ابشركم الغالي وداني حق رويال حياة الله يرده من العمرة بسلامة؟

السلام عليكم بنات ………….

ودي اسولف ركض

من كثر ما اندهشت من مستشفى رويال حياة، اسمعوا انا وحده لايعه جبدي من دار الشفا ورحت فتحت لي ملف بالمواساة امس موعد مراجعتي عندهم تهاوشت معاهم على الاسعار اللي نار على تحليل واحد صكوني 60 د.ك اشدعوه يا حليل دار الشفا ولندن اذا طقوا طقوا عالتحليل ما يزيد عن 30د.ك المهم صكيت ملفي عندهم عاد زوجي قالي اشرايج بالعدان وهو يضحك وانا حدي معصبه جاان يقولي بوديج مكان كل شوي تسولفيلي عنه وتقولين بنات منتدى كويتيات يسولفون عنه "فجأة ضحكت وكشرت عن انيابي من الوناسة ، بصراحه كان حلم اني اروح اتطمش قبل لا يفتحون المستشفى بالصطاف الطبي" اي قالي تعالي خنروح لمستشفى رويال حياة مو تقولين لي افتتحوه على كلم بنات النت قلت ايه انت من صجك والا تلعب باعصابي المهم رحنا ونزلنا بمصافط السرداب ودخلنا من باب خشب عادي بس مع فتحت الباب الا الاضاءة الحلوة والجو البارررررررد والطوف الملبسة قطع خشب وركبا اللفت اللي لو يخلون غرفه لج بتستانسين فيها والا اللفت "المصعد" مزود بشاشة عن نظام المستشفى، وبعدين رحنا الرسبشن وزوجي مطوع شاف وحده لابسه لبس فاضح عصب وقال هذا اولها يا دهن عود الله يستر من المستشفى وكلمنا الهندي اللي برسبشن جان يقول راح يبدا الاصطاف الطبي بعد العيد واللحين تقدرون تتفرجون وبما انه الغالي وراه سفره قال دهن عود مالج الا من اللفت انشوف الادوار وركبنا اللفت وفتح عالدور1 والا طاوله بوفيه كبيرة اتوقع مطعم الفندق اقصد المستشفى وبعدين الدور 2 شفت اغرف بابها ملبس خشب مع لون الطوف بس الباب مبكر مربعات صغيرة وكملنا للدور 3 وشفت نفس اللي بالدور2 وفي قائمة للاجنحة واقف يمها سكيورتي مكتوب فيها نظام الاجنحة وطلع راسي من اللفت وزوجي يقول خلاص يله ما شبعتي وراي سفره وابكمل قراية القائمة مالت الاجنحة بس دخل راسي وجرني داخل اللفت غصب ونزلنا وانا زعلانه ما كملت باقي الادوار وركبنا سيارتنا وطول الطريق زوجي يتكلم عن انبهاره بالمستشفى وانا اقول حشى هو اللي بيولد فيه مو انا بس يارب تطلع الاسعار على كيف كيفي واولد فيه

يا بنات نسيت اقولكم قلت حق زوجي ابييييييييييييييه ابييييييييييييييييه مابي غيره راضيه لو اولد بغرفة الحارس اكيد بتكون حلوة : )

يعني ما شفتي الغرف ؟؟

وي يا دهن عود سولفولي حمولتي عنه شي خيالي

انا الله يسلمج وصلتني بطاقه حق استقبال الافتتاح بس ما رحت انشغلت

عاد حمولتي راحوا يقولون شي عجيب

الغرف الكبار شي مو طبيعي حتى أكبر غرفه فيهم معاها حديقتها!!!!!

والحمامات شي ما ودج تطلعين منهم خخخخخخخخخخخخ

والاجنحه مسمينها باسامي ورود يعني ياسمين وجوري

واذا دشيتي الجناح تشمين ريحة الورد الي مسمينه عليه تخيلي

يعني جناح الياسمين تدخلين تشمين ريحة ياسمين تفوح

والله يمدحون المكان حيل على قولتج فندق مو مستشفى

الللللله ودي احمل بس عشان اوووووولد فيه
بس اخاف يطلع وايد غالي و وله طق اعصي عليه

يقولون وايد غالي

اسعاره غاليه و ماراح يبلشون فيه ولادات الا على شهر 11 .. للحين مو جاهز لا فيه صيدليه و لا مختبر .. و على الاسعار اغلى جناح فيه باكيج الولاده الطبيعيه مع يومين اقامه ب 3000 دينار .. و في اقل منه على 2500 و فيه 1800 و يتدرج الى 800 او 600 بس ما ودج تشوفين الغرفه الصغيره من ضيجها