ابو زوجي والككاو!

السلاااام عليكم حبيباتي اشلونكم،،، مشكلتي ان عندي عم ( ابو زوجي) واااايد طيب ويحبني وكله يجيب لي هدايا وجذي،،، وانا ما احب اظايقه بأي كلمه، بعد ما جبت لهم الولد انخبلو الكل يبيه ( ما الومهم حفيدهم) لكن المشكله اني كل ما لبسته هدوم نظيفه بالليل عشان ينلم فيها، خذوه مني ورجعوه لي وسسسسسخ كله حلاو ودبق،،، وكل ما افرش له اسنانه يرجعونه ماكل ككاو وحلاو. وانا قايلت لهم بعد الساعه 10 لا تعطونه ككاو لاني اكون مفرشه اسنانه،، وبعدين ابي اعلمه ان بليل ماياكلون ككاو لكن مايسمعني كله يعطيه حلاو بليل لين طلعت له مثل الحفرة بضرسه وانا خايفه تكبر ويتألم منها ،،، بنات ساعات اكون مفرشتله ويجيب لي ياه ابوه بعد ما يعطيه جده الحلاوه وانومه وانا مرتاحه ( عبالي اسنانه نظيفه). عاد اليوم كلمته وقلت له عمي الله يخليك لاتعطونه حلاو بعد العشر وقلت له انا جيت وقلت لك لاني عارفه انك بتخاف عليها اكثر مني،،،، بنات هالكلام تهقون جرحته فيه؟؟؟ وله يمكن زعل مني؟!!! مع ان اهو قال صح كلامج خلاص ما اعطيها،،، وتصدقون يوم قلت حق زوجي قول حق ابوك لايعطيها حلاو تدرون اشقال؟؟؟ قال ابوي وامي كيفهم يعطونها يسوسون اسنانها المهم انهم فرحانين فيها!!!!!!!!!!!!!!!!!!!!!!!!!!!!!! وااااااي كرهته!

لا عادي ما يشيل بخاطره عمج ترا لأن هو يخاف عليه اكثر منج

وهم فرحانين فيه فانتي اريحلج خلي تنظيف اسنانه قبل لا ينام احسن واريحلج

انا امي وابوي جذي مع عيال اخواني يعشقونهم ترا احساسهم غير عن احساسنا بعيالنا مالومهم

عادي حبيبتي لا تصيرين دقيقه لهدرجه وتفريش الاسنان خلي عقب ما ياكل الكاكاو وبعدين ليش تخلينه قاعد لي بعد العشر المفروض الياهل ينام قبل ال9 احسن له ولنموه

صح كلامكم بس مادري ليش ما ينام مبجر!! يمكن لانه يقعد الساعه ١٢ الظهر؟!!

اذا عرف السبب بطل العجب

قعديه الصبح مبجر ترا نص مشاكل نمو اليهال محصور بالنوم واوقاته قعديه الصبح عالساعه 7 او 8 وعلميه ينام مبجر احسن لج وله

ترا الياهل اللي ينام مبجر ويقعد مبجر يصير منظم وهادي اكثر من اللي يسهر وينام لي الظهر

حرام لاتكسرين بخاطر عمج ترا السالفه ماتستاهل،،فرشي له وقت النوم وخلاص

قعديه 9الصبح بينام 8او9بالليل