ابلاتي العزيزات تعالوا نعتصم بس ملينا من التوجيه الظالم

لسلام عليكم ابلاتي العزيزات انا حابه اقترح عليكم اقتراح و هو ان نطلع نعتصم و نحتج على على الوضع المزري الي احنا فيه من التوجيه بس و الموجه تدش و تشخط فيج جنج خدامه ابوها و ليش يا ابله صفج و ليش يا ابله عيالج و ليش و ليش بس قاموا يتمادون و احنا خرسان و لا كلمه عشان التقدير طزززززززززززززز بالتقدير الي يذلني
و الله يا بنات طالعوا المراحل الثانيه مع ان عندهم مشاكلهم الا انهم احسن مننا تقدم درسها و تطلع ما لها شغل بشئ احنا ذاك اليوم تقولنا ست الحسن ليش الصف و صخ انت بس مهنتج تمسكين الاطفال

تخيلوا يعني مع الوقت راح تصير من ضمن مهامنا تمسيح و تنظيف الصف و صارت واجد رياض عندهم نقص فراشات منو ينضف لا تعليق
و مو بس جذي ما يعجبهم العجب والله لو شنو تسوين و طايحيلي بسالفه الاصفي المبتكر الا لو شنو تحطين فيه ما راح يعجبها و بعد سالفه ركن المطبخ سالفه ثانيه تذكرون الابلات الي طلعو من جم سنه اعتصموا حطو قرارت واجد من ضمنها وجبة المطبخ احنا في روضتنا لازم كل يوم طبخه تمريه و لا سلطه خضار و لا غيره و لا ذلك اليوم الموجه تطالع التمر و تقول هذا بالله شسوي فيه الجاهل شويه بغيت اصكها فيه و اقولها احمدي ربج هذا انا جايبته من حسابي الخاص و انا ماني ملزومه المفروض و جبة المطعم و بس و
وهذا غير تقييمها المزاجي لما تدش عليج اول ما تطلع يسألونج الي بدش عليهم و راج اشلون نفسيتها اليوم مستانسه يعني نحن نقيم على اساس نفسيه الموجه تعب السنه كلها ممكن يروح اذا اهي ذاك اليوم مالها خلق و لا منفسه
انا ادري كلكم عايشين نفس الوضع و زهقانين من هالتخصص المعفن و السبه التوجيه

لذلك تعالوا نعتصصصصصصصصصصصصصصصصصصصصصصصصصصصصصم و نطالب بحقوقنا و مايضيع حق و راه مطالب
و نطالب نقيمهم اخر السنه مثل ما اهم يقيمونا مثل الجامعه شلون نقيم الدكتور عشان كل وحده ظالمه تلزم حدها و تحترم نفسها
و الله تعبنا بس تعالوا نقترح تاريخ 5/4 مثلا نطع نروح ساحة الاراده نطالب ونحط بنود معينه اقترحوها معاي

ابي ردودكم و تفاعلكم معاي و الله لصالحنا لان تخصصنا مقبره ما تقدرين تطلعين منه فعشان جذي خل نرتاح فيه على الاقل
والله في بخاطري كلام كبير و كثير بس و الله لو بقوله ماراح اخلص الا باجر الصبح

كل كلمة قلتيها صج يلا معاج وانشالله نلقى تجاوب معانا

معاج لو يحطون رياييل وايد احسن

بس الحريم يخافون مايسوون اعتصام

بالنسبه لتاريخ 5/4 المدرسين راح يحتشدون جدام مجلس الامه عشان يقرون لنا الزياده انشالله ومو بسهوله جذي تشيشين المدرسات عشان يعتصمون لازم يصير في ندوات عشان يقتنعون بكلامج اكثر وانا مع انكم تعتصمون صراحه انا وحده ماسمح لموجه انها تزفني عندها نقد تنقدني بسلوب محترم انا ليلحين ماتعينت وناويه الشر لهم

اي والله خلونا نسوي اعتصام لان بصراحة ملينا من الاوامر اللي يفروضونها علينا غصب ومن الادارة ومن التوجيه ، بس انا مااقدر اروح معاكم لان زوجي مايرضى اروح هناك ، بس راح ادعي لكم واشجعكم

هههههههههههههههههههههههههههههههههاي موصج أحنا كلنا امل بالمدرسات اليدد ياخدون حقنا منهم –قعدوا تحت الحيطة واسمعوا الزيطة قرييييييييييييييييييبا