ابلات شنو شعوركم اذا الابلات مدحو او حشو بوحده من طالباتج ؟

اذا كنتي قاعده مع الابلات

ويابو سيرة وحده من طالباتج

شنو شعورج مدحو وحده من طالباتج وقالو ياحلوها مأدبه ويابخت اللي يدرسها ؟

شنو شعورج اذا حشو بوحده من طالبتج وقالو عنها ياكرها ؟

انا اذا سمعت الابلات يمدحون وحده من طالباتي استاااااااانست والله اتشقق جنهم مادحيني انا

حتى لو كان موعن الدراسه ماادري ليش

واذا الابلات حشو بوحده من طالباتي اموووووت قهر واتضايق وساعات ارد عليهم مااقدر اسكت

انا كتبت هالموضوع ابي اعرف في احد مثلي

يا حلوج ويا حلو مواضيعج يا كويتية عسل

صج إنج عسل

شوفي إذا مدحوا وحدة وهي فعلا تستحق المدح ..على طول أستانس وأيد كلامهم وأمدح معاهم لأنها تستاهل فعلا

بس إذا حشو بوحدة وهي ما تستاهل الحش طبعا انقهر وأدافع عنها وما أسكت ..بس إذا تستحق الكلام إللي قالوه ما أنقهر

عموما المفروض ما نحش بأحد لأن الحش حرااااااام

يعني بس مدحوا أحسن

7

7

لا أنــا مو نفســــج .. عـــادي الصــراحــه

اذا حشــوا بـوحده وكـــانت صـــج شــيطــانــه عــادي بعد هـذا الصــج .. أنــا ادرس وحده يــاويـلي الي يـالي ابـوها
لي المدرســه قـــالي طقيـــها انشـالله لو تــذبــحيــنــها .. شـــيطــانه على ثقل دمـ

لمــا يــقوولون البنــات فــلانـــه وووووه هذه الصــج شحقــه يضــيق خــلقي بــعد أنــا الي مـــربـــيـــتها ولا شــايـلتها
على جــتفي واهي صــغيره .

اســوي الي عــلي بالمــدرســه ادرســها و اعــاملها حــالها من حــال الطــالبـات .. بالاخــر عـلاقــاتي مع الطـالبـات عـلاقة
مـــدرســه وطـــــــــالبــاتــها و هذا احســن شي .

ماشاء الله عليج شونا احسن شي جذى (((.. بالاخــر عـلاقــاتي مع الطـالبـات عـلاقة
مـــدرســه وطـــــــــالبــاتــها و هذا احســن شي .)))

انا على الكورس الياي بجرب واقولكم

انا فيني طبع >>> الاخت تدرس صبيان

اذا درست صف احس ان كل الي بالصف عيالي واذا شفت احد يبجي او متضايق والله اضيق معاه

فيه موقف صار السنه الي طافت ابلة الانجليزي الي تدرس الصف وافده وبالاختبارات نهاية العام في اختبار الانجليزي فيه ولد من صفي جاي متاخر وهي عصبت لان خلصت قراءة الاسئله سئلها الطالب وقامت كفخته قدام الطلبه وباختبار بعد >>> يا عل ايدج الكسر ان شاءالله الولد بروحه خايف ومرتبك وخوفته زياده وقعد يبجي متفشل وايده ترجف وهو يكتب

انا شسويت >>> ادري خبيثه من القهر الي شفته وحتى لو بقول للاداره يبون يقولون اذا ما اشتكى ولي الامر عادي

قلت حق معلمه بالمدرسه تصير حق الولد الي شفته وقلت لازم تجي الام تشتكي والحمدلله جت الام واشتكت وسفلوا فيها الاداره وعطوها لفت نظر

انا نفس رضاهــم ..
أدرس صبيـان .. وسبحان الله ..
في أول السنـه ما يهموني .. عقب ..
أحس انهم كلهم عيالي ..
وما أرضى عليهم ..

تخيلي .. اقعد أحاتيهم بـ امتحانات المواد الثانيـه
مو بس مادتي ..

بس سالفه الذم .. أو المدح ..
اذا شيطـان بالعكس استانس .. ( عشان يعرفون معاناتي )
.. عادي أقول اي والله شيطـان ومتعبني بس أحبه بالنهايـه ..
اما اذا الولد شاطر طبعا راح استانس ..

يمكن احنا اللي ندرس صبيان ..
قليل الهادييـن عندنا .. يعني حتى الشطار شياطيـن نوعا ما ..

بس بالنهايه كلهم عيالي ..
سواء الشاطر أو الكسلان ..
وهذا شي طبيعي .. لانج يوميا تشوفينهم وتتعلقين فيهم أكثر ..

رضاهم جنه من صجج طقته؟ يا مال ايدها الكسر خرعت الصبي بصراحه الوافدات بعضهم موالكل وبصراحه الاغلب وايد عندهم سالفة مدة الايد بس زين سويتي علمتي اهله

لمن يمدحون طالبة عندي استانس جنها بنتي ولا اختي .. وازيد آنا بمدحها بالأشياء اللي مايعرفونها عنها

ولمن يحشون فيها ادافع عنها طبعا حتن لو كان هالشي فيها .. أولا لأنها طالبتي واللي يعيب عليها جنه يعيب علي .. واهما ماراح يرضون لو عيبت على طالباتهم ( ما اسويها فقط للتوضيح)

بس اكو بنات اهما اييبون الحجي لنفسهم بأخلاقهم الشينه واهمالهم المتعمد

انا استانس اذا امدحوهم واذا ذموهم عن حق ممكن اعلق وممكن اسكت

هي بس طقته هي كفرت فيه وتخيلي الولد يحط ايدينه على راسه يصد طقاتها وهو قاعد على الكرسي ))) والله منقهره لحد الحين

اذا مدحو او ذمو شي بشخصيتها فمالي شغل كل انسان حر برايه بالناس الثانين
و خير ياطير