين ابشقه ابروحج احسن روح ابعيد وتعال سالم بس اهو من اول يعامل بنتج جذي ولا توه وبعدين هذا يدها شتسوين ماكو مفر الله يكون ابعونج